ကျောင်းစာကြည့်တိုက်များ ရှင်သန်တိုးတက်ရေး

ကျောင်းများတွင် ကျောင်းသားလူငယ်များအား ကာယ၊ ဉာဏ၊ စာရိတ္တ ဘက်စုံဖွံ့ဖြိုးတိုးတက်သော နိုင်ငံသားကောင်းများ ဖြစ်လာအောင် ပြုစုပျိုးထောင်လေ့ကျင့် သင်ကြားပေးလျက် ရှိသည်။ ဤသို့ ပြုစုပျိုးထောင် လေ့ကျင့်သင်ကြားပေးရာ၌ ကျောင်းသင်ဘာသာရပ်များတွင် ပါဝင်သော အကြောင်း အရာအချက်အလက်တို့ကို သင်ကြားပေးခြင်းမျှဖြင့် ပြည့်စုံလုံလောက်မှုမရှိကြောင်း သတိပြုအပ်ပေ သည်။ မျက်မှောက်ခေတ်တွင် နိုင်ငံရေး၊ လူမှုရေး၊ စီးပွားရေး အစရှိသော သိစရာ မှတ်စရာ လေ့လာ ပွားများစရာ ပညာဗဟုသုတတို့သည် နေ့စဉ်နှင့်အမျှ တိုးတက်များပြားလျက် ရှိနေပေသည်။ ထိုသို့ တိုးတက်များပြားလာသော ပညာဗဟုသုတတို့ကိုလည်း ကျောင်းသားလူငယ်များသည် အခါအား လျော်စွာအတတ်နိုင်ဆုံး လေ့လာဆည်းပူးသိရှိထားကြရန် လိုအပ်လှပေသည်။ စာအုပ်စာတမ်းများ သည် ထိုလိုအပ်ချက်ကို အများဆုံး ဖြည့်စွမ်းပေးနိုင်ပေသည်။ သို့ဖြစ်၍ ကျောင်းများတွင် စာအုပ်စာ တမ်းများကို အတတ်နိုင်ဆုံး လက်လှမ်းမီသမျှ စုဆောင်းထားရှိရန်နှင့် ထိုစာအုပ်စာတမ်းများကို ဖတ်ရှု၍ ပညာဗဟုသုတများ လေ့လာရှာမှီးပွားများနိုင်ကြစေရန် ရည်ရွယ်ချက်နှင့် ကျောင်းစာကြည့် တိုက်များကို တည်ထောင်ဖွင့်လှစ်ထားရှိကြပေသည်။

ကျောင်းစာကြည့်တိုက်များသည် ပညာသင်ကြားရေးတွင် ဆရာ၊ ဆရာမများအဖို့ ၎င်းတို့က သင်ကြား ပို့ချပေးရမည့် သင်ခန်းစာများကို ပြင်ဆင်ရာ၌ ကျယ်ကျယ်ပြန့်ပြန့် ဖတ်ရှုလေ့လာ၍ မှီးငြမ်းပြုနိုင်ရန် အကျိုးပြုပေသည်။ ထို့ပြင် ကျောင်းသား ကျောင်းသူများအဖို့ သင်ယူနေကြရသော ကျောင်းသင်ဘာ သာရပ်ဆိုင်ရာ အချက်အလက်များ ပိုမိုကြွယ်ဝလာစေရန်နှင့် ပြင်ပဗဟုသုတများကို ဝါသနာအ လျောက် လေ့လာရှာမှီးနိုင်ရန် အားထားရာ ဖြစ်ပေသည်။

နေ့စဉ်နှင့်အမျှ တိုးတက်ဖွံ့ဖြိုးလျက်ရှိသော အသိပညာ၊ နည်းပညာများသည် စာအုပ်စာတမ်းများ၌ ဖတ်ရှုလေ့လာ၍ မကုန်နိုင်အောင် များပြားကျယ်ဝန်းပေသည်။ စာဖတ်ဝါသနာပါရှိပါမှ ဘဝတလျှောက် လုံးတွင် တိုးတက်ပြောင်းလဲနေသော အသိပညာ၊ နည်းပညာများကို လေ့လာဖတ်ရှုပြီး အစဉ်ခေတ်မီ နေမည် ဖြစ်ပေသည်။ ထို့ကြောင့် ကျောင်းသား ကျောင်းသူများ၌ ငယ်စဉ်ကပင် စာဖတ်အလေ့အကျင့် ကောင်းများ ရရှိလာစေရန် ဆရာ ဆရာမများက လေ့ကျင့်ပေးရာတွင် ကျောင်းစာကြည့်တိုက်၏ အခန်းကဏ္ဍသည် အရေးပါလှပေသည်။ ထိုသို့သော ကျောင်းစာကြည့်တိုက်များမှတဆင့် ကျောင်းသူ ကျောင်းသားများ၏ စာဖတ်ဝါသနာထုံမှု ရရှိလာစေရန် ကျောင်းရှိ စာကြည့်တိုက်သည် အမြဲတစေ ရှင်သန်တိုးတက်ဖွံ့ဖြိုးနေဖို့ လိုအပ်ပေသည်။

