ပြည်သူများအတွက် ပြည်သူ့ဝန်ထမ်း အကယ်ဒမီ

Image may contain: one or more people and people standing

နိုင်ငံတစ်ခု၊ အဖွဲ့အစည်းတစ်ခု၏ ရည်ရွယ်ချက်၊ ဦးတည်ချက်များ တိုးတက် အောင်မြင်ရေးအတွက် အကောင်အထည်ဖော် ဆောင်ရွက်ရာမှာ လူ့စွမ်းအားအရင်းအမြစ် ဖွံ့ဖြိုး တိုးတက်ရေးသည် အဓိကကျသော အခန်းကဏ္ဍမှ ပါဝင် လျက်ရှိပါသည်။ နိုင်ငံတော်၏ အုပ်ချုပ်ရေး၊ ဥပဒေပြုရေး၊ တရားစီရင်ရေးတို့အတွက် ချမှတ်ထားသော ရည်မှန်းချက်များနှင့် မူဝါဒများကို အကောင်အထည်ဖော်ရာ၌ အဓိကကျသော လူ့စွမ်းအားအရင်းအမြစ် တွင် ပြည်သူ့ဝန်ထမ်းများသည်လည်း အပါအဝင်ဖြစ်ပါသည်။ ပြည်သူ့ ဝန်ထမ်း ကောင်းများဖြစ်အောင် ရွေးချယ်ခြင်း၊ လေ့ကျင့်ခြင်း၊ စည်းကမ်း၊ ဥပဒေ၊ နည်းဥပဒေများ သတ်မှတ်ခြင်း၊ ပြည်သူ့ ဝန်ထမ်းများ၏ ရပိုင်ခွင့်နှင့် အခွင့်အရေးများအတွက် အကာအကွယ်ပေးခြင်း လုပ်ငန်းများကို မြန်မာနိုင်ငံ ၌ ပြည်ထောင်စုရာထူးဝန်အဖွဲ့သည် ဖွဲ့စည်းပုံအခြေခံဥပဒေ၊ ပြည်ထောင်စု ရာထူးဝန်အဖွဲ့ဥပဒေ၊ နိုင်ငံ့ဝန်ထမ်းဥပဒေ၊ နည်းဥပဒေများပါ သတ်မှတ် ချက်များ၊ ပြည်ထောင်စု အစိုးရအဖွဲ့မှ သီးခြားချမှတ်ပေးသော မူဝါဒများနှင့် အညီ နိုင်ငံတော်သမ္မတအား တာဝန်ခံ၍ ဆောင်ရွက်လျက်ရှိသော အဖွဲ့အစည်း တစ်ခုဖြစ်ပါသည်။

၁၉၃၅ ခုနှစ်၊ မြန်မာနိုင်ငံအစိုးရအက်ဥပဒေ အရ ၁၉၃၇ ခုနှစ်၊ ဧပြီလ (၁) ရက်နေ့တွင် ရာထူးဝန်အဖွဲ့ကို ဖွဲ့စည်းကာ စတင်သန္ဓေတည် ပေါက်ဖွား လာခဲ့ပြီး ၁၉၄၇ ခုနှစ်တွင် ရာထူးဝန်အဖွဲ့ဟူ၍လည်းကောင်း၊ ၁၉၇၇ ခုနှစ်တွင် ဝန်ထမ်းရွေးချယ်လေ့ကျင့်ရေးအဖွဲ့ ဥပဒေကို ပြဋ္ဌာန်း၍ ဝန်ထမ်းရွေးချယ်လေ့ကျင့်ရေးအဖွဲ့ ဟူ၍လည်းကောင်း၊ ၂၀၁၀ ခုနှစ် တွင် ပြည်ထောင်စု ရာထူးဝန်အဖွဲ့ ဥပဒေကိုထုတ်ပြန်ခဲ့ပြီး ပြည်ထောင်စု ရာထူးဝန်အဖွဲ့ (Union Civil Service Board) ဟူ၍ လည်းကောင်း အသီးသီးပြန်လည် ပြင်ဆင် ဖွဲ့စည်းခဲ့ပါသည်။ ပြည်ထောင်စု ရာထူးဝန် အဖွဲ့တွင် အဖွဲ့ဥက္ကဋ္ဌအဖြစ် ဒေါက်တာဝင်းသိမ်းနှင့် အဖွဲ့ဝင်များ အဖြစ် ဦးဝင်းမော်၊ ဦးသန်းထွန်း၊ ဒေါက်တာ ဦးပွား၊ ဦးစောဗယ်လင်တိုင်းတို့ ပါဝင်ဖွဲ့စည်းထားရှိပါသည်။

