လူတော်လေးတွေဖြစ်အောင် ဘယ်လိုလေ့ကျင့်ပေးမလဲ

https://cdn-sg.theasianparent.com/wp-content/uploads/2016/11/super-brain-foods-lead-image.jpg

ကလေးတစ်ဦးနှင့်တစ်ဦး ဦးနှောက်ဖွံ့ဖြိုးမှုချင်း IQ ချင်း မတူညီနိုင်ပါ။ သို့ရာတွင် ခေတ်သစ်နည်းစနစ်များအရ ကလေးတစ်ဦးကို ပါရမီရှင်လေးများကဲ့သို့ တော်အောင် လေ့ကျင့်ပေးနိုင်ပါသည်။

၁။ ဦးနှောက်၏ ဘယ်၊ ညာဆက်သွယ်မှုကိုသိထားပါ

ဦးနှောက်တွင် ညာဘက်နှင့် ဘယ်ဘက်အခြမ်းနှစ်ခြမ်းသည် တုံပြန်မှုချင်း မတူညီသလို၊ လုပ်ဆောင်ပေး နိုင်မှုချင်းလည်း မတူညီပေ။ ဦးနှောက် ဘယ်ဘက်အခြမ်းသည် ပိုင်းခြားဝေဖန် ဆုံးဖြတ်ပေးနိုင်သည့် အပိုင်း ဖြစ်ပြီး ညာဘက်အခြမ်းသည် တီထွင်ဖန်တီးနိုင်စွမ်းများကို ထုတ်ပေးသည့် အပိုင်းဖြစ်သည်။

ဦးနှောက် ဘယ်ဘက်အခြမ်းသည် ဘာသာစကား ကျွမ်းကျင်မှုကို အထောက်အကူပြုပြီး၊ ညာဘက်ခြမ်းသည် တွေးခေါ်နိုင်စွမ်းကို ကိုယ်စားပြုကြောင်း သိထားရန်လိုသည်။ မည်သို့ဆိုစေ ဦးနှောက်၏ ဘယ်ညာနှစ်ပိုင်းသည် ကွဲပြားနေသော်လည်း ဆက်စပ်နေသည်။ ထို့ကြောင့် လူတို့၏ နေ့စဉ်ဘဝ ပြဿနာများကို စဉ်းစားတွေးခေါ်၊ ပိုင်းဖြတ်ဆုံးဖြတ်ခြင်းများကို ချက်ချင်း တုံ့ပြန် ပြုလုပ်ပေးနေကြရသည်။

ကလေးတစ်ယောက်သည် လေးဘက်တွား အရွယ်ရောက်သည့်အခါ ဘယ်လက်ကို ရှေ့ထုတ် ရွေ့လျား လိုက်လျှင် ညာခြေကို ရှေ့ထုတ်လိုက်ရမည်ကို အလိုလိုသိသည်။ အလားတူ ညာလက်ကို ရှေ့ထုတ်လိုက်လျှင် လည်း ဘယ်ခြေကို လိုက်ပြီး ရှေ့ထုတ်ရမည်ကို အလိုလိုသိသည်။ ယင်းအချက်နှစ်ချက်က ဦးနှောက်သည် တစ်ပိုင်းနှင့်တစ်ပိုင်း ဆက်စပ်နေကြောင်း အကောင်းဆုံး ပြဆိုနိုင်ခြင်းဖြစ်သည်။

ကလေးတစ်ဦးသည် လေးဘက်တွားသွားခြင်း မလုပ်ဘဲ မတ်တပ်သွားခြင်းအလုပ်ကို တိုက်ရိုက် ပြုလုပ်နိုင်ခြင်း မရှိပေ။ လေးဘက်တွားခြင်းသည် မတ်တပ်ရပ်လမ်းလျှောက်ခြင်းအတွက် မဖြစ်မနေ ဖွံ့ဖြိုးရမည့် အခြေခံဖြစ် သည်။

လမ်းလျှောက်သည့် အရွယ်တွင်လည်း ညာလက် ရှေ့လွှဲလျှင် ဘယ်ခြေ လိုက်ရွှေ့ရသည်။ ညာခြေ ဘယ်လက်၊ ဘယ်ခြေ ညာလက်လိုက်ရသည်။ လမ်းလျှောက်ခြင်းပုံစံက ကလေးတစ်ဦးအတွက် အကောင်းဆုံး ကျန်းမာ စေသည့် ပုံစံတစ်ခုကို အခြေချပေးလိုက်ခြင်းဖြစ်သည်။

