မြန်မာသရ (၄)

Image may contain: 1 person, sunglasses

''ဘာသာဗေဒအမြင်အရ သရသတ်မှတ်ပုံအကြောင်း ပြော မယ်လို့ အရင်အပတ်က ဆရာပြောထားပါတယ်ဆရာ''

''ဟုတ်တယ်လေ။ သရအကြောင်းဆက်ပြောမှာပေါ့။ ဒါထက် ဘာသာဗေဒအမြင်အရ ဗျည်း သတ်မှတ်ပုံကိုမှတ်မိသေးလား''

''မှတ်မိပါတယ်ဆရာ။ ဗျည်းကိုရွတ်ဆိုရာမှာ အသံကြိုးတုန်ခါ တဲ့ဗျည်းလည်းရှိတယ်။ အသံကြိုး မတုန်ခါတဲ့ ဗျည်းလည်းရှိ တယ်။ ပြီးတော့ပါးစပ်ထဲကတစ်နေရာရာမှာ အတားအဆီး ဖြစ်ပြီးမှ အပြင်ကိုလေထွက်သွားတယ်။ အဲဒါဗျည်းရဲ့ လက္ခဏာ တွေပါ''

''ဟုတ်ပါပြီ။ သရသတ်မှတ်ပုံကလည်း အဲဒီအချက်နှစ်ချက် ကိုပဲ အခြေခံတယ်။ သရကိုရွတ်ဆိုရာမှာတော့ အဆုတ်ထဲက ပြန်တက်လာတဲ့လေဟာ လည်မျိုထဲက အသံကြိုး နှစ်ချောင်း ကို တိုးဝှေ့ပြီးထွက်ရတဲ့အတွက်အသံကြိုးတုန်ခါတယ်။ 'အာ' 'အန်''အော'ဆိုတာမျိုး သရတစ်ခုခုကိုအသံထွက်ကြည့်ရင် အသံကြိုးတုန်ခါတဲ့ အထိအတွေ့ရမှာပေါ့''

''ဟုတ်ကဲ့ပါ''

''နောက်တစ်ချက်က ဗျည်းကိုရွတ်ဆိုရင် ပါးစပ်ထဲမှာ အတား အဆီးတစ်နေရာရာမှာ ဖြစ်ပေမယ့် သရကိုရွတ်ဆိုရင်တော့ ပါးစပ်ထဲမှာအတားအဆီးမရှိဘဲ လွတ်လွတ်လပ်လပ် လေထွက် သွားတယ်လေ။ ဒါကြောင့် သရကိုရွတ်ဆိုရင် ပါးစပ်အမြဲပွင့် နေတာပေါ့။ အဲဒီအချက် နှစ်ချက်ဟာ အဓိကပါပဲ''

''နားလည်ပါပြီဆရာ''

''ဒီလိုဆိုရင် သရအမျိုးအစားခွဲပုံကို ပြောရအောင်။ ထုံးတမ်း စဉ်လာတုန်းကလိုပဲ သရတွေကို အမျိုးအစားခွဲထားတယ်။ ပထမဆုံးခွဲတာက သရရိုးရိုး ခုနစ်လုံးပဲ။ Simple Vowels လို့ခေါ်တာပေါ့။ အဲဒါတွေက'အီအေအယ်အာအော်အိုအူ'ဆိုတဲ့ သရတွေပဲ''

''အဲဒီသရ ခုနစ်လုံးကို လျှာအစိတ်အပိုင်းအရရယ်၊ လျှာ ရွေ့လျားပုံအနိမ့်အမြင့်အရရယ်၊ နှုတ်ခမ်းအနေအထားအရရယ် အဲဒီအချက် သုံးချက်အရ အသေးစိတ်ထပ်ခွဲတယ်''

''ဘယ်လိုခွဲတာပါလဲဆရာ''

