မီလီနီရယ်မျိုးဆက် ပညာရေး

http://www.applerubber.com/blog/wp-content/uploads/2016/05/x.jpeg

မီလီနီရယ်မျိုးဆက်ဆိုသည်မှာ (Millennials) တို့ကို ဆိုလိုခြင်းဖြစ်သည်။ ၁၉၈၂ ခုနှစ် နောက်ပိုင်း မွေးဖွားလာ ကြသည့် Generation X မျိုးဆက်ကို ရည်ညွှန်းခေါ်ဆိုခြင်းဖြစ်သည်။ ထိုမျိုးဆက်များသည် Baby Boomer ဆိုသည့် မျိုးဆက်တစ်ခုက မွေးဖွားကြီးပြင်းလာကြသူများဖြစ်သည်။

မီလီနီရယ်မျိုးဆက်တို့သည် ကျောင်းတွင်းပညာရေးထက် ကျောင်းပြင်ပတွင် ကြိုးစားအားထုတ် ရှာဖွေ ပညာသင်ကြားလာခဲ့ကြသူများဖြစ်သည်။ သူတို့သည် မည်ကဲ့သို့သော ကျောင်းသားများဖြစ်ကြောင်း လေ့လာရန်လိုအပ်သည်။

မီလီနီရယ်ကျောင်းသားများသည် မျိုးဆက်အားလုံးတွင် အလွန်ထူးခြားသည့် မျိုးဆက်များဖြစ်သည်။ သူတို့သည် ယခင်မျိုးဆက် ကောလိပ်နှင့် တက္ကသိုလ်ပညာသို့ တက်ရောက်ခဲ့သူများနှင့်မတူ။ သူတို့၏ ကိုယ်ရည်ကိုယ်သွေး၊ အတွေးအမြင်၊ ဦးတည်ချက်တို့သည် အစဉ်အလာပညာရေးများကို ရိုက်ချိုးဖျက်ဖောက် ထိုးထွက်မည်ကဲ့သို့ဖြစ်နေသည်။

သူတို့ကို ကန့်သတ်ဘောင်ခတ်၍မရ၊ လူမှုရေးကိစ္စများ လွှမ်းမိုး၍လည်းမတတ်နိုင်၊ သူတို့က ချက်ချင်း တုံ့ပြန်မှု ပေးတတ်သည်။ သူတို့တွင် Critical Thinking ဆိုသည့်သဘောတရားများလည်း ရှိချင်မှရှိမည်။ သူတို့ ဘာကို မျှော်လင့်နေကြောင်းလည်း သိရခက်လှသည်။ သူတို့တွင် အလွန်တော်သည့် မိဘများက လွှမ်းမိုးမှုရှိနေသည်။ သူတို့ကို မိဘများက နောက်ကွယ်က ဘာဖြစ်ချင်သည်ဆိုသည့် ဖိအားများရှိနေသည်။ တစ်နည်းအားဖြင့် ထိန်းချုပ် လမ်းညွှန်မှုများ မကင်းဟုဆိုရမည်။ မီလီနီရယ်တို့ စိတ်ထဲတွင် ကြိုးစားအားထုတ်မှု အနည်းဆုံးနှင့် အချိန်တိုအတွင်း ထိုးဖောက်ပြီး အောင်မြင်မှုများ မည်သို့ရမည်ကို ကြံဆနေသူများဖြစ်နေကြသည်။

မီလီနီရယ်တို့ကို သုံးသပ်ကြည့်ရလျှင်

သူတို့သည် သူတို့ကိုယ်သူတို့ အထင်ကြီးနေကြသူများဖြစ်သည်။ အထူးသဖြင့် သူတို့ကိုယ်သူတို့ Special ဟု ထင်နေကြသူများဖြစ်သည်။ သူတို့အထင်ကြီးလောက်အောင် သူတို့မိဘများကလည်း ထူးချွန်တော်သည့် မျိုးဆက်များဖြစ်နေသောကြောင့် အနည်းဆုံး သူတို့မိဘတွေလောက်တော့ ဖြစ်နိုင်မည်ဟု ထင်ထားကြသည်။ သူတို့သည် မိဘများက ပညာရေးကို အားပေးခဲ့ခြင်း ခံရသူများဖြစ်သောကြောင့် ဘက်စုံပြိုင်ဆိုင်မှုများကို ရင်ဆိုင်ကြုံတွေ့ခဲ့ရပြီး ပြိုင်တိုင်း နိုင်ခဲ့သူများက ဘဝင်မြင့်စရာဖြစ်နေသည်။

မိဘများသည် ပညာရေးသာမက စဉ်းစားဆုံးဖြတ်သည့် ကိစ္စများတွင်ပါ ဝင်ပါလေ့ရှိသည်။ တစ်နည်းပြောရလျှင် ပညာရေးတွင် လွတ်လပ်စွာ ဖောက်ထွက်လိုကြခြင်းသည် မိဘများ၏ ဖိအားနှင့် တွန်းအားလည်းပါမည်ဟု ယူဆရသည်။

မီလီနီရယ်များသည် သမိုင်းတွင် လုံခြုံစိတ်ချရမှုအရှိဆုံး ပညာသင်ကြားခွင့်ရခဲ့သူများဖြစ်သည်။ မိဘများ ကိုယ်တိုင် စောင့်ရှောက်မှုခံပြီး ကျောင်းလာကြရသဖြင့် သူတို့၏စိတ်ဓာတ်များက လုံခြုံမှုများရနေပြီး ဖွံ့ဖြိုး တိုးတက်မှုကို ကြိုးပမ်းလုပ်ဆောင်ရန်မှာ သူတို့အပေါ်တွင် မူတည်နေသည်။ ယင်းအနေအထားများက ပညာရေး လောကမှ ထွက်လာပြီး အလုပ်အကိုင်များ လုပ်သည့်အခါတွင် စိတ်အေးစွာဖြင့် ဆုံးဖြတ် သုံးသပ်နိုင်စေရန် အထောက်အကူပြုနေသည်ဟုဆိုရမည်။