ကလေးတစ်ဦးတွင် ဘယ်သန်၊ ညာသန် စာရေးခြင်းအမျိုးမျိုးတွေ့နိုင်ပါသည်။ စာရေးခြင်း ကိစ္စတွင် ဘယ်သန် ညာသန် ပြဿနာမရှိပါ။ ဘယ်သန်ကို ညာဖြင့်ရေးရန် အတင်းအဓမ္မတိုက်တွန်းခြင်း၊ ညာသန်ကို ဘယ်ဖြင့် ရေးရန် အတင်းအဓမ္မခိုင်းစေခြင်းများ မပြုလုပ်ခိုင်းသင့်ပါ။ ကလေးကို ပိုပြီး ထက်မြက်စေလိုလျှင် နှစ်ဘက် စလုံးနှင့် ရေးတတ်စေရန် လေ့ကျင့်ပေး၍ ရနိုင်ပါသည်။ တစ်နေ့ နည်းနည်းစီ လေ့ကျင့်သွားခိုင်းနိုင်ပါသည်။

ကလေးတစ်ဦးကို ဦးနှောက်ဖွံ့ဖြိုးစေရန် အကောင်းဆုံးနည်းမှာ ဒရမ်တီးခိုင်းခြင်းဖြစ်သည်ဟုလည်း ဆိုကြသည်။ ဒရမ်တီးခြင်း လေ့ကျင့်ခန်းတွင် ကလေးသည် ဦးနှောက်ကို ဘယ်ရော ညာပါ တစ်ပြိုင်တည်း အမြန်ဆုံး လုပ်ဆောင်နေရသည့်အတွက် အကောင်းဆုံး လေ့ကျင့်ခန်းဟု ဆိုခြင်းဖြစ်သည်။

၂။ အောက်ဆီဂျင်များများ ရှူခိုင်းပါ

ဦးနှောက်သည် အောက်ဆီဂျင်များများရနေရန် အရေးကြီးသည်။ ထို့ကြောင့် ကလေးများကို ဉာဏ်ကောင်းပြီး ဦးနှောက်ဖွံ့ဖြိုးစေချင်လျှင် အပြင်ထွက်ပြီး လေကောင်းလေသန့် များများ ရှူခိုင်းသင့်သည်။ အပြင်ထွက် လမ်းလျှောက်ခိုင်းခြင်း၊ ဘောလုံးကစားခိုင်းခြင်း၊ ပြေးခိုင်းခြင်း၊ ကြိုးခုန်ခိုင်းခြင်း၊ လွတ်လပ် ပျော်ရွှင်စွာ အော်ဟစ် ကစားစေခြင်းများသည် အချိန်တိုတိုနှင့် အထိရောက်ဆုံးသော ဦးနှောက်လေ့ကျင့်ခြင်း နည်းများ ဖြစ်သည်။ သူတို့ အဆုပ်များကို လေတွေအပြည့် ရှူသွင်း ရှူထုတ်လုပ်စေခြင်းက ဦးနှောက်ကိုလည်း များစွာ သက်ရောက်မှုများ ရှိနိုင်သည်။

ယနေ့ခေတ်တွင် ကလေးအများစုသည် အိမ်တွင်၊ တီဗီ၊ ကွန်ပျူတာ၊ ဖုန်းများဖြင့် အချိန်တွေ ကုန်နေကြသည်က များသည်။ ဦးနှောက်ဖွံ့ဖြိုးစေလိုလျှင် အားလုံးကို မျှတစွာနေထိုင်နိုင်စေရန် လေ့ကျင့်ပေးဖို့လိုသည်။ ကစားခြင်းက လူကို ကျန်းမာစေနိုင်သလို စိတ်ကိုလည်း ချမ်းသာစေနိုင်သည်။ ဦးနှောက်ဖွံ့ဖြိုးတိုးတက်မှုသည် မည်မျှ လှုပ်ရှားသနည်းဆိုသည့်အချက်နှင့်လည်း ဆက်စပ်နေသည်။

