ဘဝအမြတ်

 http://i.telegraph.co.uk/multimedia/archive/01772/school_1772722c.jpg

٭ ဘဝခွဲတမ်း

ကံစမ်းတဲ့အခါ

ငါ မဲတလိပ် ရခဲ့တယ်။

٭ မဲလိပ်ပေါ်မှာ ‘ကျောင်းဆရာ’ တဲ့။

ဝေါဟာရသဘော

အနက်ဟောရရင်

ပြောမကုန်ဖွယ်

ချဲ့တိုင်းကျယ်လိမ့်မယ်။

٭ ဘေးလူတွေက

ငါ့ကိုဝိုင်းကြည့် ပြုံးစိစိနဲ့

ပေါက်တဲ့မဲဟာ

ဗလာနဲ့မခြား

ကံနည်းပါးသတဲ့။

٭ ငါ့ခွဲတမ်းက

ငါရတဲ့အမြတ်

ပညာအမြတ်

ဒါနအမြတ်

သီလအမြတ်

သံသရာအမြတ်၊ ငါကျေနပ်တယ်

٭ ပီတိစားရင်း ကျောင်းသွားမယ်

ကျောင်းလမ်းပေါ်က ကုသိုလ်သည် (သယ်)။     ။

မြတ်ဆရာ မဂ္ဂဇင်း

၂၀၀၂ ခုနှစ်

Powered by Bullraider.com