ပြည်ထောင်စုသမ္မတ မြန်မာနိုင်ငံတော်တွင် အစိုးရ အဆက်ဆက် ၏ ခေါင်းဆောင်များ၊ ဦးဆောင်သော ပါတီများ ပြောင်းလဲမှု ရှိသော် လည်း နိုင်ငံတော်၏ အုပ်ချုပ်ရေး ယန္တရား အဆင်ပြေချောမွေ့စွာ လည်ပတ်နိုင်ရန် အတွက် ဆောင်ရွက်သူများမှာ ပြည်သူ့ဝန်ထမ်း များဖြစ်ပါသည်။ ပေါ်ပေါက်လာသော အစိုးရအဖွဲ့နှင့် နိုင်ငံတော် အကြီးအကဲများ၏ မူဝါဒ၊ ရည်မှန်းချက်၊ လမ်းညွှန်ချက်တို့နှင့် အညီ ပြည်ထောင်စု ရာထူးဝန်အဖွဲ့သည် နိုင်ငံတော်အစိုးရ၏ မူဝါဒ၊ ရည်မှန်းချက်၊ လုပ်ငန်းစဉ်များအပေါ် မူတည်ပြီး ဗဟိုဝန်ထမ်းတက္ကသိုလ် များတွင် အရည်အသွေးပြည့်မီသော ပြည်သူ့ ဝန်ထမ်းကောင်းများသာမက ပုဂ္ဂလိကကဏ္ဍတွင် တာဝန်ထမ်းဆောင် နေသော ဝန်ထမ်းများကိုပါ ထိရောက်စွာ လေ့ကျင့်ပျိုးထောင်ပေးနိုင်ရန်အတွက် ၂၀၁၇ ခုနှစ်၊ ဇန်နဝါရီလ ကစပြီး ဗဟိုဝန်ထမ်းတက္ကသိုလ် အသီးသီး၏ ကွပ်ကဲမှုအောက်တွင် “ပြည်သူ့ဝန်ထမ်းအကယ်ဒမီ (Civil Services Academy-CSA)” တစ်ခုစီ ဖွင့်လှစ်သွားရန် နိုင်ငံတော်သမ္မတနှင့် နိုင်ငံတော်၏ အတိုင်ပင်ခံ ပုဂ္ဂိုလ်တို့မှ လမ်းညွှန်မှုပြုခဲ့ပါသည်။

ပြည်ထောင်စုရာထူးဝန်အဖွဲ့အနေဖြင့် အစိုးရသစ်၏ အုပ်ချုပ်ပုံ ပုံစံသစ်အရ Old Public Administration မှသည် New Public Administration သို့ ပြောင်းလဲရာတွင် နိုင်ငံတော်ကကျင့်သုံးမည့် ဒီမိုကရေစီစနစ်နှင့် လျော် ညီသော New Public Management၊ New Public Governance တို့ကို အထောက်အကူပြုသည့် New Public Service Delivery လုပ်ငန်းစဉ်များကို အကောင်အထည်ဖော်ဆောင်ရွက်ရာ၌ ပြည်သူ များအား ကောင်းမွန်သောဝန်ဆောင်မှုများ ပိုမိုပေးနိုင်ရေး အထောက်အကူဖြစ်စေမည့် လေ့ ကျင့်ရေး ဆိုင်ရာ မူဝါဒများကို ပြင်ဆင်သတ်မှတ်ခဲ့ပါသည်။ ပြည်ထောင်စု ရာထူးဝန် အဖွဲ့၏ ဦးတည်ချက်ကိုလည်း “နိုင်ငံတော်၏ စဉ်ဆက်မပြတ်ဘက်စုံ ဖွံ့ဖြိုးတိုးတက်ရေးအတွက် လွတ်လပ်၍ စွမ်းရည် ပြည့်ဝသော၊ ယှဉ်ပြိုင်မှုရှိ၍ စည်းကမ်းကောင်းသော နိုင်ငံ့ ဝန်ထမ်းဖြစ်စေရေး တည်ဆောက်ပျိုးထောင် ရန်” “To Build an Independent, Effi cient, Competent and Disciplined Civil Service for Sustainable Allround Development Natio”အဖြစ် သတ်မှတ်ခဲ့ပြီး ဗဟိုဝန်ထမ်းတက္ကသိုလ်များ၏ လေ့ကျင့် သင်ကြားပေးသည့် ပုံစံများကိုလည်း နိုင်ငံတကာ ပြည်သူ့ ဝန်ထမ်းကျောင်း များ နည်းတူ ခေတ်နှင့်လျော် ညီအောင် ပြုပြင်ပြောင်းလဲရေးအတွက် အဓိကထားပြီး အစိုးရသစ်၏ ရက်(၁၀၀) စီမံချက်တွင် အောက်ပါအတိုင်း ထည့်သွင်း အကောင်အထည်ဖော် ဆောင်ရွက် ခဲ့ပါသည်-

(၁) ဗဟိုဝန်ထမ်းတက္ကသိုလ် (ဖောင်ကြီး) ၏ အမည်ကို ဗဟိုဝန်ထမ်း တက္ကသိုလ် (အောက်မြန်မာပြည်) ဟု ပြင်ဆင်ခြင်း၊
(၂) ဗဟိုဝန်ထမ်း တက္ကသိုလ်များတွင် Civil Services Academy-CSA ဖွင့်လှစ်ရန် ကြိုတင်ပြင်ဆင်ခြင်း၊
(၃) တက္ကသိုလ်၏ အမှတ်တံဆိပ်များ ပြင်ဆင်ခြင်း၊
(၄) တက္ကသိုလ်များ၏ ဆောင်ပုဒ်ပြင်ဆင်ခြင်း၊
(၅) တက္ကသိုလ်တွင် သတ်မှတ်တူညီဝတ်စုံများအစား မြန်မာဝတ်စုံများဖြင့် ဝတ်ဆင်ရန်ပြောင်းလဲခြင်း။