ကျောင်းစာကြည့်တိုက်များသည် ကျောင်းသား ကျောင်းသူများအတွက် ဗဟုသုတ ရှာမှီးရာနေရာများ ဖြစ်ပေသည်။ ဗဟုသုတ်ဘဏ်တိုက်တွင် အကျိုးပြုအသုံးဝင်သော စာအုပ်စာတမ်းများ ပြည့်စုံသည် ထက် ပိုမိုပြည့်စုံအောင် စုဆောင်းဖြည့်တင်းရေးသည် စာကြည့်တိုက်များ ရှင်သန်တိုးတက်ရေးအတွက် အရေးကြီးသော လုပ်ငန်းရပ် ဖြစ်ပေသည်။ စာအုပ်စာတမ်းကောင်းများ စုဆောင်းဖြည့်တင်းရာတွင် ကျောင်းစာကြည့်တိုက်ကြေး ကောက်ခံရရှိငွေမှ လည်းကောင်း၊ မိဘဆရာအသင်း၏ အကူအညီအဖြစ် ရရှိသောငွေမှလည်ကောင်း ရယူသုံးစွဲ၍ စာအုပ်စာတမ်းအသစ်များကို အခါအားလျော်စွာ ဝယ်ယူဖြည့် တင်းနိုင်ပေသည်။ ၎င်းပြင် ဆရာဆရာမများထံမှလည်းကောင်း၊ ကျောင်းသား ကျောင်းသူများနှင့် မိဘပြည်သူများထံမှလည်းကောင်း စာအုပ်စာတမ်းများကို အလှူခံ၍ စုဆောင်းနိုင်ပေသည်။ နည်းလမ်းအဖုံဖုံဖြင့် စာကြည့်တိုက်တစ်ခုတွင် စာအုပ်စာတမ်းများ ပြည့်စုံစွာ သိုမှီးထားရှိနိုင်လေလေ ထိုစာကြည့်တိုက်နှင့် ဆက်သွယ်ဖတ်ရှုလေ့လာသူများအဖို့ အကျိုးများလေလေ ဖြစ်ပေသည်။

ကျောင်းစာကြည့်တိုက်များကို အမြဲတမ်းရှင်သန် တိုးတက်နေအောင် ဆောင်ရွက်ရာတွင် စာကြည့် တိုက်မှူး သို့မဟုတ် စာကြည့်တိုက်တာဝန်ခံ ဆရာ ဆရာမသည် စာကြည့်တိုက် စာဖတ်ခန်းများသို့ ကျောင်းရှိ ဆရာ ဆရာမများနှင့် ကျောင်းသား ကျောင်းသူများ လာရောက်ပြီး စာအုပ်များကို ဖတ်ရှု လေ့လာလိုစိတ် ဖြစ်ပေးလာအောင် စည်းရုံးလှုံ့ဆော်ပေးရမည် ဖြစ်ပေသည်။ စည်းရုံးလှုံ့ဆော်ရာတွင် ကျောင်းစာကြည့်တိုက်သို့ ရောက်ရှိလာသော စာအုပ် စာစောင်အသစ်များကို ကြော်ငြာသင်ပုန်းတွင် ဖော်ပြ ကြေငြာပေးခြင်း၊ စာကြည့်ခန်းအတွင်း၌ စာအုပ်များကို အလွယ်တကူ ဖတ်ရှုလေ့လာနိုင်အောင် စင်ဖွင့်စနစ်ဖြင့် ခင်းကျင်း ပြသထားခြင်း၊ စာဖတ်ခြင်းအကျိုးကို ဖော်ပြသော ဆောင်ပုဒ်များ၊ စာတမ်း များ၊ ပန်းချီဓာတ်ပုံများ စာတမ်းများ စသည်တို့နှင့် စာကြည့်ခန်းကို ပြင်ဆင် မွမ်းမံခြင်းများပြုရန် လိုအပ်ပေသည်။

