ပညာရေးတွင် နည်းပညာထည့်သွင်းသင်ကြားရာ၌ သတိထားရမည့်အချက်များ

http://www.mawhopon.net/wp-content/uploads/%D0%BE%D0%B1%D1%80%D0%B0%D0%B7%D0%BE%D0%B2%D0%B0%D0%BD%D0%B8%D0%B54-660x330.jpg

ပညာရေးတွင် နည်းပညာကို ထည့်သွင်းအသုံးပြုရမည်၊ နည်းပညာကို ပညာရေးတွင် ရင်းနှီးမြှုပ်နှံရတော့မည် ဆိုခြင်းကို အစိုးရတိုင်းအလေးထား လုပ်ဆောင်နေကြရသည့် ခေတ်ဖြစ်ပါသည်။ အထူးသဖြင့် ဆင်းရဲသည့် နိုင်ငံများတွင်ပါ ကျောင်းသား ကျောင်းသူများ လက်အတွင်းသို့ တက်ဘလက်များ ရောက်ရှိသုံးစွဲနိုင်ရေးမှာ ၂၁ ရာစု၏ ပညာရေးမျှော်မှန်းချက်များအနက်တစ်ခုဖြစ်ပါသည်။

ကင်ညာနိုင်ငံတွင် တက်ဘလက်ကျောင်းများကို အစိုးရက အကောင်အထည်ဖော်နေသည်။ ကျောင်းများတွင် ဒစ်ဂျစ်တယ်ရင်းမြစ်များကို ရရှိခံစားခွင့်ရရေးမှာ အရေးကြီးသည်။ ရိုင်အိုဒီ ဂျနေးရိုး ကျောင်းအုပ်ချုပ်ရေးအဖွဲ့က ပညာရေးစနစ်အတွင်း ဒစ်ဂျစ်တယ်ရင်းမြစ်ရရေးကို အားသွန်ဆောင်ရွက်ပေးနေသည်။

ကျောင်းများတွင် အစိုးရကျောင်းဖြစ်စေ၊ ပုဂ္ဂလိကကျောင်းများဖြစ်စေ နည်းပညာကို စာသင်ခန်းအတွင်း ရောက်ရှိလာစေရန် စွမ်းဆောင်နိုင်ခြင်းမှာ အဓိကကျလာသည်။ ပညာရေးတွင် နည်းပညာကိုထည့်သွင်း အသုံးပြုနေကြသည်ဆိုသော်လည်း အခက်အခဲများရှိနိုင်ပါသည်။ သတိပြုသင့်သည့် အချက်များမှာ

တန်းတူညီမျှ မရနိုင်လျှင် ပိုပြီးဆိုးရွားသွားနိုင်ခြင်း

နည်းပညာဖြင့် အွန်လိုင်းကတစ်ဆင့် ရယူနိုင်သော ပညာရေးစနစ်များစွာရှိပါသည်။ ဥပမာ Khan Academy ဆိုသည့် အွန်လိုင်းပညာရေး သင်ကြားမှုစနစ်သည် အလွန်အောင်မြင်နေသော ပညာရေး အထောက်အကူပြု အဖွဲ့အစည်းတစ်ခုဖြစ်သည်။ ခမ်းအကယ်ဒမီက ထုတ်လွှင့်ချက်များအပြင် YouTube ပေါ်တွင်လည်း အခမဲ့ရယူ လေ့လာနိုင်သည့် သင်ကြားပို့ချမှုများရှိနေသည်။

ကျောင်းသား ကျောင်းသူများကို ဖတ်စာတစ်မျိုးတည်းဖြင့် ဘောင်ခတ်ထားနိုင်သည့် မဟုတ်တော့ပေ။ သူတို့ကို ပိုပြီး တတ်သိနားလည်စေလိုလျှင် ပညာကိုရှာနိုင်သည့် အခြားနည်းလမ်းများကိုလည်း လမ်းဖွင့်ပေးထားနိုင်ရ မည်ဖြစ်ပါသည်။ သင်ယူမှုသည် ခေတ်သစ်တွင် ကိုယ့်စာသင်ခန်းတစ်ခုတည်းက ဆရာကို ဗဟိုပြုနေသည့် စနစ်မဖြစ်သင့်တော့ပါ။ နိုင်ငံတကာ ပါမောက္ခကြီးများ၊ ပညာရှင်ကြီးများ၏အယူအဆများ၊ ပို့ချချက်များကိုလည်း သူတို့နှင့် ရင်းနှီးစေသင့်ပါသည်။