ပြည်သူ့ဝန်ထမ်းများ လေ့ကျင့်သင်ကြားပေးရန် ရည်ရွယ်၍ ဖွင့်လှစ်ခဲ့သော ဗဟိုဝန်ထမ်း တက္ကသိုလ်များ အနေဖြင့် ဆိုရှယ်လစ် လူ့ဘောင်စနစ်ကို အကောင်အထည်ဖော် ဆောင် ရွက်ရာတွင် ချမှတ်ထားရှိခဲ့သော လုပ်ငန်း တာဝန်များနှင့်အညီ တာဝန်ထမ်းဆောင်နိုင် မည့် ပြည်သူ့ ဝန်ထမ်းကောင်း များ လေ့ကျင့်မွေးထုတ် ပေးရန်၊ နိုင်ငံတော်၏ အခြေအနေအရ အရေးကြုံ လာပါက နိုင်ငံတော် ကာကွယ်ရေးအတွက် အရန် အင်အားများ မွေး ထုတ်ပေးရန်စသည်ဖြင့် စီမံခန့်ခွဲရေး၊ စီးပွားရေး၊ လူမှုရေး၊ နိုင်ငံရေးနှင့် ဥပဒေဆိုင်ရာ ဘာသာရပ်များအပါအဝင် မြန်မာနိုင်ငံ ရဲတပ်ဖွဲ့ဝင်များ တွဲဖက်၍ အခြေခံစစ်ပညာ သင်ကြားပေးနိုင်ရေး ရည်ရွယ်ချက်ဖြင့် စစ်ပညာဌာန တစ်ခုဖွင့်လှစ်ကာ ရှေးဦးစွာ ဗဟိုဝန်ထမ်း တက္ကသိုလ် (ဖောင်ကြီး)ကို ၁၉၆၅ ခုနှစ် ဇန်နဝါရီလ ၁ ရက်နေ့တွင် ရန်ကုန်တိုင်း လှည်းကူးမြို့နယ် ဖောင်ကြီးကျေးရွာ အနီးတွင် ပြည်ထဲရေး ဝန်ကြီးဌာနမှ တာဝန်ယူ၍ ဗဟိုပြည်သူ့ဝန်ထမ်းကျောင်းအမည်ဖြင့် စတင်ဖွင့်လှစ်ခဲ့ပါသည်။

၁၉၇၇ ခုနှစ် ပြည်သူ့လွှတ်တော်ဥပဒေ (၄/၇၇) ဖြင့် ဝန်ထမ်းရွေး ချယ် လေ့ကျင့်ရေး အဖွဲ့ ဥပဒေကို ထုတ်ပြန်ကာ ယင်းဥပဒေအရ ဝန်ထမ်းရွေးချယ် လေ့ကျင့်ရေးအဖွဲ့ သည် နိုင်ငံတော်ကောင်စီ၏ တိုက်ရိုက် ကွပ်ကဲမှုအောက်တွင် ရောက်ရှိခဲ့ပြီး ဝန်ထမ်းများ လေ့ကျင့်ပညာပေးရေး အတွက် ဗဟိုပြည်သူ့ ဝန်ထမ်း ကျောင်းအား အဖွဲ့၏ ကြီးကြပ်မှုဖြင့် ၁၉၇၇ ခုနှစ် မေလ ၅ ရက်နေ့တွင် ဗဟိုဝန်ထမ်းတက္ကသိုလ် အဆင့်သို့ တိုးမြှင့်ခဲ့ပါ သည်။ မူလဖွဲ့စည်းတည်ထောင်ချိန်တွင် ပေးအပ်ထားသော လုပ်ငန်းတာဝန် များအပြင် ခေတ် စနစ်ပြောင်းလဲမှုအရ တိုးချဲ့ဖွင့်လှစ်ရသော သင်တန်းများ၊ တိုးမြှင့်ခန့်ထားသော ဝန်ထမ်းအင်အားများအရ အရှိန်အဟုန် တိုးမြှင့်၍ လေ့ ကျင့် သင်ကြားပေးနိုင်ရန်အတွက် ၁၉၉၉ ခုနှစ် ဖေဖော်ဝါရီလ ၇ ရက်နေ့တွင် မန္တလေးတိုင်း ပြင်ဦးလွင်မြို့နယ် ဇီးပင်ကြီးကျေးရွာအနီးတွင် ဗဟို ဝန်ထမ်း တက္ကသိုလ် (အထက်မြန်မာပြည်)ကို တိုးချဲ့ဖွဲ့စည်း တည်ထောင် ဖွင့်လှစ်ခဲ့ပါသည်။

