ဆေးစွမ်းထက်မြက် ရှားစောင်းလက်ပပ်

https://www.florafauna.com/images/category/succulents/Aloe-Vera.jpg

မြန်မာနိုင်ငံအပူပိုင်းဒေသများတွင် အဓိကပေါက်ရောက်သော ရှားစောင်းလက်ပပ်သည် မြန်မာ့အိမ်ရှင် မများ၏ အလှအပရေးရာနှင့် လူ့ကျန်းမာရေးကို များစွာအထောက်အကူပြုသော တိုင်းရင်းဆေးဖက်ဝင် အပင်တစ်မျိုးဖြစ်သည်။

ရုက္ခဗေဒအမည် (Barbodos Aloes)၊ ရှားစောင်းလက်ပပ်အပင်သည် ရေ၊ မြေ၊ ဥတု သဘာဝဒဏ်ကို ခံနိုင်ရည်ရှိသည့်အပြင် တော၊ တောင်၊ လယ်ယာကန်သင်းများတွင် အလေ့ကျပေါက်လေ့ရှိသော အပင်တစ်မျိုးဖြစ်သည်။

အရည်ရွှမ်းသော ပင်ပျော့ပင်ငယ်အမျိုးအစားဖြစ်ကာ အရွယ်အစားမှာ တစ်ပေမှနှစ်ပေခန့်အထိ မြင့် လေ့ရှိပြီး ပင်စည်လုံးသီးသန့်မရှိဘဲ အပင်ခြေရင်းမှ အရွက်ငါးရွက်၊ ခြောက်ရွက်အထိ စုပြုံခက်ဖြာ၍ ထွက်လေ့ရှိသည်။ အရွက်များသည် အပေါ်ခွံအစိမ်းနုရောင်ရှိပြီး အတွင်း၌ ကျောက်ကျောကဲ့သို့ ပျစ်ချွဲ သောအရည်အသားရှိကာ အလျားနှစ်တောင်ခန့်၊ အနံလေးလက်မဝန်းကျင်နှင့် အထူတစ်လက်မမှ နှစ် လက်မခန့်အထိရှိသည်။ ယင်းအပြင် ထိပ်ဖျားချွန်၍ အနားပတ်လည်တွင် ဆူးကလေးများခြားသည့် ပုံ သဏ္ဌာန်လည်းရှိသည်။ အပင်၏ သုံးလေးနှစ်သက်တမ်းတွင် ရှည်လျားသော ပန်းခိုင်ထွက်လာလေ့ရှိ ပြီး နီဝါရောင် အပွင့်လေးများ စုပြုံပွင့်လေ့ရှိသည်။

ရှားစောင်းလက်ပပ်သည် လူ့အကျိုးပြု အောက်ဆီဂျင်ဓာတ်များပါဝင်ပြီး အရေပြားဆဲလ်များကို အလိုလိုပြုပြင်သန်မာစေသဖြင့် အရေပြားကျန်းမာရေးကို အထူးအထောက်အကူပြုသည်။ မီးလောင် နာ၊ အရည်ကြည်ဖု၊ နေလောင်ဒဏ်ကြောင့်ပျက်စီးသော အရေပြားထိခိုက်မှုများကို ရှားစောင်းလက်ပပ် အနှစ်အုံပေးခြင်းဖြင့် လျက်မြန်စွာပျောက်ကင်းစေသကဲ့သို့ အနာစိမ်း၊ နူနာ၊ ပွေး၊ ဝဲ၊ ယားနားအမျိုးမျိုး ကိုလည်း မှန်မှန်လိမ်းခြင်းဖြင့် သက်သာပျောက်ကင်းစေသည်။

ယင်းအပြင် ခေါင်းမလျှော်မီ တစ်နာရီအလိုတွင် ရှားစောင်းလက်ပပ်ဖြင့် ဆံပင်ကိုပွတ်သပ်လိမ်းကျံခြင်း ဖြင့် တစ်လအတွင်း ဆံပင်နက်မှောင်သန်စွမ်းလာစေသည်။ ရှားစောင်းလက်ပပ်သည် အမျိုးသမီးအလှ ကုန်ပစ္စည်းများ ကိုယ်သန့်စင်ဆေးရည်နှင့် ဆပ်ပြာများထုတ်လုပ်ရာတွင်လည်း အဓိကပါဝင်လေ့ရှိ သည်။ ဝက်ခြံ၊ တင်းတိပ်များကို ပျောက်ကင်း၍ အသားအရေနုပျိုတင်းရင်းကာ အရွယ်မတိုင်မီ အိုမင်း ခြင်းမှ ကာကွယ်ပေးနိုင်သည်။ ရှားစောင်းလက်ပပ်အနှစ်ကို ပွတ်သပ်လိမ်းကျံပြီးမှ မျက်နှာသစ်ခြင်း သည် အလှကုန်ဝက်ခြံလိမ်းခြင်းနှင့် အသားလှကရင်မ်များထက် ၇၀ ရာခိုင်နှုန်းပို၍ အစွမ်းထက်ထိ ရောက်သည်။