ကလေးများအတွက် အကောင်းဆုံး လေ့ကျင့်ခန်းတစ်ခုမှာ ရေကူးခြင်းဖြစ်သည်။ ရေကူးခြင်းက အဆုပ်ကို အားကောင်းစေပြီး ဦးနှောက်ကိုလည်း သွေးလှည့်ပတ်စီးဆင်းမှုအကောင်းဆုံးဖြစ်စေကာ ဉာဏ်ရည်ကိုလည်း ထက်မြက်စေသဖြင့် ယောဂနည်းများတွင်ပါ ရေကူးနည်းများကို ထည့်သွင်းလေ့ကျင့်စေကြောင်းတွေ့ရသည်။

အဆုပ်ကများများ အလုပ်လုပ်၊ ဦးနှောက်ကို အောက်ဆီဂျင်ပို့၊ ဦးနှောက်ကရွှင် ဉာဏ်ထက်မြက်ပျော်ရွှင်ဟု ရောဂနည်းများတွင် ဉာဏ်ကောင်းစေကြောင်း အထောက်အကူပြုနည်းများကို ထည့်သွင်းသင်ကြားလျက်ရှိ ကြသည်။

၃။ အစား အသောက်

ကိုယ်စားသမျှ ကိုယ်ခံစားရဆိုသည့် စကားရှိပါသည်။ ကလေးများ ဖွံ့ဖြိုးတိုးတက်စေလိုလျှင် ကိုယ်ခန္ဓာကိုလည်း ဖွံ့ဖြိုးစေရုံမက ဦးနှောက်ကိုပါ အချိုးညီ ဖွံ့ဖြိုးတိုးတက်စေရန် လုပ်ပေးရမည်။ အာဟာရပြည့်ဝသည့် အစား အစာများကို စားသောက်ခြင်းသည် ကိုယ်ခန္ဓာကိုသာမက ဦးနှောက်ကိုလည်း ဖွံ့ဖြိုးတိုးတက်စေပါသည်။ ကလေးများအနေဖြင့် ဆန့်ကျင်ဘက်အားဖြင့် အာဟာရမပြည့်သည့် အစားအစာများ၊ ဓာတုဆေးဝါးပါသည့် အစားများ စားမိကာ ရောဂါရသွားနိုင်ကြောင်းကိုလည်း သတိပြုသင့်ပါသည်။

ဦးနှောက်ဖွံ့ဖြိုးမှုနောက်ကျသည့် ကလေးများကို တရားထိုင်ခိုင်းခြင်း၊ အာဟာရ ပြည့်ဝသည့် အစားအစာများ ကျွေးမွေးကို စောင့်ရှောက်ခြင်းဖြင့် ပုံမှန်ပြန်လာစေသည့် သက်သေအထောက်အထားများရှိပါသည်။ ထို့ကြောင့် အစာလည်းဆေး၊ ဆေးလည်းအစာဆိုသည်ကို လက်ခံရမည်ဖြစ်သည်။

အစားအစာဆိုရာတွင်လည်း ကောင်းသောအစာ၊ ဆိုးသောအစာဟူ၍ ခွဲခြားနိုင်ရမည်ဖြစ်သည်။ မည်သည့် အစားအစာများကကောင်းသနည်းဆိုသည်မှာ အထူးပြောစရာမလိုပါ။ သန့်ရှင်းလတ်ဆတ်သည့် သဘာဝအစား အစာများက လူကို ကျန်းမာစေနိုင်ပါသည်။ အသား၊ ငါး၊ အသီးအနှံ မျှတအောင်စားခြင်းဖြင့် အကျိုးရှိပါသည်။

ကလေးများအား အသင့်ထုပ်ပိုးအစားအစာများ မစားစေသင့်ပါ။ ထို့ပြင် သကြားဓာတ်၊ ဆားဓာတ်များသော အစားအစာများကိုလည်း မကျွေးသင့်ပါ။ အစားအသောက်သည် ကလေးတစ်ယောက်၏ ဉာဏ်ရည်ဖွံ့ဖြိုးမှုကို များစွာ အထောက်အကူပြုကြောင်း စိတ်ထဲတွင် မှတ်ထားသင့်ပါသည်။