ယခုအစိုးရသစ်လက်ထက်တွင် နိုင်ငံတော်အစိုးရအဖွဲ့၏ မူဝါဒ၊ ရည်မှန်းချက်၊ လုပ်ငန်းစဉ်များအပေါ် မူတည်ပြီး ကျင့်သုံးမည့် အုပ်ချုပ်ရေး ယန္တရားစနစ်သစ်နှင့်အညီ အကောင်အထည်ဖော်ဆောင်ရွက်ရာတွင် ဗဟိုဝန်ထမ်း တက္ကသိုလ်များ၏ မူလအမှတ်တံဆိပ်အစား ပြည်သူ့ ဝန်ထမ်းများ စွမ်းဆောင်ရည်ပိုမိုမြှင့်တင်နိုင်ရေး၊ ပြည်သူ့ ဝန်ထမ်းတစ်ဦး၏ အဓိကစံတန်ဖိုး (Core Value) များဖြစ်သည့် ရိုးသားခြင်း (Honesty)၊ ဖြောင့်မတ်သမာဓိ ရှိခြင်း (Integrity)၊ ဓမ္မဓိဋ္ဌာန်ကျခြင်း (Objectivity)၊ ဘက်မလိုက်ခြင်း (Impartiality) တို့ကို ပိုမိုခံယူကျင့်သုံး တန်ဖိုးထားတတ်စေရေးနှင့် ဝန်ထမ်းတစ်ဦး၏ စွမ်းဆောင်ရည်မူဘောင် (Competency Framework) ၏ အခြေခံ အုတ်မြစ်များဖြစ်သော စရိုက်လက္ခဏာ(Ethos)၊ ကိုယ်ကျင့်တရား(Ethics)၊ တန်းတူညီမျှရှိမှု (Equity)၊ စွမ်းဆောင်ရည်ပြည့်ဝမှု (Effi ciency) ပိုမိုရှိစေရေးတို့ကို အသီးသီး ထင်ဟပ်ဖော်ကျူးထားသော တက္ကသိုလ်၏ အမှတ်တံဆိပ်အသစ်ဖြင့် ပြင်ဆင်ပြောင်း လဲခြင်း၊ နိုင်ငံတော်မှ ချမှတ်ပေးထားသော မူဝါဒများအတိုင်း အဖွဲ့အစည်း၏ ရည်မှန်းချက်များကို ပြည်သူနှင့်အတူ လက်တွဲ၍ အောင်မြင်ပြီးမြောက်အောင် အကောင် အထည်ဖော်နိုင်ရန်အတွက် “နိုင်ငံတော်တည်ထောင်မှု ပြည်သူနှင့်ဝန်ထမ်း လက်တွဲပြု” "Cooperation of the Civil Service and Public Creates a Natio" ဟူသော ဆောင်ပုဒ် အသစ် ချမှတ်ခြင်းတို့ကို တည်ဆဲဥပဒေ၊ နည်းဥပဒေများ၊ လုပ်ထုံးလုပ်နည်း များနှင့်အညီ ဆောင်ရွက်ခဲ့ပါသည်။

ဆက်လက်၍ ဗဟိုဝန်ထမ်းတက္ကသိုလ်တွင် စစ်ပညာ ဌာနအပါအဝင် ပညာဌာနခြောက်ခုဖြင့် ယခင်က ဖွင့်လှစ် သင်ကြားခဲ့သော်လည်း ယခုအခါ ပြည်သူ့ဝန်ထမ်း တစ်ဦး၏ အဓိကစံတန်ဖိုးများအား ပိုမိုခံယူကျင့်သုံး တန်ဖိုးထားတတ်စေရေး၊ ဗဟိုဝန်ထမ်း တက္ကသိုလ်များတွင် အရည်အသွေး ပြည့်မီသော ပြည်သူ့ဝန်ထမ်း ကောင်းများသာမက ပုဂ္ဂလိကဆိုင်ရာ လုပ်ငန်းများတွင် တာဝန်ထမ်းဆောင်လျက်ရှိသော ပုဂ္ဂလိကဝန်ထမ်းများ ကိုပါ မွေးထုတ်ပေးနိုင်ရေး၊ ပြည်သူ့ဝန်ထမ်းများအား ပြည်သူ့ဝန်ကို ထမ်းမည့်သူ၊ ပြည်သူ များ၏ လိုအပ်ချက်ကို ဖြည့်ဆည်းဝန်ဆောင်ပေးမည့်သူ ဟူသည့် စိတ်ဓာတ်မျိုးထား ရှိနိုင်ရေးအတွက် ထိရောက်စွာ လေ့ကျင့်ပေးနိုင်ရေး၊ စီမံခန့်ခွဲရေးအဆင့်နှင့် ပညာရှင် အဆင့်ဝန်ထမ်းများအား အခြေခံသင်တန်းများနှင့် အဆင့်မြင့် သင်တန်းများပေးခြင်း၊ အရာထမ်းလောင်းများအတွက် ဘွဲ့လွန်ဒီပလိုမာ (Postgraduate Diploma) အပ်နှင်းခြင်း၊ အလယ်အလတ်အဆင့် အရာထမ်းများအတွက် အဆင့်မြင့်ဒီပလိုမာ (Advanced Diploma) အပ်နှင်းခြင်း၊ အဆင့်မြင့် အရာထမ်းများအတွက် မဟာဘွဲ့ (Master Degree) အပ်နှင်းခြင်းတို့ကို ဆောင်ရွက်သွားနိုင်ရန် ဗဟိုဝန်ထမ်း တက္ကသိုလ် အသီးသီး၏ ကွပ်ကဲမှုအောက်တွင် “ပြည်သူ့ဝန်ထမ်း အကယ်ဒမီ (Civil Services Academy-CSA)” တစ်ခုစီကို ၂၀၁၇ ခုနှစ် ဇန်နဝါရီလမှ စတင်၍ ဖွင့်လှစ်နိုင်ရန် ရည်မှန်းချက်ချမှတ် ကြိုးပမ်း ဆောင်ရွက်ခဲ့ပါသည်။

