တောင်ကိုရီးယားနိုင်ငံပညာရေးအကြောင်း တစေ့တစောင်း

http://si.wsj.net/public/resources/images/BN-EH485_sked_G_20140828051350.jpg

တောင်ကိုရီးယားနိုင်ငံတွင် မိဘများသည် မိမိတို့ဝင်ငွေ၏ ၇ ရာခိုင်နှုန်းကို ပညာရေးအတွက် အသုံးပြုပေး လျက်ရှိကြောင်း Korea Herald သတင်းတွင် ဖော်ပြထားသည်။ အာရှတွင် စတုတ္ထစီးပွားရေးအင်အား အကောင်းဆုံးဖြစ်လာသည့် နိုင်ငံတစ်နိုင်ငံအနေဖြင့် ပညာရေးအပေါ် စိတ်ဝင်စားမှု မြင့်မားလာခြင်းဖြစ်ကြောင်း ယင်းသတင်းကဆိုပါသည်။

တောင်ကိုရီးယားနိုင်ငံ မိသားစုတစ်စု၏ တစ်လဝင်ငွေသည် ဝမ် ၄ ဒသမ ၆၈ သန်း (ဒေါ်လာ ၄၀၀၀) ဖြစ်သည်။ ထို့ကြောင့် သူတို့သည် သားသမီးများ ပညာရေးအတွက် ဝမ် သုံးသိန်းကျော်ကျော် အသုံးပြုပေးနေကြသည်ဟု ဆိုရမည်။ ယင်းစာရင်းဇယားများကို တောင်ကိုရီးယားနိုင်ငံ စတုတ္ထအကြီးဆုံး ဘဏ်ကြီးတစ်ခုဖြစ်သည့် Shinhan ဘဏ်က ပြုစုထားခြင်းဖြစ်သည်။ သူတို့ဘဏ်ဝန်ထမ်း အသက် ၂၀ မှ ၆၄ နှစ်ကြား ဦးရေ ၁၀၀၀၀ ကို ဆန်းစစ်ပြီးနောက် ပျမ်းမျှ ပညာရေးအတွက် ၇ ရာခိုင်နှုန်း အသုံးပြုပေးကြောင်း အဖြေထုတ်ထားခြင်းဖြစ်သည်။

အသက် ၄၀ ဝန်းကျင် မိသားစုများသည် ပညာရေးအတွက် ပိုပြီး အသုံးပြုပေးသည်။ သူတို့ဝင်ငွေ၏ ၁၂ ရာခိုင်နှုန်းအထိပင် သုံးပေးနေကြောင်းတွေ့ရသည်။ တောင်ကိုရီးယားနိုင်ငံသည် အာရှတွင် အချမ်းသာဆုံး နိုင်ငံတစ်နိုင်ငံဖြစ်ရန် အားထုတ်နေသည်။ သမ္မတအိုဘားမားလက်ထက်ကလည်း တောင်ကိုရီးယားနိုင်ငံ ပညာရေးကို စောင့်ကြည့်ထားရန် လမ်းညွှန်ထားဖူးသည်။ သို့သော် တောင်ကိုရီးယားပညာရေးက စာကို အလွတ်ကျက်မှတ်ပြီး အမှတ်ရအောင် ယူသည့်နည်းတွေသာ လွှမ်းမိုးနေသေးသည်။ တောင်ကိုရီးယားနိုင်ငံတွင် Critical Thinking သဘောတရားမျိုးဖြစ်အောင် သင်ကြားနိုင်ခြင်းမရှိဘဲ မှတ်ဉာဏ်ဖြင့်တော်နေခြင်း ဖြစ်ကြောင်း ဝေဖန်သံတွေညံနေသေးသည်။

တောင်ကိုရီးယားနိုင်ငံတွင် နိုင်ငံသားသဘောတရားဆိုင်ရာ Citizenship Education အားနည်းနေကြောင်း ဂျပန်သတင်းသမားများ၏ ထောက်ပြဝေဖန်မှုကိုလည်း The Korea Times သတင်းတွင် ဖော်ပြထားသည်။ ဂျပန် သတင်းထောက် မူကောင်ရှင်းက Yahoo Japan ကိုပြောကြားရာတွင် ကိုရီးယားနိုင်ငံမှ ကျောင်းသား ကျောင်းသူများသည် နိုင်ငံသားဆိုင်ရာ အခြေခံသဘောတရားများ သင်ကြားမှု အားနည်းခြင်းကြောင့် မျိုးချစ်စိတ်နှင့် ပြည်သူပြည်သားတို့အပေါ် ချစ်ခင်မြတ်နိုး အလေးထားရမည့် စိတ်ဓာတ်များ အားနည်းလှ ကြောင်း ထောက်ပြဝေဖန်ထားသည်။

ကိုရီးယား-ဂျပန်ကပြား ယင်းသတင်းထောက်က တောင်ကိုရီးယားကျောင်းများတွင် နိုင်ငံသားသဘောတရား ဆိုင်ရာ Citizenship ပညာရေးလိုအပ်နေသည် မှန်သော်လည်း ယခုတိုင် သင်ကြားပေးခြင်းမရှိဟုဆိုသည်။ တောင်ကိုရီးယားနိုင်ငံ ကျောင်းသင်ခန်းစာများထဲတွင် လူမှုရေးဆိုင်ရာ သဘောတရားများ ထည့်သွင်း သင်ကြားမှုမှာ ၁၈ ဒသမ ၄ ရာခိုင်နှုန်းခန့်သာရှိသည်။ ဗြိတိန်၊ ပြင်သစ်နိုင်ငံများနှင့် နှိုင်းယှဉ်လျှင် တတိယတန်း အဆင့်လောက်သာ လူမှုရေးသဘောတရားများ သင်ကြားနေသည့် အဆင့်တွင်ရှိမည်။

နိုင်ငံသားဆိုင်ရာနှင့် နိုင်ငံချစ်စိတ်ဓာတ်စသည့် ပြည်သူ့နီတိသဘောတရားများကို သင်ကြားမှုအားနည်းခြင်းက ကိုယ်တိုင်းပြည် ကိုယ့်လူမျိုးအပေါ် အဆိုးမြင်စိတ်များဖြင့် ရှုမြင်သုံးသက်မှုများပိုများစေသည်။ တိုင်းပြည်နှင့် လူမျိုး၊ နိုင်ငံနှင့် ခေါင်းဆောင်များအပေါ် ရိုသေလေးစားတန်ဖိုးထားစိတ်များကို ပြည်သူ့နီတိဆိုင်ရာ သဘော တရားများ သင်ကြားပေးခြင်းဖြင့်သာ ပြုစုပျိုးထောင်နိုင်ကြောင်း ရှင်းကဆိုသည်။

ရှင်းက တောင်ကိုရီးယားနိုင်ငံအနေဖြင့် ကမ္ဘာ့ပညာရေးအဆင့်တွင် တောင်ကိုရီးယားနိုင်ငံသည် ထိပ်တန်း ၁၀ နိုင်ငံမှ ပြုတ်သွားခဲ့ရခြင်းမှာ ပြည်သူ့နီတိဆိုင်ရာ အခြေခံသဘောတရားများနှင့် နိုင်ငံသားချစ်စိတ်သဘော တရားများ နည်းပါးခြင်းကြောင့်ဟု ထောက်ပြထားသည်။

(Sources, The Korea Times, Korea Herald)

Powered by Bullraider.com