ဝိညာဉ်ရှိသလား

http://www.aiainews.com/img/2016/11/19/1192000608fd88fd7186.jpeg

ယနေ့တိုင် ဝိညာဉ်ရှိသည်ဟု ယုံကြည်နေကြသူများပါသည်။ တစ်ခါတရံ ဝိညာဉ်က လူကို မသေရန်ပင် ပြန်ပြီး အကူအညီပေးသည်ဟု ယူဆနေကြသည်။ ဝိညာဉ်သည်မည်သည့်နေရာတွင်ရှိသည် မည်သို့ရှိနေသည်ကို သက်သေ မပြနိုင်ကြသော်လည်း ဘာသာရေးဆိုင်ရာ အယူအဆအစွဲများက ဝိညာဉ်အမှန်တကယ်ရှိကြောင်း ယူဆနေဆဲဖြစ်သည်။

ဝိညာဉ်သည် ဦးနှောက်က လုပ်ဆောင်သည့် ဖြစ်စဉ်တစ်ရပ်အနေဖြင့် ယုံကြည် လက်ခံမှုများ ရှိနေသည်။ စွဲလမ်းခြင်း၊ စိုးရိမ်ခြင်း၊ ကြောက်ရွံ့ခြင်း၊ စိတ်ဓာတ်ကျခြင်းတို့သည် ဝိညာဉ်၏ လှုံ့ဆော်ချက်များဖြစ်သည်ဟု လက်ခံကြသူများလည်းရှိကြသည်။ သို့သော် စိတ်ပညာရှင်များက ဝိညာဉ်ဆိုသည်မရှိ။ ဝိညာဉ်ရှိလျှင် လူသားတို့ တွင် အထက်တွင်ဖော်ပြခဲ့သည့် စိုးရိမ် ကြောက်လန့်မှုများ ရှိစရာမလိုကြောင်း ဖော်ထုတ်ခဲ့ကြသည်။

ပလေတိုခေတ်မှသည် ရီနေ ဒက်စ်ကာတီးခေတ်အထိ ဝိညာဉ်ပြဿနာများကို အဖြေရှာခဲ့ကြပါသည်။ ပလေတိုက ကျွန်ုပ်တို့သည် မမွေးဖွားမီ ကာလများကို ပြန်လည်မှတ်မိခြင်းမရှိ။ အသစ် အသစ်သောအကြောင်း အရာများကိုသာ ပြန်လည်မှတ်မိနိုင်ခြင်းရှိသဖြင့် အတိတ်တစ်နေရာတွင် ဝိညာဉ်ရှိနေသည်ဟုဆိုခဲ့သည်။

ဒက်စ်ကာတီးက စိတ်တွင် လက်ရှိအဖြစ်အပျက်များကို သိသည့်အသိအပြင်၊ တွေးခေါ်နိုင်မှဖြစ်လာသည့် အသိတရားတစ်မျိုးရှိကြောင်း ဖော်ထုတ်ခဲ့သည်။ သူက လူသားတို့တွင် ထူးခြားသည့် တွေးခေါ်ဖော်ထုတ် နိုင်စွမ်းများရှိနေသည်။ ထိုသို့ သ်ိမြင်နိုင်စွမ်းများကပင် ဝိညာဉ်ကြောင့်ဖြစ်သည်ဟုဆိုခဲ့သည်။

ဦးနှောက်သည် စိတ် သို့မဟုတ် ဝိညာဉ်ကို ကိုယ်စားပြုခြင်းသာဖြစ်သည်။ ဝိညာဉ်သည် လူတစ်ဦး၏ စိတ်အစဉ်ကို အမျိုးမျိုး အသုံးချနိုင်သည့်အပေါ်တွင် မူတည်နေသည်။ ထို့ကြောင့် ဝိညာဉ်ရှိခြင်း၊ မရှိခြင်းတို့ကို သိခြင်းမှာ လူသားတို့၏ ဦးနှောက်ကတစ်ဆင့် ခံယူတွေးခေါ်နိုင်စွမ်းတို့အပေါ်တွင် မူတည်သည်။

၁၉၆၀ ပြည့်နှစ်က နိုဘယ်ဆုရှင် ရောဂျာ စပါရီက လူသား၏စိတ်နှင့် အသိဉာဏ်ကို ခွဲခြားမရနိုင်ကြောင်း လက်တွေ့သက်သေပြခဲ့သည်။ သူသက်သေပြခဲ့ခြင်းမှာ ဒက်စ်ကားတီး၏ အဆိုကို သက်သေထူခဲ့ခြင်းသာဖြစ် သည်။

ဝိညာဉ်ဆိုသည်မှာ လူသားတို့၏ စိတ်ခံစားမှုနှင့် ဆက်စပ်နေသည်။ စိတ်ခွန်အားနှင့် စွမ်းအားကောင်းသူများ သည် မိမိတို့စိတ်ကူးကို ထုတ်လွှတ်နိုင်စွမ်းရှိသည်။ ယင်းတို့သည် ဝိညာဉ်များအဖြစ် မြင်တွေ့နိုင်ကောင်း သည်ဟုလည်း ဘီစီ ၃၇၇ လောက်ကတည်းက ဟစ်ပိုကရေးတီးဆိုသူက ဖော်ထုတ်ခဲ့သည်။

ဒေါက်တာ ဒီကေ ဂျွန်ဆင်ကမူ လူသားတို့ထံမှ ဝိညာဉ်ထွက်သွားပြီး တစ်ခုခုလုပ်ဆောင်နိုင်စရာအကြောင်း ဘာမှမရှိဟု ထုတ်ဖော်ခဲ့သည်။

ဝိညာဉ်ရှိမရှိဆိုသည်မှာ ယနေ့တိုင် အငြင်းပွားစရာဖြစ်သည်။

Powered by Bullraider.com