သို့အတွက် နိုင်ငံတကာရှိ ပြည်သူ့ဝန်ထမ်းကျောင်းများ နည်းတူ မူလစီမံခန့်ခွဲမှုပညာဌာန၊ စီးပွားရေးပညာဌာန၊ နိုင်ငံရေးသိပ္ပံပညာဌာန၊ လူမှုရေးသိပ္ပံပညာဌာန၊ ဥပဒေ ပညာဌာန စသည့်ပညာရပ်ဌာန ငါးခုအပြင် အင်္ဂလိပ် ဘာသာပညာဌာနနှင့် သတင်းအချက်အလက်နှင့် ဆက်သွယ်ရေးနည်းပညာ (ICT) ဌာနတို့ကို ထပ်မံတိုးချဲ့၍ စုစုပေါင်းပညာဌာန ခုနစ်ခုဖြင့် ပြင်ဆင်ဖွဲ့စည်း ဆောင်ရွက်ခဲ့ပါသည်။ တက္ကသိုလ်များတွင် သင်ကြားလျက် ရှိသော Curriculum, Syllabus များကို နိုင်ငံတကာအဆင့်မီ နောက်ဆုံး အခြေအနေနှင့် အညီဖြစ်စေရေး၊ ပြည်သူ့ဝန်ထမ်းများ အရည်အသွေး တိုးတက်စေရန် လေ့ကျင့်မှုနည်းစနစ် ပိုမိုအားကောင်းစေရေးနှင့် အစိုးရ ဌာန၊ အဖွဲ့အစည်းအသီးသီးအား ပိုမိုအထောက် အကူပြုပေးနိုင်သည့် ပြည်သူ့ဝန်ထမ်းကောင်းများ ပေါ်ပေါက်စေရေးတို့အတွက် ၂-၅-၂၀၁၆ ရက်မှ ၃-၅-၂၀၁၆ ရက်အထိ ပြည်ထောင်စုရာထူးဝန်အဖွဲ့၊ ရုံးအမှတ်(၁၇)၌ EU (GOPA) အစီအစဉ်ဖြင့် “ဗဟိုဝန်ထမ်းတက္ကသိုလ်များတွင် ဖွင့်လှစ်ပို့ချလျက်ရှိသော ပုံမှန်သင်တန်း များနှင့် ဘာသာရပ် ပို့ချချက်များအပေါ် ပြန်လည် သုံးသပ်သည့် အလုပ်ရုံဆွေးနွေးပွဲ” ကို လည်းကောင်း၊၂၃-၆-၂၀၁၆ ရက်မှ ၂၄-၆-၂၀၁၆ ရက်အထိ anns Seidel Foundation ၏ အစီအစဉ်ဖြင့် “မြန်မာနိုင်ငံ ပြည်သူ့ဝန်ထမ်းအကယ်ဒမီ တည်ထောင်ရေး အကြံပြု အလုပ်ရုံဆွေးနွေးပွဲ” ကိုလည်းကောင်း၊ ၂၅-၉-၂၀၁၆ ရက်မှ ၂၆-၉-၂၀၁၆ ရက်အထိ နေပြည်တော်၊ MICC II ၌ UNDP အစီအစဉ်ဖြင့် “ပြည်သူ့ ဝန်ထမ်း ပြုပြင်ပြောင်းလဲမှုဆိုင်ရာ မဟာဗျူဟာ စီမံချက်ရေးဆွဲရေး အကြံပြုအလုပ်ရုံဆွေးနွေးပွဲ” ကို လည်းကောင်း၊ ၂၀-၁၀-၂၀၁၆ ရက်တွင် ပြည်ထောင်စု ရာထူးဝန်အဖွဲ့ နေပြည်တော် ရုံးအမှတ်(၁၇)၌ “ခေါင်းဆောင်မှု စွမ်းရည် ဖွံ့ဖြိုးတိုးတက်ရေးအစီအစဉ် ဆိုင်ရာ အကြံပြုအလုပ်ရုံဆွေးနွေးပွဲ” ကိုလည်းကောင်း၊ ၃၁-၁၀-၂၀၁၆ ရက်မှ ၁၀-၁၁-၂၀၁၆ ရက်အထိ United Nation International Training and Research (UNITAR) အစီအစဉ်ဖြင့် “ပြည်သူ့ဝန်ထမ်းများ၏ လုပ်ငန်းကျွမ်းကျင်မှု အရည်အသွေးသတ်မှတ်ချက်မူဘောင် ရေးဆွဲရေးဆိုင်ရာ အကြံပြုအလုပ်ရုံဆွေးနွေးပွဲ” ကိုလည်းကောင်း၊ ၈-၁၁-၂၀၁၆ ရက်မှ ၉-၁၁-၂၀၁၆ ရက်အထိ နေပြည်တော်၊ ၁၁-၁၁-၂၀၁၆ ရက်တွင် ရန်ကုန်မြို့၊ ၁၅-၁၁-၂၀၁၆ ရက်တွင် မန္တလေးမြို့၊ ၁၇-၁၁-၂၀၁၆ ရက်တွင် တောင်ကြီးမြို့ အသီးသီးတို့၌ “ပြည်သူ့ဝန်ထမ်း ပြုပြင် ပြောင်းလဲမှုဆိုင်ရာ မဟာဗျူဟာ စီမံချက် ရေးဆွဲရေးအတွက် ပြန်လည်သုံးသပ်သည့် ဒုတိယအကြိမ်မြောက် အုပ်စုလိုက် အလုပ်ရုံဆွေးနွေးပွဲများ” ကိုလည်းကောင်း၊ ၆-၁၂-၂၀၁၆ ရက်မှ ၇-၁၂-၂၀၁၆ ရက်အထိ နေပြည်တော်တွင် “ပြည်သူ့ဝန်ထမ်းများ၏ လုပ်ငန်းကျွမ်းကျင်မှုအရည်အသွေး သတ်မှတ်ချက် မူဘောင်ရေးဆွဲရေး အလုပ်ရုံဆွေးနွေးပွဲ” ကိုလည်းကောင်း၊ ၁၅-၁၂-၂၀၁၆ ရက်တွင် MICC II ၌ “ပြည်သူ့ဝန်ထမ်းများ ပြုပြင်ပြောင်းလဲမှုဆိုင်ရာ မဟာ ဗျူဟာစီမံချက် ရေးဆွဲရေးအတွက် ပြန်လည်သုံးသပ်သည့် တတိယအကြိမ်မြောက် အုပ်စုလိုက် အလုပ်ရုံဆွေးနွေးပွဲ” ကိုလည်းကောင်း၊ ၁၆-၁၂-၂၀၁၆ ရက်တွင် ပြည်ထောင်စု ရာထူးဝန်အဖွဲ့နှင့် UNDP တို့ပူးပေါင်း၍ MICC II တွင် “ပြည်သူ့ဝန်ထမ်းကဏ္ဍတွင် ကိုယ်ကျင့်သိက္ခာ၊ အရည်အချင်းအလိုက် ချီးမြှင့်မြှောက်စားမှုနှင့် တန်းတူအခွင့် အရေးရရှိမှုများကို တိုးတက်စေရန် စိတ်အားထက်သန် တက်ကြွမှုကို အားပေးခြင်းဆိုင်ရာ အသိပညာမျှဝေမှုဖိုရမ်” ကိုလည်းကောင်း၊ ၁၇-၁၂-၂၀၁၆ ရက်တွင် နေပြည်တော်၌ “အာဆီယံနိုင်ငံများတွင် ကျင့်သုံးလျက်ရှိသည့် ပြည်သူ့ဝန်ထမ်းများ၏ ကျင့်ဝတ်၊ တန်းတူညီမျှအခွင့်အရေးနှင့် အရည်အချင်းအပေါ် မူတည်၍ တာဝန်ပေးအပ်ခြင်းဆိုင်ရာ အမြင်ချင်းဖလှယ်သည့် အလုပ်ရုံဆွေးနွေးပွဲ” ကိုလည်းကောင်း အသီးသီး ကျင်းပပြုလုပ်ခဲ့ပါသည်။

