ကလေးနှင့် အိပ်စက်ခြင်း

http://my3littlebirdsblog.com/wp-content/uploads/2016/11/sleeping-baby.jpg

ကလေးအရွယ်တွင် အိပ်စက်ခြင်းသည် အလွန်အရေးပါသည်။ မွေးစကလေး၊ လေးဘက်သွားကလေး၊ လူကြီးတို့၏ အိပ်စက်ချိန် ကွာခြားကောင်း ကွာခြားနိုင်ပါသည်။ အသက်အရွယ်အလိုက် အိပ်စက်ချိန် အနည်း အများ ကွာခြားသည်။ ကလေးအရွယ်များတွင် အိပ်ချိန်ပိုပြီး လိုအပ်သည်။

အဘယ်ကြောင့် အိပ်ရမည်နည်း

ကလေး လူကြီး အားလုံး အိပ်စက်ရန် လိုအပ်သည်။ လူသားတို့သည် ဘဝ၏ သုံးပုံတစ်ပုံကို အိပ်စက်ခြင်းဖြင့် အချိန်တွေ ကုန်ဆုံးရသည်။

နေ့ခင်းအချိန်တွင် ကလေးက ကစား၊ လူငယ်က စာသင်၊ လူကြီးများက အလုပ်လုပ်ကြရသည်။ ဦးနှောက်နှင့် ကိုယ်ခန္ဓာသည် လူသားတို့ အိပ်စက်နေချိန်တွင်လည်း အလုပ်များ လုပ်ဆောင်နေကြသည်။ ဥပမာ မှောင်လာလျှင် ကလေးတစ်ယောက်၏ ကိုယ်ခန္ဓာအတွင်းမှ ဟိုမုန်းဓာတ်များ ပိုပြီး ထုတ်ပေးလေ့ရှိသည်။ ထို့ကြောင့် ကလေးများတွင် ပိုပြီး အိပ်စက်ရန်လိုအပ်ခြင်းဖြစ်သည်။ သူတို့ ဦးနှောက်နှင့် ကိုယ်ခန္ဓာသည် အိပ်စက်နေချိန်တွင် သူတို့ကိုယ်ခန္ဓာနှင့် ဦးနှောက်ကို ဖွံ့ဖြိုးရန် များစွာ လုပ်ဆောင်ပေးနေကြရသည်။

ကြက်အိပ် ကြက်နိုး၊ ဆင်အော်လို့ မနိုး

အသက်အရွယ်တိုင်းတွင် သူ့အတိုင်းအတာ အပိုင်းအခြားနှင့်သူ အိပ်စက်ခြင်းများရှိသည်။

-       ကြက်အိပ်ကြက်နိုးဟုခေါ်သည့် ခုအိပ် ခုနိုးသဘောတရားကို REM (rapid eye movement) ဟုခေါ်သည်။

-       ဆင်အော်လို့မနိုးဆိုသည့် နှစ်ခြိုက်စွာ အိပ်စက်နေခြင်းကို NERM (non-rapid eye movement) ဟုခေါ်သည်။

ဖျတ်ခနဲနိုးလိုက်သည့်အခါတွင် မိမိကိုယ်မိမိ အိပ်စက်နေသည်ဟု မထင်ရပေ။ အိပ်မက်များ မက်နေသည့် အခါတွင်လည်း မိမိကိုယ်မိမိ အိပ်ပျော်နေသည်ဟု မထင်ရလောက်အောင် ဖြစ်တတ်သည်။

နှစ်ခြိုက်စွာ အိပ်ပျော်သည့်အခါ စိတ်ကြည်လင် လန်းဆန်းနေတတ်သည်။ အိပ်ပျော်လျှင် ရောဂါလည်းကင်းနိုင် သည်။ ဆင်အော်လို့ မနိုးဆိုရလောက်အောင် ဝန်းကျင်တွင် မည်မျှဆူညံနေပါစေ အိပ်ပျော်နေခြင်းမျိုးကိုခေါ် ပါသည်။

အိပ်စက်မှု သံသရာ

ကလေးများအတွက် အိပ်စက်ခြင်းကို တိုင်းတာရာတွင် မိနစ် ၃၀ မှ မိနစ် ၅၀ အတွင်း အိပ်စက်ခြင်းဖြင့် တိုင်းတာလေ့ရှိသည်။ အချို့ကလေးများသည် ချက်ချင်းအိပ် ချက်ချင်းနိုးတတ်သည်။ မိနစ် ၂၀ အတွင်း ပြန်နိုးလျှင် REM အိပ်စက်ခြင်းမျိုးဖြစ်သည်။ ကျန်းမာသည့် ကလေးများအနေဖြင့် ကောင်းစွာအိပ်စက်တတ် သည်။