၎။ လေ့လာချိန် မျှတပါစေ

လေ့လာနည်းမျိုးစုံရှိပါသည်။ ကလေးများကို အသံဖြင့်လည်းကောင်း၊ အရုပ်များပြ၍သော်လည်းကောင်း၊ ကစားရင်း သင်ကြားခြင်းဖြင့်လည်းကောင်း ပိုပြီးအတတ်မြန်ကြောင်းတွေ့ရပါသည်။ မည်သို့ဆိုစေ ကလေးတစ်ယောက်၏ သင်ယူတတ်မြောက်မှုသည် သူတို့၏စိတ် သက်သောင့်သက်သာဖြစ်မှုနှင့် များစွာ ဆက်စပ်ပတ်သက်နေသည်။

ကလေးများကို စာတွေ့သင်ကြားခြင်းထက် လက်တွေ့ မြင် သိ ကြား ကိုယ်တွယ်ဖြေရှင်းနိုင်သည့် စနစ်များက ပိုပြီး ဦးနှောက်ကို ထက်မြက်စေကာ ဉာဏ်ရည်ကိုလည်း ထက်မြက်စေနိုင်သည်။ ကျောင်းများတွင် သင်ကြားမှု နည်းစနစ်များမှာ မှတ်ဉာဏ်ကို စစ်ဆေးခြင်းနည်းများဖြစ်နေပြီး အလွတ်ကျက်ပြန်ရွတ်ခိုင်းနေလျှင် ဦးနှောက် သည် ထင်သလောက် မဖွံ့ဖြိုးနိုင်ပါ။

ဆရာက တစ်ချိန်လုံး အတန်းရှေ့က ရပ်နေပြီး ပျင်းစရာကောင်းလောက်အောင် သင်ပြနေခြင်းကလည်း ကလေးများကို ထက်မြက်သွက်လက်သူများ ဖြစ်မလာနိုင်ပါ။ ကလေးများ၏ ကိုယ်ပိုင် တီထွင် အားထုတ်ရခြင်း များမပါသော အနာအကြားတစ်ခုတည်းသက်သက် သင်ကြားနေခြင်းကလည်း မထိရောက်နိုင်ပါ။

အိမ်တွင် မိဘများက ကလေးများ၏ ဉာဏ်ရည်ထက်မြက်စေနိုင်သော နည်းလမ်းများကို ရှာဖွေပေးသည့် အနေဖြင့် သင်ယူမှုပုံစံများကို လမ်းကြောင်း ပြောင်းပေးနိုင်ပါသည်။ ကလေးများအတွက် စာများများ ဖတ်လာ စေရန် စာအုပ်များဝယ်ပေးခြင်း ကလေး၏ ပိုင်ဆိုင်မှုတစ်ခုအနေဖြင့် သတ်မှတ်ပေးထားခြင်းများဖြင့် စတင် သင့်ပါသည်။

ကလေးများ စာဖတ်လာပြီဆိုလျှင် ဉာဏ်ရည်ကိုထက်မြက်စေသည့် ပုစ္ဆာများမေးခြင်း၊ ဉာဏ်စမ်း ပဟေဠိများ ဝှက်ခြင်းတို့ကိုလည်း ကလေးနှင့်အတူ ပြုလုပ်နိုင်ပါသည်။ ကလေးများ စိတ်ရွှင်လန်းကျန်းမာစေရန် အခြား နည်းတစ်နည်းမှာ သီချင်းများနားထောင်ခြင်းဖြစ်သည်။ ကိုယ်တိုင်တူရိယာတစ်ခုခုကို တီးမှုတ်နိုင်ခြင်းကိုလည်း အားပေးသင့်သည်။ ဂီတသည် ထက်မြက်မှုကို များစွာ အထောက်အကူပြုပါသည်။

ထို့ပြင် ကလေးများကို ဂီတ၊ အနုပညာ၊ ပန်းချီစသည်တို့နှင့်လည်း မကင်းကွာအောင် မိဘများက အိမ်တွင် လုပ်ဆောင်ပေးသင့်သည်။ ကျောင်းတွင် လိုအပ်ချက်မှန်သမျှ မိဘများက အိမ်တွင် ဖြည့်ဆည်းပေးခြင်းဖြင့် ဉာဏ်ရည်ထက်မြက်အောင် လုပ်ဆောင်နိုင်ပါလိမ့်မည်။