''ပထမဆုံးလျှာရှေ့လျှာနောက်ဆိုတဲ့ အစိတ်အပိုင်းအရ ခွဲပုံကို ပြောပါ့မယ့်။ ခုနပြောတဲ့ သရအစဉ်အတိုင်းပေါ့။ 'အီ၊ အေ၊ အယ်၊ အာ'ဆိုတဲ့ သရ လေးလုံးဟာ လျှာရဲ့ရှေ့ပိုင်းမှာ ဖြစ်တဲ့ သရတွေမို့ရှေ့သရတွေ(front vowels)လို့ခေါ် တယ်။ 'အော်၊ အို၊ အူ'ဆိုတဲ့ သရသုံးလုံးကတော့ လျှာရဲ့ နောက်ပိုင်းမှာ ဖြစ် တဲ့သရတွေမို့ နောက်သရတွေ(back vowels)လို့ခေါ်တယ်''

''ဟုတ်တယ်နော်ဆရာ။ အီ၊ အေ၊ အယ်၊ အာလို့ဆိုရင်အသံကလျှာရှေ့ပိုင်းကထွက်လာတယ်။ အော်၊ အို၊ အူ လို့ဆိုရင် တော့အသံက လျှာနောက်ပိုင်းကထွက်လာတယ်''

''လျှာရွေ့လျားပုံအနိမ့်အမြင့်အရဆုိုတာက လျှာကအမြင့်ဆုံး အနေအထားကနေပြီးအနိမ့်ဆုံးအနေအထားရောက်အောင်ဒေါင်လိုက်ရွေ့တာ၊ ပြီးတော့အနိမ့်ဆုံးကနေအမြင့်ဆုံး ပြန် ရောက်အောင် ဒေါင်လိုက်ရွေ့တာပေါ့''

''ဟုတ်ကဲ့ပါ''

'''အီ' နဲ့'အူ'ကို ရွတ်ဆိုရင်လျှာက အမြင့်ဆုံးအနေအထား ရောက်နေတဲ့အတွက် လေလမ်းကြောင်းပိတ်လုနီးပါးဖြစ်နေတယ်။ အဲဒီအနေအထားကနေပြီးလေထွက်တာပေါ့။ ဒါကြောင့် အဲဒီသရတွေကိုအပိတ်သရတွေ (closed vowels) လို့ ခေါ်တယ်''

''ဟုတ်ကဲ့ပါ''

''' အေ'နဲ့ 'အို'ရွတ်ဆိုတဲ့အခါမှာတော့ လျှာကအောက်ကိုနည်း နည်းကျလာပြီး လေလမ်းကြောင်း တစ်ဝက်ပဲပိတ်တော့တယ်။ ဒါကြောင့်အဲဒီသရတွေကို တစ်ဝက်ပိတ်သရတွေ half-closed vowels)လို့ခေါ်တယ်''

''ဟုတ်ကဲ့ဆရာ''

''' အယ်'နဲ့'အော်'ကိုရွတ်ဆိုရာမှာတော့ လျှာကပိုပြီးအောက်နိမ့် လာတယ်။ လေလမ်းကြောင်းတစ်ဝက်ပွင့်သွားပြီ။ ဒါကြောင့် အဲဒီသရတွေကို တစ်ဝက်ပွင့်သရတွေ(half-open vowels)လို့ခေါ်တယ်''

''ဟုတ်ကဲ့''

'''အာ'သရကိုရွတ်ဆိုတဲ့အခါမှာတော့ လျှာကအနိမ့်ဆုံး ရောက်သွားပါပြီ။ လေလမ်းကြောင်း လုံးဝပွင့်သွားပါပြီ။ ဒါကြောင့်'အာ'ကိုအဖွင့်သရ (open vowel)လို့ခေါ် တယ်''

''မှတ်ထားပါ့မယ်ဆရာ''