ပြည်သူ့ဝန်ထမ်းအကယ်ဒမီ (Civil Services Academy-CSA) ဖွင့်လှစ်ရေး အတွက် ပြည်ထောင်စု ရာထူးဝန်အဖွဲ့အနေဖြင့် ပြည်ပအဖွဲ့အစည်းများဖြစ်သော UNDP, UN-APCICT, Hanns Seidel Foundation, EU, JICA, KOICA, World Bank စသည့် အဖွဲ့ အစည်းများ၏ အကူအညီ ရယူဆောင်ရွက်ခဲ့သကဲ့သို့ ပြည်တွင်းရှိ ပညာရေးဝန်ကြီးဌာနမှ ကျွမ်းကျင်ပညာရှင်များ၊ နိုင်ငံတကာ အတွေ့အကြုံရှိ ပြည်တွင်း ပညာရှင်များ၏ အကူအညီများကိုလည်း ရယူဆောင်ရွက်ခဲ့ပါသည်။ Civil Services Academy-CSA ဖွဲ့စည်းရန်အတွက် ဥက္ကဋ္ဌက ဦးဆောင်၍ “ပြည်ထောင်စုရာထူးဝန်အဖွဲ့၊ ဗဟိုဝန်ထမ်း တက္ကသိုလ်များတွင် Civil Services Academy-CSA ဖွင့်လှစ်ရေး လုပ်ငန်းကော်မတီ” ကို ဖွဲ့စည်းပြီး ဖွဲ့စည်းပုံပြင်ဆင်ရေးဆွဲရေး၊ သင်ရိုးဇယား ပြင်ဆင်ရေးဆွဲရေး၊ ဆရာ၊ ဆရာမများ ဖြည့်တင်းခန့်ထားရန်၊ ရဲတပ်ဖွဲ့ဝင်များ၊ လေ့ကျင့်ရေးသုံးလက်နက်၊ ခဲယမ်းများ ပြန်လည်အပ်နှံရေး၊ သင်ထောက်ကူပစ္စည်း၊ အဆောက်အအုံ၊ ရုံးခန်းများ ပြင်ဆင်ရေး၊ ပြင်ပပညာရှင်များ အကူအညီရရှိရေးတို့ကို နေ့၊ ညမအား သက်ဆိုင်ရာ ပါမောက္ခချုပ်များ၊ သင်ကြား၊ စီမံဆရာ၊ ဆရာမများတို့ဖြင့် ညှိနှိုင်းချိတ်ဆက်ဆောင်ရွက်ခဲ့ပါသည်။

ထိုသို့ ဆောင်ရွက်ခဲ့သည့်အတွက် ပြည်သူ့ဝန်ထမ်း အကယ်ဒမီအပါအဝင် တက္ကသိုလ် အသီးသီး၏ ဖွဲ့စည်းပုံ အသစ်အား ၆-၁၀-၂၀၁၆ ရက်တွင် ကျင်းပပြုလုပ် ခဲ့သော ပြည်ထောင်စု အစိုးရအဖွဲ့ အစည်းအဝေးအမှတ်စဉ် (၁၃/၂၀၁၆) မှ သဘောတူခွင့်ပြုခဲ့ပြီးဝန်ထမ်းများ ပြန်လည်နေရာချထားခြင်း၊ ပညာရှင်ဝန်ထမ်း များ ဖြည့်သွင်းခန့်ထားရန် စီမံဆောင်ရွက်ခြင်းတို့ကိုလည်း ဆက်လက်ဆောင် ရွက်နိုင်ခဲ့ပါသည်။

