တစ်ခြမ်းပဲ့ သိက္ခာ

http://images.travelpod.com/tw_slides/ta00/c0d/3ae/yangon-city-bus-circa-1945-yangon-rangoon.jpg

တစ်ခြမ်းပဲ့ သိက္ခာ

ကျောင်းအုပ်ဆရာကြီး ဦးမြ အိမ်ကထွက်တော့မယ်ဗျ

သမီးက ထမင်းချိုင့်လေး ယူလာပေးပြီး

“ဖေဖေ … ထမင်းလည်း ကုန်အောင်စား၊ ငှက်ပျောသီးလည်းထည့်ပေးထားတယ်။ ထမင်းစားပြီး ဆေးလည်း သောက်ဦးနော်”

“အေးပါ သမီးရယ်”

“ဖေဖေ … ဖေဖေ့ကို ကန်တော့ပါတယ်”

“အိမ်း … သာဓု … သာဓု … သာဓု”

အဲဒီအချိန်မှာ ဆရာကတော်က ဆရာကြီးရဲ့ လွယ်အိတ်လေး ယူလာပေးပြီးတော့

“ကိုမြ … လမ်းတွေဘာတွေကူးရင် သတိထား၊ ကားသိပ်ကျပ်နေရင် မစီးနဲ့နော် … မူးနေဦးမယ်”

“အေးပါကွာ … မင်းတို့က ငါ့ကို ကလေးလေး ကျနေတာပဲ”

ဆရာကြီးဦးမြ အိမ်ကထွက်လာပြီဗျ

လမ်းထိပ်ဓမ္မာရုံရှေ့ရောက်တော့

“ဆရာကြီးရေ ညကျရင် အစည်းအဝေးလေး တက်ပါဦး။ သင်္ကြန်မှာ စတုဒီသာကျွေးဖို့လေး ဆွေးနွေးကြရ အောင် … ည ၇ နာရီနော်”

“အေးကွာ … လာရမှာပေါ့”

“ကလင် … ကလင် … ကလင်”

နောက်လှည့်ကြည့်လိုက်တော့ တပည့် မောင်သောင်း

“ဆရာကြီး သားဆိုက္ကားပေါ်တက် … ကားဂိတ်အထိ လိုက်ပို့ပေးမယ်”

“နေပါစေ မောင်သောင်းရာ … သွားပါ”

“မဟုတ်တာ ဆရာကြီးရာ … တက်ပါ … ဆရာကြီးကြောင့် သား ဒီဆိုက္ကားလေး ပိုင်ခဲ့တာပါ”

ကားဂိတ်ကိုရောက်တော့ ဆရာမြ တစ်နာရီလောက်ကားအလာ စောင့်ရတယ်။ ကားတွေက ရုံးချိန် ကျောင်းချိန်ဆိုတော့ ကျပ်တာပေါ့။ မတတ်နိုင်ဘူး တိုးစီးရတော့တာပဲ

“ဟို … လွယ်အိတ်နဲ့ ဦးလေးကြီး ကိုးရိုးကားယား ရပ်မနေနဲ့လေ … ရှေ့တိုး … ရှေ့တိုးစမ်းပါ … ရှေ့မှာ မြွေမရှိပါဘူး”

ဆရာမြ ဆက်တိုးလို့မရတော့တဲ့အထိ အားစိုက်တိုးနေချိန်မှာ

“ကဲ … ကဲ … မတိုးတတ်ရင် တိုးပေးမယ် … လာပြီ”

ကားစပယ်ယာရောက်လာပြီး အတင်းတွန်းထိုးထည့်သွားတယ်။ အသက်ကို ဘယ်လို ရှူရမှန်းမသိ ဖြစ်နေချိန်မှာ

“ကဲ … ကားပေါ်ရောက်လည်း မသိချင်ယောင် ဆောင်မနေကြနဲ့ … ပိုက်ဆံလေး နှစ်ရာနဲ့ နောက်ဘဝ သူများ ဆီမှာ ကျွန်လာမခံကြနဲ့”

ဆရာမြက ၅၀၀ ကျပ်တန်လေးကို ပေးလိုက်တယ်။ စပယ်ယာက ဟိုပြော … သည်ပြော … ပိုက်ဆံ ပြန်မအမ်း သေးဘူး။ ဒီလိုနဲ့ ဆင်းရမယ့် နေရာနား ရောက်ခါနီးတော့

“စပယ်ယာလေး … ပိုက်ဆံ ၅၀၀ ပေးထားတယ် … ပြန်အမ်းရဦးမယ်”

“ဘယ်က ၅၀၀ လဲ … လက်ထဲမှာ ၅၀၀ တန် တစ်ရွက်မှ မရှိဘူး … မရှိရင်လည်း ပြောစီးသွား … အကြံအဖန် တော့ မလုပ်နဲ့ … ငွေ ၅၀၀ တန်ဖိုးမရှိဘူး”

ဆရာမြ ဘာပြောရမှန်းလည်း မသိတော့ဘူး။ ကားပေါ်ကနေ အထင်သေးတဲ့ မျက်လုံးနဲ့ကြည့်သွားတဲ့ စပယ်ယာရဲ့ မျက်လုံးထဲမှာ သူဟာ တစ်ပြားမှ မတန်တော့ဘူး။

ကျောင်းရှေ့ရောက်တော့ ကလေးတွေ ပြေးထွက်လာတယ်။

“ဆရာကြီးလာပြီ … ဆရာကြီးလာပြီ”

လွယ်အိတ်လာယူသူကယူ၊ ထမင်းချိုင့် လာယူသူကယူ။ ဆရာမလေးတွေကလည်း

“မင်္ဂလာပါဆရာကြီး” လို့နှုတ်ဆက်

ဘာလဲကွ

ဆရာမြဆိုတာ အိမ်နဲ့ကျောင်းမှာသာ ဆရာကြီး

ဘတ်စ်ကားပေါ်မှာတော့

ဘတ်စ်ကားပေါ်မှာတော့

၁၆.၃.၂၀၁၇

Powered by Bullraider.com