''အခုပြောတဲ့သရ ခုနစ်လုံးကို စီစဉ်ထားပုံကိုကြည့်ရင် လျှာက အမြင့်ဆုံးကနေ အနိမ့်ဆုံးကို တဖြည်းဖြည်းရွေ့လာတယ်။ 'အီအေအယ်အာ'လို့ ဆိုသွားတုန်း လေလမ်းကြောင်းတဖြည်း ဖြည်းပွင့်လာပြီး'အာ'ကျတော့လုံးဝပွင့်သွားပြီး'အော်အိုအူ'ကျတော့ လျှာက အနိမ့်ဆုံးကနေအမြင့်ဆုံးကို တဖြည်း ဖြည်းပြန်ရွေ့သွားတယ်။ လေလမ်းကြောင်းကလည်းတဖြည်း ဖြည်း ပိတ်သွားပြီး 'အူ'ကျတော့အပိတ်ဆုံးပြန်ဖြစ်သွားတယ်။ လျှာရှေ့ပိုင်းက တဖြည်းဖြည်းနိမ့်လာတာ လျှာနောက်ပိုင်းက တဖြည်းဖြည်း ပြန်မြင့်သွားတာ သတိထားမိနိုင်ပါတယ်''

''ဟုတ်ကဲ့ပါဆရာ။ သမီးတို့သရတွေကို အစဉ်အတိုင်းဆိုကြည့် ရင်းအနေအထားကို မှတ်ထားပါ့တယ်''

''ဟုတ်ပါပြီ။ ကဲ... နှုတ်ခမ်းအနေအထားအရခွဲပုံကို ကြည့်ရင် အီ၊ အေ၊ အယ်၊ အာ သရ လေးလုံးဟာနှုတ်ခမ်းကိုဖြန့်ပြီး ရွတ်ဆိုရတဲ့အတွက် နှုတ်ခမ်းဖြန့်သရတွေ(unrounded vowels) လို့ခေါ်ပြီး အော်၊ အို၊ အူ သရ သုံးလုံးကတော့ နှုတ်ခမ်းကို ဝိုင်းပြီးရွတ်ဆိုလို့ နှုတ်ခမ်းဝိုင်းသရတွေ (rounded vowels) လို့ခေါ်ပါတယ်''

'' ဟုတ်ကဲ့ပါ''

'' သဒ္ဒဗေဒ(phonetics)စာအုပ်တွေမှာတော့ ဗျည်းသံ သရသံဖြစ်ပုံတွေကို ပုံတွေနဲ့ပြလေ့ရှိတယ်။ ပါးစပ်ထဲမှာ လျှာ အနေအထား၊ နှုတ်ခမ်းအနေအထားတွေကို မြင်သာအောင် ပုံဆွဲပြတာပေါ့။ ပါးစပ်ထဲမှာ လျှာရှေ့ပိုင်းက အာခေါင်မာနဲ့ တည့်နေတယ်။ လျှာနောက်ပိုင်းက အာခေါင်ပျော့နဲ့တည့်နေ တယ်။ ဒီတော့ ရှေ့သရတွေကို ရွတ်ဆိုရင် လျှာရှေ့ပိုင်းဟာ အာခေါင်မာဆီကို ဦးတည်လှုပ်ရှားတယ်။ နောက်သရတွေကို ရွတ်ဆိုရင် လျှာနောက်ပိုင်းဟာ အာခေါင်ပျော့ဆီကို ဦးတည် လှုပ်ရှားတယ်''

'' ဆရာအခုလို ရှင်းပြတော့ ပိုပြီး မြင်သာသွားပါတယ် ဆရာ။ မှတ်ထားပါ့မယ်''

'' သြော်... ခုပြောတဲ့အထဲမှာမပါတဲ့ သရသံတစ်သံရှိသေးတယ်။ ' အလုပ်'တို့ ' အက'တို့မှာပါတဲ့ ' အ 'တစ်ဝက်သံလေ။ ' လူအ' ' တော်တော်အတယ်'လို့ ပြောရင် ' အ' သရကို အပြည့်ရွတ်ဆိုရ တယ်။ မဟုတ်လား။ ' အလုပ်'ကျတော့ ' အ' ကတစ်ဝက်ပဲ ဆိုရတယ်။ အဲဒီအသံက လျှာအလယ်က ထွက်တာမို့ အလယ် သရ (central vowel) လို့လည်းခေါ်တယ်။ ကြားသရ(neutral vowel)လို့လည်းခေါ်တယ်''