၎င်းအပြင်တက္ကသိုလ်အလိုက် ပညာရေးနှင့် လေ့ကျင့်ရေး ကိစ္စရပ်များအတွက် ဝိုင်းဝန်းထောက်ပံ့ပေးနိုင်ရန် အတွေ့အကြုံရှိ ပညာရှင်များ ပါဝင်သော တက္ကသိုလ် အကြံပေးရေးအဖွဲ့နှင့် တက္ကသိုလ်ပညာရပ် အဖွဲ့များကိုလည်း ပြင်ဆင်သတ်မှတ် ဖွဲ့စည်းနိုင်ခဲ့ပါသည်။ ယခုဆိုလျှင် Civil Services Academy-CSA ကို တက္ကသိုလ် နှစ်ခု တွင် အောင်မြင်စွာ ဖွင့်လှစ်နိုင်ခဲ့ပြီးဖြစ်သလို အစိုးရ ဝန်ထမ်းများ၊ ပုဂ္ဂလိကဝန်ထမ်းများ ပါဝင်တက်ရောက်ခွင့် ရရှိသော ပြည်သူ့ဝန်ထမ်းစီမံခန့်ခွဲမှု ဘွဲ့လွန်ဒီပလိုမာ အမှတ်စဉ် (၁) (Postgraduate Diploma in Civil Service Management - PGDCS) ကိုလည်း စတင် ဖွင့်လှစ်နိုင်ခဲ့ပါသည်။ ပြည်ထောင်စု ရာထူးဝန်အဖွဲ့မှ ကြော်ငြာခေါ်ယူသော အရာရှိအဆင့် ဝင်ပေါက်ရာထူး ဝင်ခွင့်စာမေးပွဲ ဖြေဆိုအောင်မြင်သူများ အနေဖြင့် ယခင်က အခြေခံအရာ ထမ်း လောင်းသင်တန်း အောင်မြင်ပြီး မြောက်ခြင်းလက်မှတ် Certificate ပေးသည့် သင်တန်းကိုသာ တက်ရောက်ရပြီး ယခုဆိုလျှင် ဘွဲ့လွန်ဒီပလိုမာ (Postgraduate Diploma in Civil Service Management - PGDCS) ပေးအပ်ချီးမြှင့်နိုင်သည့် သင်တန်းကို တက်ရောက်နိုင်မည်ဖြစ်ပါသည်။ CSA တွင် လေ့ကျင့်သင်ကြားမည့် အစီအမံများတွင် အစိုးရဝန်ထမ်းများအပြင် ပြည်သူ့ဝန်ဆောင်မှုလုပ်ငန်းများ ဆောင်ရွက်ရာတွင် ပုဂ္ဂလိကဆိုင်ရာလုပ်ငန်းများတွင် တာဝန်ထမ်းဆောင်လျက်ရှိသော ကုမ္ပဏီဝန်ထမ်းများ ကိုပါ လေ့ကျင့်ပေးသွားမည်ဖြစ်ရာ သတ်မှတ်အရည်အချင်းပြည့်မီသည့် ပုဂ္ဂလိက ဝန်ထမ်းများကိုပါ အစိုးရဝန်ထမ်း၊ အရာထမ်းများနှင့်အတူ တက်ရောက် သင်ကြားနိုင်ပြီဖြစ်ပါသည်။

ထို့ကဲ့သို့ ပြည်သူ့ဝန်ထမ်းအကယ်ဒမီများတွင် အစိုးရ ဝန်ထမ်းများနှင့်အတူ ပုဂ္ဂလိကဝန်ထမ်း များကိုပါ လက်ခံ လေ့ကျင့်သင်ကြားပေးခြင်းဖြင့် ဝန်ထမ်းများအကြား အတွေ့ အကြုံကောင်းများ ဖလှယ်နိုင်ခြင်း၊ တစ်ဦးနှင့် တစ်ဦး ချစ်ကြည်ရင်းနှီးမှု ပိုမိုရရှိနိုင်ခြင်း၊ ပြည်သူများအား ဝန်ဆောင်မှုကောင်းများ ပိုမိုပေးနိုင်ရန်အတွက် ပိုမို သစ်လွင်ကောင်း မွန်သော နည်းလမ်းများကို ရှာဖွေဖော် ထုတ်ရာတွင် ပုဂ္ဂလိကကဏ္ဍ၏ ဆန်းသစ်မှုများကို ရရှိနိုင်ခြင်း၊ ပြည်သူပိုင်ကဏ္ဍနှင့် ပုဂ္ဂလိကပိုင် ကဏ္ဍတို့အကြားတွင် လုပ်ငန်းတာဝန် ဝတ္တရားများကို ပွင့်လင်းမြင်သာစွာဖြင့် ပိုင်းခြား ဆောင်ရွက်နိုင်ခြင်း စသည့် အကျိုးကျေးဇူးများ မလွဲဧကန်ရရှိလာမည် ဖြစ်ပါသည်။