NERM အိပ်စက်သူသည် မိနစ် ၉၀ ခန့်အထိ နှစ်ခြိုက်စွာ အိပ်စက်တတ်သည်။ သူတို့ကို တစ်ခုခုက အနှောက် အယှက်မပေးလျှင် ကောင်းမွန်စွာ အိပ်စက်နေတတ်သည်။ ကလေးများကို အသံ သို့မဟုတ် ခြင်၊ ပုရွက်ဆိတ်စသည်တို့ နှောက်ယှက်ခြင်းမဖြစ်စေရန် ဂရုစိုက်ပေးသင့်သည်။

အိပ်ချိန်လိုအပ်ချက်

အသက်အရွယ်အလိုက် အိပ်စက်ချိန် ကွာခြားနိုင်သည်။ မွေးဖွားစအရွယ်တွင် သူတို့အချိန်ရတိုင်း အိပ်နေနိုင် သည်။ သူတို့တွင် မကြာခဏ REM သဘောဖြင့် အိပ်လိုက် နိုးလိုက်ဖြစ်ကောင်းဖြစ်နိုင်သည်။ သူတို့၏ ဇီဝဗေဒ သဘောတရားအရ ဖြစ်ပေါ်နေခြင်းပင်။

အသက် ၃ နှစ်အရွယ်ကလေးများတွင် REM အနေဖြင့် ၃၃ ရာခိုင်နှုန်းခန့် အိပ်စက်မှုများ ပြုလုပ်တတ်သည်။ အသက် ၁၃ နှစ်ဆိုလျှင် သူတို့ ၂၀ ရာခိုင်နှုန်းခန့်သာ အိပ်စက်ပေလိမ့်မည်။

ခြောက်လအောက် ကလေးများ အနေဖြင့် နေ့ရောညပါ အိပ်စက်နေတတ်သည်။ သုံးလမှ ခြောက်လကြား ကလေးများသည် နေ့ခင်းဘက်တွင် တစ်ချိန်လျှင် ၂ နာရီခန့်ဖြင့် နှစ်ကြိမ်မှ သုံးကြိမ်ခန့် အိပ်စက်တတ်သည်။ သူတို့သည် တစ်ညလျှင် အနည်းဆုံး တစ်ကြိမ်နိုးနေတတ်ကြသည်။

အသက် ၆ လမှ ၁၂ လကြားတွင် ၆ လသားများသည် ညအချိန်တွင် အများဆုံး အကြာဆုံး အိပ်စက်တတ် သည်။ ၆ လမှ ၁၂ လကြား ကလေးများသည် ည ၆ နာရီနှင့် ၁၀ နာရီကြားကို အများဆုံးနှစ်ခြိုက်စွာ အိပ်စက် လေ့ရှိသည်။ သူတို့သည် မိနစ် ၃၀ အိပ်ပြီးတိုင်း ပြန်နိုးကောင်း နိုးနိုင်သည်။

ကလေးတိုင်းလိုလို ညအချိန်တွင် ၆ နာ၇ီ ဆက်တိုက်လောက်နီးပါး အိပ်ပျော်သွားတတ်သည်။ ညအချိန် တစ်ကြိမ် ပြန်နိုးသူ ၆၀ ရာခိုင်နှုန်းခန့်ရှိသည်။ ၁၀ ဦးလျှင် တစ်ဦးနှုန်းခန့်မှာ တစ်ညလျှင် သုံးကြိမ်မှ လေးကြိမ် ပြန်နိုးတတ်သည်။

အသက် ၆ လမှ ၁၂ လအတွင်း ကလေးများ၏ ၈၅ မှ ၉၀ ရာခိုင်နှုန်းခန့်သည် နေ့ခင်းအချိန် တစ်ရေးတစ်မော အိပ်တတ်သည်။ ထိုအိပ်ချိန်မှာ ၁ နာရီ သို့မဟုတ် ၂ နာရီခန့်ကြာတတ်သည်။ အချို့ကလေးများ နေ့ခင်းကို ကြာကြာ အိပ်တတ်သည်။

ညအချိန်မကြာခဏနိုးခြင်းသည် ကလေး၏ စိုးရိမ်ပူပန်မှုနှင့်လည်း သက်ဆိုင်သည်။ မိဘနှင့် ခွဲအိပ်ရခြင်းမှာ သူတို့အတွက် သောကတစ်ခုဖြစ်သည်။ သူတို့ကို ခွဲသိပ်နိုင်အောင် လေ့ကျင့်ပြီး ကြာလာလျှင် အသားကျသွား တတ်သည်။

ငယ်ရွယ်သော ကလေးများအနေဖြင့် နေ့ခင်းတွင် အနည်းဆုံးအိပ်ချိန်တစ်ချိန်ပေးကာ ဦးနှောက်နှင့် ကိုယ်ခန္ဓာ ဖွံ့ဖြိုးမှုကို အထောက်အကူပြုချိန်အဖြစ် သတ်မှတ်ပေးထားသင့်ပါသည်။

(Ref : About Sleep, Rising Child Network)

Powered by Bullraider.com