အွန်လိုင်းပေါ်က သင်ကြားပို့ချချက်များကို ရယူကြည့်ရှုနိုင်ရန် အင်တာနက်ဆက်သွယ်ရေးစနစ် ကောင်းရမည်။ ကျောင်းသားကျောင်းသူတိုင်း အခမဲ့ရယူကြည့်ရှုပိုင်ခွင့်ရှိရမည်။ ကွန်ပျူတာ၊ တက်ဘလက်မရှိသည့်တိုင် စမတ်ဖုန်းများကို ကိုင်တွယ်သုံးနိုင်သည့်အဆင့်သို့ ရောက်ရှိနေရမည်။

နိုင်ငံတိုင်းတွင် လူနေမှုအနေအထား၊ စီးပွားရေပြဿနာများကြောင့် တန်းတူညီမျှ သုံးစွဲရယူနိုင်မှု မရှိခြင်း ဆိုသည်မှာ ပြဿနာတစ်ခုအဖြစ် ရင်ဆိုင်နေရဦးမည်သာဖြစ်သည်။ အနည်းဆုံးအိုင်တီပစ္စည်းကို အများဆုံး မည်သို့အသုံးပြုနိုင်မည်နည်းဆိုသည့် အဖြေတစ်ခုခုရှာသင့်သည်။

အမြင်ကျဉ်းသူများကြောင့် အလွန်ဝေးကွာသွားရခြင်း

နည်းပညာကို ချုပ်ကိုင်ထားသူတို့၏ အမြင်ကျဉ်းမြောင်းလွန်းမှုများကြောင့်လည်း ပညာရေးတွင် နည်းပညာနှင့် ကင်းကွာမှုများ ဖြစ်ပွားသွားနိုင်ပါသည်။ ကျောင်းများတွင် စာအုပ်ကိုသာ အဓိကထားပြီး သင်ကြားလိုနေသည့် အုပ်ချုပ်သူများက နည်းပညာက ပညာရေးကို ဖျက်ဆီးနေသည်ဟုထင်ကာ ပိတ်ဆို့တားဆီးမှုများဖြစ်နိုင်သည်။

ခေတ်သစ်တွင် ကလေးတိုင်းသည် ဒစ်ဂျစ်တယ်အမြင်အတွေး သုံးနိုင်စွမ်းအားများ ရှိနေကြသည်။ သူတို့အိမ် တွင်လည်းကောင်း၊ သူငယ်ချင်း အပေါင်းအသင်းများကြောင့်လည်းကောင်း နည်းပညာကို တတ်ကျွမ်းနေကြပြီး ဖြစ်သည်။ သုံးစွဲလိုစိတ်လည်းရှိသည်။ သုံးစွဲလိုက်လျှင် ပေါက်မြောက်အောင်မြင်သွားမည်ကို သိပါလျက် အကြောင်းအမျိုးမျိုးပြကာ မသုံးနိုင်အောင် တားဆီးပိတ်ပင်နေခြင်းက အလှမ်းဝေးနိုင်ပါသည်။

နည်းပညာသည် ဆရာများကို ဘေးဖယ်ထုတ်မည်ဟု ထင်နေခြင်း

နည်းပညာကို ကျောင်းများတွင် အသုံးများလာပါက ဆရာများသည် ဘေးကို ရောက်သွားမည်ဟု ထင်နေကြ သည်။ အမှန်မှာ ဆရာသည် အလယ်တည့်တည့်ကို ရောက်လာမည်ဆိုခြင်းကို သဘောမပေါက်ကြခြင်းဖြစ် သည်။ တစ်နည်းပြောရလျှင် နည်းပညာအစားထိုးသောကြောင့် မိမိတို့ အလုပ်ပြုတ်မည်ကို စိုးရိမ်သောက ရောက်နေကြခြင်းဖြစ်သည်။

ယနေ့တိုင် ပညာရေးလောကတွင် နည်းပညာကိုအစားထိုးပြီး ကျောင်းဆရာများကို ဖြုတ်ပစ်လိုက်သည်ဆိုသော သတင်းမျိုး မပေါ်ထွက်သေးပါ။ စနစ်တွေမည်သို့ပြောင်းပြောင်း ခေတ်တွေမည်သို့ပြောင်းပြောင်း ဆရာများ၏ အရေးပါမှုသည် ရှိနေဦးမည်သာဖြစ်သည်။