နောင်တွင်လည်း အလယ်အလတ်အဆင့် (လက်ထောက်ညွှန်ကြားရေးမှူးနှင့် ဒုတိယညွှန်ကြားရေးမှူးများ) အရာထမ်းများအတွက် အဆင့်မြင့်ဒီပလိုမာ (Advanced Diploma) သင်တန်းကို လည်းကောင်း၊ ညွှန်ကြားရေးမှူး အဆင့် အရာထမ်းများအတွက် မဟာဘွဲ့ (Master) သင်တန်းကိုလည်းကောင်း တိုးချဲ့ ဖွင့်လှစ်ရန် ရည်မှန်းဆောင်ရွက်လျက် ရှိပါသည်။

ထို့အပြင် အစိုးရပြောင်းလဲခြင်း၊ ခေါင်းဆောင်ပြောင်းလဲခြင်းတို့သည် ပါတီစုံဒီမိုကရေစီခေတ်တွင် ပုံမှန်ကိစ္စ တစ်ရပ်သာဖြစ်သည့်အတွက် မည်သည့်ပါတီ၏ အစိုးရ ဖွဲ့စည်းသည်ဖြစ်စေ၊ ဌာနအကြီးအမှူး၊ အဆင့်မြင့်အရာ ထမ်းများကစ၍ အောက်ခြေအဆင့် အမှုထမ်းများအထိ ပြည်သူ့ဝန်ထမ်း အဆင့်ဆင့်သည် နိုင်ငံ၏ စီမံအုပ်ချုပ်ရေး ယန္တရားကြီး အောင်မြင်စွာလည်ပတ်နိုင်ရေး၊ ပြည်သူများကို ဝန်ဆောင်မှုပေးရေးအတွက် တာဝန်ယူဆောင်ရွက်ကြရမည်ဖြစ်ပါသည်။ သို့အတွက် နိုင်ငံတော်အပေါ် သစ္စာရှိသော၊ မိမိအလုပ်အပေါ် တာဝန်ယူသော၊ လိုလားတက်ကြွစွာနဲ့ တာဝန်ထမ်းဆောင်သော ဝန်ထမ်းကောင်းများ ပေါ်ထွန်းလာစေရေး အတွက် အနာဂတ်တွင် နိုင်ငံတကာ အဆင့်မီသင်တန်းများအား သင်ကြားပေးသွားတော့မည်ဖြစ်သည်။ ပြည်သူ့ ဝန်ထမ်းအကယ်ဒမီမှ မွေးထုတ်ပေးလိုက်သော ဝန်ထမ်းများသည်လည်း သက်ဆိုင်ရာ ဝန်ထမ်းအဖွဲ့ အစည်း၏ ရည်မှန်းချက်အောင်မြင်ပြီးမြောက်အောင် တစ်ထောင့်တစ်နေရာမှ ပါဝင်ဆောင်ရွက်နိုင်မည်ဖြစ်သလို ဝန်ထမ်းသက်တမ်းတစ်လျှောက် အစဉ်လေ့လာသင်ယူပြီး ပြည်သူကို အကောင်းဆုံးဝန်ဆောင်မှုပေးနိုင်သော အုပ်ချုပ်မှုယန္တရား လည်ပတ်နိုင်ရေးအတွက် ပိုမိုအထောက်အကူပြုနိုင်တော့မည် ဖြစ်ပါသည်။

ပြည်သူ့ဝန်ထမ်းအကယ်ဒမီ (Civil Services Academy-CSA) ဖွင့်လှစ်နိုင်ရေးအတွက် အစိုးရ အဖွဲ့သစ်၏ လမ်းညွှန်မှုနှင့်အညီ ပြည်ထောင်စုရာထူးဝန် အဖွဲ့ ဥက္ကဋ္ဌနှင့်အဖွဲ့ဝင်များ၊ ပြည်ထောင်စု ရာထူးဝန်အဖွဲ့ ကွပ်ကဲမှုအောက်ရှိ ဥက္ကဋ္ဌရုံးအဖွဲ့၊ ဝန်ထမ်းရေးရာဦးစီးဌာန၊ ဝန်ထမ်းရွေးချယ်လေ့ကျင့်ရေး ဦးစီးဌာန၊ ဗဟိုဝန်ထမ်း တက္ကသိုလ်များမှ သင်ကြား/စီမံအရာထမ်း၊ အမှုထမ်းများ၏ ကြိုးပမ်းမှု၊ မြန်မာနိုင်ငံ ပြည်သူ့ ဝန်ထမ်းများ အရည်အသွေး၊ ခံယူချက်နှင့် စိတ်ဓာတ်မြင့်မားရေးကို လိုလားသော ပြည် တွင်း၊ ပြည်ပ အဖွဲ့အစည်းများမှ ပညာရှင်များ၏ ဝိုင်းဝန်းကူညီမှု များကြောင့် အစိုးရသစ်၏ စတင်တာဝန်ယူသည်မှ ယနေ့ထိ ရှစ်လတာ ကာလအတွင်း ၂-၁-၂၀၁၇ ရက်နေ့ တွင် ပြည်ထောင်စုရာထူးဝန်အဖွဲ့ ကွပ်ကဲမှုအောက်ရှိ ဗဟိုဝန်ထမ်း တက္ကသိုလ်နှစ်ခု၌ ပြည်သူ့ဝန်ထမ်း အကယ်ဒမီ (Civil Services Academy-CSA) ကို မူလ ရည်ရွယ်ထားသည့်အတိုင်း အောင်မြင်စွာ ဖွင့်လှစ်နိုင်ခဲ့ပြီဖြစ်ပါကြောင်း တင်ပြလိုက် ရပေတော့သည်။

ကြေးမုံသတင်းစာ (၃.၁.၂၀၁၇)

Powered by Bullraider.com