မေတ္တာငတ်နေကြရရှာသော ကလေးများ

https://i.guim.co.uk/img/static/sys-images/Guardian/Pix/pictures/2013/10/8/1381238673073/Japanese-schoolchildren-009.jpg?w=700&q=55&auto=format&usm=12&fit=max&s=e6eab87ed281bcdc25167b4bc062644f

ဂျပန်နိုင်ငံမှ မိဘများအနေဖြင့် သားသမီးများ အရွယ်ရောက်လာသည့်အခါတွင် ငွေကုန်ကြေးကျပိုများလာမည့် အရေးကို ထည့်တွက်စဉ်းစားထားကြရသည်။ ကျောင်းမပို့မီ နေ့ကလေးထိန်း၊ မူကြိုစသည်ဖြင့် ပို့ရသည့် အရေးသည် သူတို့နိုင်ငံတွင်လည်း အလွန်စွန့်စားနေကြရသည့် ကိစ္စကြီးတစ်ခုလိုဖြစ်လာသည်။

ကလေးများကို ကျောင်းပို့မည်ဆိုလျှင် မူလတန်းလောက်ကတည်းက ဂါကူဒိုဟုခေါ်သည့် ကျောင်းပြီးလျှင် ပို့ရသည့် နောက်ထပ်ကျူရှင်အကြောင်း စဉ်းစားထားကြရသည်။ ဂျပန်နိုင်ငံတွင် ဂါကူဒိုကျောင်းများမှာ နေ့ကလေးထိန်းကျောင်းများနှင့်မတူပေ။ ညနေ ၇ နာရီခန့်အထိ ဖွင့်လှစ်သင်ကြား ပေးနေသည့် ကျောင်းပြီး နောက်တစ်ကျောင်း တက်နေကြရသည့် အစီအစဉ်ဖြစ်သည်။

ဂျပန်နိုင်ငံ မိဘတွေက အလုပ်တွေကို မနေမနားလုပ်ပြီး ပိုက်ဆံရှာကြရသည်။ အလုပ်တွင် အချိန်ကုန်နေကြရ သည့် မိဘများအနေဖြင့် ကျောင်းလွှတ်ချိန်တွင် လာမကြိုနိုင်။ အိမ်ကို ကလေးတစ်ယောက်တည်း ပြန်လွှတ်ရန် လည်းမဖြစ်။ ထို့ကြောင့် သူတို့က ပိုက်ဆံပိုရှာပြီး ကလေးများကို ပုဂ္ဂလိက ဂါကူဒို ညပိုင်း ကျောင်းများသို့ ကလေးများကို ထပ်ဆင့်တက်ခိုင်းနေကြရသည်။

ဂျပန်နိုင်ငံတွင် ကလေးငယ်ရှိသည့် မိခင်များကို အလုပ်ချိန်လျှော့ပေးရန် စီစဉ်နေကြသည်။ ကုမ္ပဏီများ ကလည်း ကလေးရှိသည့်မိခင်များကို အလုပ်စောစော ပြန်ဆင်းနိုင်ရန်လုပ်ဆောင်နေကြသည်။ ယိုကို ဟားမားမြို့ရှိ အသက် ၃၀ ဝန်းကျင် မိခင်များဆိုလျှင် ပထမတန်းအဆင့် ကျောင်းသားလေးတစ်ယောက် ရှိသည်။ သူ့အနေဖြင့် အိမ်ကို အလုပ်ပြီးလျှင် အနည်းဆုံး ည ၆ နာရီလောက်မှ ပြန်ရောက်တတ်သည်။ ထို့ကြောင့် သားဖြစ်သူကို ည ၇ နာရီအထိဖွင့်သော ဂါကူဒိုကျောင်းကို ပို့ထားရသည်။

သူမ၏ သားကိုထားသည့် ဂါကူဒိုကျောင်းက ကျောင်းစနေသည့် ကလေးများဆိုလျှင် လက်မခံတော့ပေ။ ထိုကျောင်းက မူကြိုအဆင့်လောက်သာ လက်ခံသဖြင့် မကြာမီ သားကို ဂါကူကိုကျောင်းက ထုတ်ရပေတော့ မည်။ ညကျောင်းကထုတ်လျှင် အိမ်တွင် စောင့်ရှောက်မည့်သူမရှိ။ ထို့ကြောင့် ဟီရိုရှီးမားက မိခင်ဖြစ်သူကိုလှမ်း ခေါ်ရသည်။

သူတို့ အလုပ်ပျက်၍မဖြစ်။ သားကို နောက်ဂါကူဒိုကျောင်းတစ်ကျောင်း မပို့နိုင်မချင်း သူ့အဘွားကို ခေါ်ယူ စောင့်ရှောက်ခိုင်းရပေလိမ့်မည်။ ဂျပန်နိုင်ငံတွင် မူလတန်းအဆင့် ကျောင်းသားများတက်နိုင်သည့် ဂါကူဒို ကျောင်းများ ဖွင့်ထားသော်လည်း ကျောင်းဝင်လိုသည့် ကျောင်းသားပေါင်း ၄ သိန်းကျော်ရှိနေသည်။ ဂါကူဒို ဝင်ခွင့်စောင့်နေကြသည့် ကလေးအရေအတွက် များလွန်းလှသည်။ ကျောင်းနှင့် လက်ခံနိုင်သည့်ပမာဏ မမျှ သောကြောင့် ထားနိုင်သော်လည်း ထားခွင့်မရနိုင်သည့် မိဘများစွာ ရှိနေသည်။