မြန်မာ့ဆေးကျမ်းများအလိုအရ “ရှားစောင်းလက်ပပ်သည် အေး၍ ခါးသောအရသာရှိပြီး လေကိုနိုင်၏။ အားကိုဖြစ်စေသော အစွမ်းသတ္တိရှိ၏” ဟုဖော်ပြထားသည်ကို တွေ့ရသည်။ ရှားစောင်းလက်ပက်၏ ပဉ္စငါးပါးကို မီးရှို့၍ရလာသောပြာကို ဆားအနည်းငယ်ခတ်၍စားလျှင် အမျိုးသမီးများ၏ မီးယပ်ရောဂါ များကို ပျောက်ကင်းစေပြီး မီးယပ်သွေးစင်ကြယ်စွာဆင်း၏။ အတွင်းသားအနှစ်ကို ဗိုက်တွင်ကပ်၍ အုံပေးပါက သွေးလုံး၊ လေလုံးများအပြင် ထုတ်ပေးနိုင်၏။ မျက်စိကိုအုံပေးလျှင် မျက်စိနာခြင်း၊ ကိုက် ခြင်း၊ ပူစပ်ခြင်းများ ပျောက်၏။ အရည်ညှစ်ပြီး နားတွင်းခပ်ပေးလျှင် နားကိုက်၊ နားနာ လျင်မြန်စွာ ပျောက်၏။ အကျိတ်နာ၊ သွေးစူနာများပေါ်တွင် အုံ၍စည်းထားပေးပါက အကျိတ်ကြေ၍ ပြည်ပေါက်ပြီး ငန်းမန်းပျောက်စေသည်။ ကိုယ်ရေဝါ (Jaundice) ရောဂါရှိသူများ စားသုံးပေးပါက ဆီးဝမ်းသက်၍ ရောဂါပျောက်သည်။ အတွင်းအနှစ်ကို လက်ချားမီးဖောက်အနည်းငယ်ဖြူး၍ စားလျှင်ရေဖျဉ်းရောဂါ ပျောက်ကင်းသည်။ ဆန်ဆေးရေတွင် စိမ်ပြီးသကြားခပ်သောက်လျှင် အမျိုးသားများတွင်အဖြစ်များ သောဆီးပူ၊ ဆီးအောင့်၊ ဆီးထိုးခြင်းနှင့် ဆီးကျောက်တည်ခြင်းစသော ဆီးရောဂါများ ပျောက်ကင်းနိုင် သည်။

ယင်းအပြင် ရှားစောင်းလက်ပပ်သည် နှလုံး၊ အဆုတ်၊ အသည်းနှင့်ဆိုင်သောရောဂါများကို ပျောက် ကင်းစေပြီး အရက်သောက်သုံးသူများအတွက်လည်း အတွင်းသားအနှစ်ကို အစိမ်းလိုက်ဝါးစားခြင်းဖြင့် အသည်းကျန်းမာရေးကို ပြန်လည်ကောင်းမွန်စေသည်။ ကင်ဆာရောဂါဆေးဝါးများတွင်လည်း အသုံး ပြုလာကြပြီ ဆေးပညာသတင်းများအရ ဆေးပညာရှင်များကလည်း ရှားစောင်းလက်ပပ်မှ လူ့ခန္ဓာ အကျိုးပြုဓာတ်ပစ္စည်းများ ထပ်မံတွေ့ရှိရကြောင်း ထုတ်ပြလေ့ရှိသည်ကို လေ့လာရသည်။ ကမ္ဘာအနှံ့တွင် လူ့ကျန်းမာရေးကို အဘက်ဘက်မှ များစွာအကျိုးပြုသော ရှားစောင်းလက်ပပ်ဖြင့် ယို၊ အချိုရည်၊ သွားတိုက်ဆေး၊ မျက်နှာသစ်ဆေး၊ ဆပ်ပြာနဲ့ဆေးဝါးများ တွင်ကျယ်စွာ ထုတ်လုပ်လာသည်ကို တွေ့ ရသည်။

ဆေးဖက်ဝင် ရှားစောင်းလက်ပက်ကို အညာဒေသများ၌ အလေ့ကျပေါက်ပင်အဖြစ် ပေါများစွာတွေ့ မြင်ရသော်လည်း ကျေးလက်နှင့်မြို့ပြများတွင် အိမ်တွင်းဆေးဝါးဓာတ်စာအဖြစ်သုံးစွဲရန် ပန်းအိုးများ ဖြင့်လည်းကောင်း၊ မြေတွင်ချ၍သော်လည်းကောင်း စိုက်ပျိုးလေ့ရှိသည့်အပြင် တိုင်းရင်းသားဆေးဖော် စပ်ရာတွင် အသုံးပြုမှုများသဖြင့် ဈေးကွက်ဝင်ပရဆေးအပင်အဖြစ် စီးပွားဖြစ်စိုက်ပျိုးမှုများလည်းရှိပါ ကြောင်း လေ့လာတင်ပြလိုက်ရပါသည်။    ။

ကြေးမုံသတင်းစာ

ဇူလိုင်လ (၂၃) ရက်၊ ၂၀၁၅ ခုနှစ်

Powered by Bullraider.com