လူဆိုရင်

လူတိုင်းရဲ့ လိုအင်ကို မဖြည့်ဆည်းပေးနိုင်ပါဘူး

တစ်ချိန်တည်းမှာ အားလုံးကောင်းသွားအောင်လည်း မလုပ်ပေးနိုင်ပါဘူး

အားလုံးအညီအမျှဖြစ်သွားအောင်လည်း မဖန်တီးပေးနိုင်ပါဘူး

လိုတာထက်လည်း ပိုသွားအောင် ချက်ချင်းမဖန်ဆင်းပေးနိုင်ပါဘူး

လူသားလေ နတ်ဘုရားမှ မဟုတ်တာ။

ဒါကြောင့်

ငါဘာလဲ ကိုယ့်ဘာသာကိုယ်ပြန်ရှာဖွေလိုက်

ဘာအရေးကြီးသလဲ ပြန်သုံးသပ်ကြည့်လိုက်

ကိုယ့်ဘက်ကလည်း ညှစ်အားလေး ပေးကြည့်လိုက်

ကိုယ်တိုင်တောင် မလုပ်နိုင်တာ

သူ့ကိုရော လုပ်နိုင်မယ်ထင်နေတာ မှားသွားမှာပေါ့။

ဒါဆိုရင်

ငါသာ သူ့နေရာမှာလို့ တွေးကြည့်လိုက်

ငါသာ သူ့လိုဆုံးဖြတ်ရမယ်ဆိုရင် ဆင်ခြင်ကြည့်လိုက်

ငါသာ သူ့လိုလုပ်နိုင်ခဲ့ရင်လို့ ကိုယ်ချင်းစာကြည့်လိုက်

ငါ့ကိုယ်ငါ လေးစားရင် သူ့ကိုလည်း လေးစားတတ်မည်ပင်။

ကိုယ်ချင်းစာတတ်ရင်

ငါဟာ ဘုရင်

ငါဟာ အရှင်သခင်

ဘဝမှာ ပြဿနာတိုင်းကို ဘုရားသခင်တောင် လိုက်မရှင်းနိုင်ပါ

လူသာ လူကို လူလို မြင်နိုင်တာ။

(Everybody Knows)

၂၀.၁၀.၂၀၁၆

Powered by Bullraider.com