မိဘတွေက အလုပ်ကို ကြိုးစားနေရလေ သူတို့သားသမီးတွေအတွက် ဂါကူဒိုကျောင်းတွေက ပိုပြီး လိုအပ် နေလေဖြစ်နေသည်။

Kidsbasecamp ကုမ္ပဏီသည် ၂၀၀၆ ခုနှစ်ကတည်းက ဂါကူဒိုကျောင်းများကို ဖွင့်လှစ်ခွင့်ရခဲ့သော ပုဂ္ဂလိက ကုမ္ပဏီတစ်ခုဖြစ်သည်။ တိုကျိုနှင့် ကာနာဂါဝါတို့တွင် ကျောင်းပေါင်း ၂၂ ကျောင်းဖွင့်လှစ်ထားသည်။ ကျောင်းများကို ည ၇ နာရီအထိ ဖွင့်လှစ်ပေးထားပြီး၊ တစ်ပတ် ငါးရက်တက်ရသည့် ပထမတန်းအဆင့် ကျောင်းသား တစ်ဦးလျှင် ဂျပန်ယမ်းငွေ ၄၆၀၀၀ (၄၀၈ ဒေါ်လာခန့်) ပေးကြရသည်။

ထိုကုမ္ပဏီက ဝန်ဆောင်မှုအနေဖြင့် ကလေးများကို ကျောင်းလွှတ်လျှင် လိုက်ကြိုပေးသည်။ အိမ်အရောက် လိုက်ပို့ပေးသည်။ ည ၁၀ နာရီအထိထားလျှင် အပိုကြေးများ ထပ်မံပေးဆောင်ကြရသည်။ ငွေကြေးတန်ဖိုး အားဖြင့် များလွန်းစွာဖြင့် တစ်ပတ် ဒေါ်လာ လေးရာကျော် ပေးနေကြရသည်ဆိုသော်လည်း ဂါကူဒိုကျောင်း များတွင် ကျောင်းသားများ ပြည့်လျှံနေပြီး ကျောင်းတက်ခွင့်ရရန် စောင့်နေသော ကလေးပေါင်းများစွာ တန်းစီနေသည်ဆိုခြင်းမှာ ဂျပန်နိုင်ငံကလေးများအတွက် ပြယုဂ်တစ်ခုဖြစ်နေသည်။

ဂျပန်နိုင်ငံတွင် ပြဋ္ဌာန်းထားသည့် ဥပဒေအရ အသက် ၃ နှစ်အောက်ရှိသည့် မိခင်များကို အလုပ်ဌာနများ အနေဖြင့် တစ်နေ့လျှင် ၆ နာရီသာ ခိုင်းရမည်ဟုဆိုထားသည်။ ကျန်းမာရေးဝန်ကြီးဌာန၏ သုတေသနပြုချက် အရ ၂၀၁၄ ခုနှစ် အောက်တိုဘာလကစပြီး ဂျပန်နိုင်ငံရှိ ကုမ္ပဏီပေါင်း ၄၀၄၅ ခုတွင် ၂၀ ဒသမ ၁ ရာခိုင်နှုန်း သည် မူကြိုတက်နေသည့် ကလေးများရှိ်လျှင် အလုပ်ချိန်ကို လျှော့ပေးပြီဖြစ်သည်ဟုဆိုကြသည်။ မူလတန်း အဆင့် ကျောင်းတက်နေသည့် ကလေးများရှိလျှင် အလုပ်ချိန်ကို လျှော့ပေးသည့် ကုမ္ပဏီများမှာ ၁၃ ဒသမ ၅ ရာခိုင်နှုန်းခန့်သာရှိသည်။

မည်သို့ဆိုစေ သေအောင်လုပ်၊ ရအောင်ရှာ၊ ကောင်းအောင်ထားပြီး ကြိုးပမ်းနေကြရရှာသည့် မိဘများနှင့် မေတ္တာငတ်နေသော သားသမီးများကြားတွင် နေ့စဉ်ကွာဟချက်တွေကကြီးမားသည်ထက် ကြီးများလျက်ရှိ နေသည်။ ဂျပန်ကလေးများသည် ဂါကူဒိုကို အားကိုးနေကြရသည်။ ဂါကူဒိုကလည်း ကလေးများအပေါ် မိဘမေတ္တာထက် နွေးထွေးသောခံစားမှုများကို မပေးနိုင်မည်မှာ သေချာသည်။

(Ref : Japan Times)

Powered by Bullraider.com