ကျောင်းသား ကျောင်းသူများ စာဖတ်ဖြစ်စေရန်နှင့် လိုအပ်သော စာအုပ်များငှားရမ်း ဖတ်ရှုလေ့လာနိုင် စေရန် အတန်းအလိုက် စာဖတ်ရက်များ သတ်မှတ်ပေးခြင်း၊ စာအုပ်ငှားရမ်း ထုတ်ပေးခြင်းများကို လည်း စနစ်တကျ ဆောင်ရွက်ပေးသင့်ပေသည်။ ထို့ပြင် ကျောင်းသား ကျောင်းသူများအား မိမိတို့ ဖတ်ရှုလေ့လာပြီးသော စာအုပ်စာစောင်များကို စာရင်းမှတ်သားထားစေပြီး မည်သူသည် စာအုပ်ပေါင်း မည်မျှဖတ်ရှုလေ့လာပြီးကြောင်း အများရှေ့တွင် ထုတ်ဖော်ချီးမွမ်းပေးခြင်းဖြင့် စာဖတ်လိုစိတ်များ ပွားများလာအောင် ဖန်တီးပေးနိုင်ပေသည်။

စာစီစာကုံးခေါင်းစဉ်တစ်ခု သို့မဟုတ် အခြားသင်ခန်းစာ ခေါင်းစဉ်တခုကိုပေး၍ ဖတ်ရှုလေ့လာရမည့် စာအုပ်စာတမ်းများကို ဆရာကညွှန်ကြား သတ်မှတ်ပေးခြင်း၊ ထိုစာအုပ်စာတမ်းများမှ အချက်အလက် များ စုဆောင်းစေခြင်း၊ ရရှိသော အချက်အလက်များအပေါ် အခြေပြု၍ စာစီကုံးရေးသားစေခြင်းဖြင့် ကျောင်းသား ကျောင်းသူများအား ကျောင်းသင်ပညာနှင့် ကျောင်းစာကြည့်တိုက်တို့ ဆက်စပ်နေပုံကို လက်တွေ့ သဘောပေါက်စေနိုင်ပေသည်။ ဤသို့ ဆောင်ရွက်ခြင်းဖြင့် ကျောင်းသား ကျောင်းသူများ သည် မိမိကိုယ်ကို မိမိယုံကြည်အားကိုးစိတ်များ တစတစ ဖြစ်ထွန်းပေါ်ပေါက်လာကာ ဖတ်ရှု၍ ဗဟုသုတ ရှာမှီးလေ့လာ စုဆောင်းလိုစိတ်များ တိုးပွားလာမည် ဖြစ်ပေသည်။

ထို့ကြောင့် ပညာသင်ကြားရာတွင် လည်းကောင်း၊ ပညာဗဟုသုတလေ့လာ ရှာမှီးရာတွင်လည်း ကောင်း၊ စာဖတ် အလေ့အကျင့်ကောင်းများ လေ့ကျင့်ပေးရာတွင် လည်းကောင်း၊ မိမိကိုယ်ကိုမိမိ ယုံကြည်အားကိုးပြီး စာကြည့်တိုက်ကို အကျိုးရှိစွာ အသုံးပြုတတ်အောင် လေ့ကျင့်သင်ကြားပေးရာ တွင် လည်းကောင်း၊ ကာယ၊ ဉာဏ၊ စာရိတ္တ ဘက်စုံဖွံ့ဖြိုးသော နိုင်ငံသားကောင်းများကို မွေးထုတ်ရာ တွင်လည်းကောင်း များစွာအထောက်အကူပြုသော ကျောင်းစာကြည့်တိုက်များ ရှင်သန်တိုးတက်ရေး သည် ကျောင်းရှိ ဆရာ ဆရာမများနှင့်တကွ ကျောင်းသား ကျောင်းသူများသာမက မိဘပြည်သူများ ကပါ ဝိုင်းဝန်း၍အလေးထား ကြိုးပမ်းဆောင်ရွက်ရမည့် လုပ်ငန်းတစ်ရပ် ဖြစ်ပါကြောင်း တင်ပြရပေသည်။

ပညာလောက စာစောင်

အတွဲ ၁၃၊ အမှတ် (၁)

၁၉၈၂၊ ဇန်နဝါရီ

Powered by Bullraider.com