၅။ ကိုယ့်ကိုယ်ကိုယ် ယုံကြည်မှုရှိပါစေ

ကလေးတစ်ယောက် အောင်မြင်ခြင်းသည် သူတို့၏ ကိုယ့်ကိုယ်ကိုယ် ယုံကြည်မှုရှိခြင်းနှင့်လည်း ဆက်စပ်နေ သည်။ လူတစ်ယောက်အောင်မြင်မှုသည် ယုံကြည်စိတ်ရှိခြင်းနှင့် ဆက်စပ်နေသည်။ လူတစ်ယောက် ကိုယ်ပိုင် ဆုံးဖြတ်ချက်ချနိုင်ခြင်း၊ အခြားသူများ ပြောဆိုသမျှကို ပိုင်းဖြတ်နိုင်ခြင်းတို့ကို လေ့ကျင့်ပေးနိုင်ပါသည်။ အများက ဝေဖန်မှုများသည် အရေးမကြီး၊ ကိုယ်ဘာတွေ လုပ်ဆောင်ထားသလဲဆိုသည်က အရေးကြီးကြောင်း ကိုလည်း သူတို့ကို နားချပေးနိုင်ပါသည်။

ကိုယ့်ကိုယ်ကိုယ် ယုံကြည်မှုမရှိသည့်အခါ ကလေးများသည် လုပ်ဆောင်လိုစိတ်များ အားနည်းလာတတ်သည်။ ရှက်ကြောက်ခြင်း၊ မဝံ့မရဲဖြစ်နေခြင်းများကို ဦးစွာ ပြုပြင်ရမည်။ လူကြီးများကိုယ်တိုင်က တာဝန်ပေးခြင်း၊ တာဝန်ယူခိုင်းခြင်း၊ လုပ်ပိုင်ခွင့်ပေးခြင်း၊ ရဲရဲတင်းတင်းဆုံးဖြတ်ပိုင်ခွင့်ပေးခြင်းများဖြင့် သူတို့ကို စမ်းသပ်သင့် ပါသည်။

ကလေးတစ်ယောက်ကို အခြားသူတစ်ဦးဦးနှင့် နှိုင်းယှဉ်ပြီး ချိုးနှိမ်မပြောသင့်ပါ။ မလုပ်နိုင်ဘူးဆိုတာ မရှိ၊ မလုပ်နိုင်သေးသည်သာရှိသည်ကို သဘောပေါက်အောင် ထောက်ပြသင့်ပါသည်။ ကလေးတစ်ယောက် ရန်ဖြစ် လာတိုင်း “အသုံးမကျတဲ့အကောင်” ဟုမပြောသင့်ပါ။ ရန်ဖြစ်ရသည့် အကြောင်းများကို ကိုယ့်ကလေးနှင့်ကိုယ် ပူးပေါင်း အဖြေရှာကြည့်စေချင်သည်။ ကိုယ့်ကိုထိုးလိုက်သည့်အတွက် ပြန်မထိုးနိုင်သည့်ကလေးအား အသုံးမကျဟုလည်း မပြောသင့်ပါ။ ကိုယ့်ကလေးဘက်က ရပ်တည်နိုင်အောင် ကြိုးစားပေးပါ။

ကလေးတစ်ယောက် ကောင်းလာစေရန် လူကြီးက မည်မျှကောင်းသနည်းဆိုသည့် အချက်ကလည်း အရေးကြီးပါသည်။ အကောင်းမြင်စိတ်မရှ်ိသည့်သူများက အကောင်းမြင်စိတ်ရှိသူများ မွေးထုတ်နိုင်မည် မဟုတ်ပါ။

အကောင်းမြင်စိတ်ဖြင့် ဆင်ခြင်စဉ်းစားနိုင်စွမ်းများကို လေ့ကျင့်ထူထောင်ပေးခြင်းကလည်း သင့်ကလေးကို ထက်မြက် ဉာဏ်ကောင်းသူတစ်ဦး ဖြစ်လာစေနိုင်ပါလိမ့်မည်။

(Ref : Developing Your Child's Genius, Esther Andrews)

Powered by Bullraider.com