'' ဟုတ်ကဲ့ပါ''

'' ကဲ... ဒီလိုဆိုရင် သားတို့သမီးတို့နဲ့ လေ့ကျင့်ရအောင်။ ဆရာပြောလိုက်တဲ့ သရကို သားနဲ့ သမီးက နာမည်တပ်မေးရ မယ်။ နာမည်တပ်တဲ့အခါ ခုပြောခဲ့တဲ့ အစဉ်အတိုင်း လျှာ အစိတ်အပိုင်းအရ အရင်နာမည်တပ်ပါ။ ပြီးတော့ လျှာအနိမ့် အမြင့်အရပေါ့။ နောက်ဆုံးမှ နှုတ်ခမ်း အနေအထားအရတပ်ပါ''

'' ဟုတ်ကဲ့ပါ''

'' ကဲ-စပြီ ' အူ'

'' နောက်သရ၊ အပိတ်သရ၊ နှုတ်ခမ်းဝိုင်းသရပါဆရာ''

'' အဲဒီ သုံးခုကို ' နောက်အပိတ်နှုတ်ခမ်းဝိုင်းသရ'ကို တစ်ပေါင်းတည်း ခေါ်လို့ရပါတယ်'' ကဲ-နောက်တစ်သံ 'အေ'''

''ဟုတ်ကဲ့၊ ' ရှေ့တစ်ဝက်ပွင့် နှုတ်ခမ်းဖြန့်သရပါ'

''ဟုတ်ပြီ၊ 'အာ'ကရော''

'ဟုတ်ကဲ့၊ ရှေ့အပွင့်နှုတ်ခမ်းဖြန့်သရပါ''

''အို''

'' နောက်တစ်ဝက်ပိတ် နှုတ်ခမ်းဝိုင်းသရပါ''

'' အယ်''

'' ရှေ့တစ်ဝက်ဖွင့်နှုတ်ခမ်းဖြန့်သရပါ''

'' ဒါဆို သရတစ်လုံးကို တိတိကျကျနာမည်တပ်လို့ရပြီပေါ့။ တစ်ဆက်တည်းပြောချင်တာက မြန်မာသရတွေကို ခုလို သရုပ်ဖော်တာဟာ ကမ္ဘာပေါ်မှာရှိတဲ့ တခြားဘာသာစကား တွေကိုလည်း သရုပ်ဖော်နိုင်ဖို့ သဒ္ဒဗေဒပညာရှင်တွေ သတ် မှတ်ထားတဲ့ ပထမအခြေခံသရရှစ်လုံး၊ အင်္ဂလိပ်လိုတော့The Eight Primary Cardinal Vowelsဆိုတဲ့သရစနစ်ကို အခြေခံပြီး သရုပ်ဖော်ထားတာပဲကွဲ့''

''ပြောပြပါဆရာ''

''ဘာသာစကားတွေရဲ့ သရရိုးရိုးတွေကို အဲဒီပထမ အခြေခံသရရှစ်လုံးနဲ့ ယှဉ်ပြီးသရုပ်ဖော်လေ့ရှိတယ်''

''ဆရာ၊ မြန်မာသရရိုးရိုးက ခုနစ်လုံးဆိုတော့ အဲဒီပထမ အခြေခံသရရှစ်လုံးနဲ့ယှဉ်ရင်တစ်လုံးလိုနေတာလားဆရာ''