နည်းပညာသည် ပညာရေးလောကအတွင်း မဖြစ်မနေဝင်လာရတော့မည်သာဖြစ်သည်။ ဆရာများအနေဖြင့် ဘေးထွက်မထိုင်ချင်လျှင် မိမိတို့ကိုယ်တိုင် နည်းပညာကို ကျွမ်းဝင်သူများဖြစ်လာပြီး မိမိတို့ကိုယ်တိုင်က ဦးဆောင်လမ်းညွှန်နိုင်သူများ ဖြစ်လာစေရန် ကြိုးပမ်းဆောင်ရွက်သင့်သည်။

နည်းပညာခေတ်တွင် တပည့်လောက်မတော်လျှင် တပည့်လောက်လေ့လာ လမ်းညွှန်မပြနိုင်လျှင် ကျောင်းသား များကလည်း အထင်ကြီးလေးစားမည်မဟုတ်ပါ။ ကြိုတင်လေ့လာ ကြိုတင်ပြင်ဆင်ပြီး ကိုယ့်နေရာကို ကိုယ်ရစေရန် ကြံဆောင်တတ်သူများဖြစ်ရန်လိုသည်။

ပညာရေးဆိုသည်မှာ မည်သည့်အခါမှ ပြီးဆုံးသွားသည်မရှိ

ကျောင်းများတွင် နည်းပညာသင်ကြားရေးမှာ ခေတ်အတွက်ပြင်ဆင်ခြင်းဖြစ်ကြောင်း သဘောပေါက်ထားရန်လို သည်။ အိုင်တီခေတ်ဆိုသည်ကို မေ့မထားသင့်ပေ။ နည်းပညာသည် အဖြေဆိုလျှင် မေးခွန်းတွေ မေးရတော့ မည်။ နည်းပညာကို အဘယ်ကြောင့် သင်ရမည်နည်း။ အနာဂတ်ပညာရေးတွင် နည်းပညာမပါဘဲ အလုပ်မဖြစ် နိုင်သည်ကို ဆရာများကလည်း ကြိုတင်သဘောပေါက်ထားရန်လိုသည်။

နည်းပညာက တီထွင်နိုင်သလောက် ပညာရေးတွင် တပ်ဆင်အသုံးမပြုနိုင်သေးမှုတွေက ပိုများနေပါသေး သည်။ ကျောင်းတိုင်းတွင် ကွန်ပျူတာ လက်ပ်တော့ကို မသုံးနိုင်သေး။ ဆင်းရဲသည့်နိုင်ငံနှင့် ချမ်းသာသည့် နိုင်ငံများတွင် နည်းပညာအသုံးပြုနိုင်မှု ကွာဟနေသေးသည်။ နည်းပညာသုံးလိုက်လျှင် အားလုံးပြီးဆုံးသွား မည်ကို သိပါလျက် အသုံးမပြုနိုင်ခြင်းဖြစ်သည်။

ပညာရေးဆိုသည်မှာ တစ်ခန်းရပ်ပြဇာတ်ကို ကနေခြင်းမဟုတ်။ ဘဝတစ်သက်တာ ပညာရေးဆိုခြင်းကြောင့် ပညာရေးသည် မပြီးဆုံးနိုင်ပါ။ သို့သော် ပညာရေးကို မည်သို့ဆက်ပြီးကရမည်ဆိုခြင်းမှာ ပိုပြီးအရေးကြီးသည်။ အိုင်တီကို မသုံးနိုင်ခြင်းကြောင့်လည်း ပညာရေးမပြီးဆုံးနိုင်ပါ။ အိုင်တီသုံးနိုင်လျှင် ပိုပြီး ခရီးရောက်နိုင်ပါသည်။ လှည်းခေတ်ကိုကြိုက်ပြီး လှည်းစီးနေရမည်ခေတ်မဟုတ်။ ကားစီးပြီး ခရီးရောက်အောင်သွားရမည်။ အဘယ်ကြောင့်ဆိုသော် လေယာဉ်နှင့် သွားနေသူများကို ပိုပြီး ခရီးရောက်နေကြောင်း သတိပြုရမည်။

Powered by Bullraider.com