မီလီနီရယ်တို့သည် အုပ်စုလိုက်လှုပ်ရှားမှုများကို ကောင်းစွာလုပ်ဆောင်ခဲ့နိုင်သူများဖြစ်သည်။ သူတို့ဘဝတွင် ပညာသင်ကြားအလုပ်များ၌ လွတ်လပ်မှုနည်းခဲ့သည်ဟု ဆိုရမည်။ လွတ်လပ်မှုသည် ဒီမိုကရေစီသဘော တရားအရ ကောင်းသည်မှန်သော်လည်း စည်းမဲ့ကမ်းမဲ့ ပရမ်းပတာ လွတ်လပ်မှုကို ပေးလိုက်လျှင် လူငယ်ဘဝတွင် မည်သို့ဖြစ်နိုင်မည်ကို မီလီနီရယ်တွေက သက်သေပြနေသည်။ တစ်နည်းဆိုရလျှင် မိဘများက လွတ်လပ်မှုအတိုင်းအတာကို ထိန်းချုပ်ထားနိုင်သောကြောင့် မီလီနီရယ်တွေ အောင်မြင်ခဲ့ရသည်ဟုလည်း ဆိုနိုင်သည်။ ထို့ပြင် သူတို့ခေတ်တွင် Teamwork ဆိုသည့် အဖွဲ့အစည်းအလိုက် လှုပ်ရှားမှုများဖြင့် အောင်မြင်စွာ လုပ်ဆောင်နိုင်မည်ဆိုသော သဘောတရားများ စတင်ထွန်းကားခဲ့သည်။ ထို့ကြောင့် အဖွဲ့အစည်း အလိုက် အကောင်အထည်ဖော်ပြီး ပူးပေါင်းလုပ်ဆောင်လိုသည့်စိတ်ဓာတ်များ သူတို့တွင် အခြေခံကောင်း သည်ဟု ဆိုရမည်။

မီလီနီရယ်တို့သည် အကောင်းမြင်လိုစိတ်များရှိသည့်ဝန်းကျင်တွင် အကောင်းမြင်စိတ်များဖြင့် လူဖြစ်လာကြရ သောကြောင့် အကောင်းမြင်သူများ ပေါ်ထွန်းခဲ့သည့် ကာလဟုလည်းဆိုနိုင်သည်။ သူတို့အနာဂတ် မသေချာ၊ မရေရာဆိုသော်လည်း သူတို့ လုပ်ချင်သည့်စိတ်ရှိလျှင် ဖြစ်အောင်လုပ်တတ်သည်။ ရောက်ချင်သည့် ပန်းတိုင်ကို မရောက် ရောက်အောင်သွားတတ်သည်။ သူတို့သည် နည်းပညာခေတ်တွင် လူဖြစ်လာကြရသော ကြောင့် နည်းပညာကို စွဲလမ်းရူးသွပ်မှုများ၊ စမ်းသပ်မှုများ ပြုလုပ်လာကြသည်။ သူတို့ခေတ်တွင် ကွန်ပျူတာ၊ အီးမေးလ်တွေ ခေတ်စားလာသည်။ လက်ပ်တော့တွေ ကွန်ပျူတာတွေကို တီထွင်ဖန်တီးမှုအတွက် သုံးရကောင်းမှန်း နားလည်လာကြသည်။ ထို့ကြောင့် နည်းပညာနှင့် ၂၄ နာရီ ပေါင်းဖက်သူများ ဖြစ်လာကြ သည်။

မီလီနီရယ်တို့သည် ဖိအားပေါင်းများစွာကို ရင်ဆိုင်ခဲ့ကြရသည်။ ထိုဖိအားများကို သူတို့က စွမ်းအားအဖြစ် ပြောင်းလဲနိုင်စွမ်းရှိသူများဖြစ်သည်။ သူတို့၏ မဖြစ်မနေ လုပ်ဆောင်လိုစိတ်များကြောင့် ကြီးမားခမ်းနားသည့် တစ်ခုခုကို လုပ်ပြနိုင်ရန် ကြိုးစားရင်းက မမျှော်လင့်ဘဲ ထိပ်တန်း ရောက်လာရသည့်သူများ ဖြစ်လာကြသည် လည်းရှိသည်။ အဘယ်ကြောင့် ဆိုသော် သူတို့သည် နောက်ရာစုနှစ်အတွက် အကြီးမြတ်ဆုံး မျိုးဆက်တစ်ခု ဖြစ်လာစေရန် ခြေလှမ်းပြင်နေသောကြောင့်ဖြစ်သည်။

မီလီနီရယ်မျိုးဆက်များစွာထဲမှ ထင်ရှားစွာ သက်သေပြနိုင်သူတစ်ဦးရှိပါသည်။ Facebook ဆိုသည့် ဆိုရှယ်မီဒီကို အောင်မြင်စွာတီထွင်နိုင်ခဲ့သူ မာ့ခ် ဇူကာဘတ်ဖြစ်သည်။ သူ့အကြောင်း စေ့ငုလျှင်ပင် မီလီနီရယ် မျိုးဆက်အကြောင်း ကောင်းကောင်းသဘောပေါက်နိုင်ပေလိမ့်မည်။

(Ref : The Millennial Student: A New Generation of Learners, Michele Monaco)

Powered by Bullraider.com