''ဟုတ်ပါတယ်။ ပထမအခြေခံသရရှစ်လုံးမှာ 'အာ' ဆိုတဲ့ သရသံနှစ်မျိုးရှိတယ်။ လျှာရှေ့ပိုင်းက ထွက်တဲ့ 'အာ'နဲ့ လျှာ နောက်ပိုင်းကထွက်တဲ့ 'အာ' ဆိုပြီး နှစ်သံရှိတယ်။ မြန်မာသရ 'အာ' က လျှာရှေ့ပိုင်းကထွက်တဲ့ 'အာ' နဲ့တူတယ်။ လျှာ နောက်ပိုင်းကထွက်တဲ့ 'အာ'က တချို့ဘာသာစကားတွေမှာ ရှိတယ်။ အနီးစပ်ဆုံးပြောရရင်တော့ ကျီးကန်းကြီးအော်တဲ့ 'အာ' ဆိုတဲ့အသံမျိုးလျှာနောက်ပိုင်းကထွက်တဲ့အသံပဲ''

''သြော်...ဟုတ်ကဲ့ပါ''

''မြန်မာမှာတော့ 'အာ'သရသံက တစ်သံတည်းရှိလို့ ရှေ့ 'အာ'ပဲယူတာပေါ့။ ဒါကြောင့် ပထမအခြေခံသရရှစ်လုံးနဲ့ ယှဉ်ရင်မြန်မာသရက တစ်လုံးလျော့နေတယ်''

''ဘာသာစကားတွေရဲ့ သရသံတွေကို ပထမအခြေခံ သရတွေနဲ့ယှဉ်ပြီး လျှာကအောက်ကိုကျသလား၊ အပေါ်ကို တက်သလား၊ လေလမ်းကြောင်း ပိုပွင့်သလား၊ ပိုပိတ်သလား စသည်ဖြင့် နှိုင်းယှဉ်ပြီး သရုပ်ဖော်နိုင်ပါတယ်''

''ဆရာ၊ ပထမအခြေခံသရဆိုတော့ ဒုတိယအခြေခံသရ ဆိုတာရောရှိပါသလား''

''ဟုတ်တယ်။ ဒုတိယအခြေခံသရ ခုနစ်လုံးဆိုတာရှိတယ်။ The Seven Secondary Cardinalvowels လို့ခေါ်တယ်။ မြန်မာသရတွေမှာ အဲဒီသရသံမျိုးတွေမရှိဘူး။ တခြားဘာသာ စကားတွေမှာရှိနိုင်တာပေါ့။ ပထမအခြေခံသရ ရှစ်လုံးနဲ့ ကွာတာက နှုတ်ခမ်းအနေအထားပဲ။ လျှာအစိတ်အပိုင်းနဲ့အနိမ့် အမြင့်ကတူတယ်။ ပထမအခြေခံသရတွေမှာ နှုတ်ခမ်းဖြန့်သရ တွေကို ဒုတိယအခြေခံသရတွေမှာ နှုတ်ခမ်းဝိုင်းပြီးဆိုရတယ်။ အဲဒီလိုပဲ နှုတ်ခမ်းဝိုင်းသရတွေကိုလည်း နှုတ်ခမ်းဖြန့်ပြီး ဆိုရတယ်''

''စိတ်ဝင်စားစရာကောင်းတယ်နော်''

''အနီးစပ်ဆုံးပြောရရင် 'အူ'ဆိုတဲ့ သရသံကိုမြန်မာကနှုတ်ခမ်းဝိုင်းပြီးဆိုပေမယ့် ရှမ်းဘာသာ၊ ကယားဘာသာ စကား တွေမှာ နှုတ်ခမ်းဖြန့်ပြီးဆိုတယ်။ ဂျပန်စကားမှာလည်း နှုတ် ခမ်းဖြန့်ပြီးဆိုရတဲ့ 'အူ' သရသံရှိတယ်။ သိသာရုံ ပြောတာပါ။ မြန်မာသရသံတွေ လေ့လာဖို့အတွက်တော့ ပထမအခြေခံ သရတွေကိုသိရင် လုံလောက်ပါပြီ။ ကဲ....ဆက်ပြောကြသေး တာပေါ့''

မြန်မာ့အလင်းသတင်းစာ (၈.၁.၂၀၁၇)

Powered by Bullraider.com