ပညာရေးအရွေ့နှင့် မြန်မာ့တက္ကသိုလ်ရှင်သန်ရေး

Category: ဆောင်းပါး
Published on Tuesday, 17 December 2013 12:30
Written by ဒေါက်တာမောင်သင်း

ရာစုဝက်ချီပြီး အရည်အသွေးနိမ့်တဲ့ မြန်မာ့ပညာရေးကို ဦးမော့လာအောင်လို့ ပြုပြင်ပြောင်းလဲရေးတွေ လုပ်နေပါပြီ။ မရွေ့တာကို ရွေ့ခိုင်းနေပါပြီ။ ရွေ့စေတာကလည်း ကိုယ့်နှုန်းနှင့် မဟုတ်ပါ။ နိုင်ငံတကာ စံနှုန်း၊ အမြန်နှုန်းနှင့်ပါ။ အဲဒီနှုန်းနဲ့ဆက်မရွေ့ရင် ထပ်ပြီးကျန်ခဲ့မှာမို့ပါ။ ကျွန်တော်တို့ရဲ့ မျိုးဆက်သစ် တွေကို တူတူတန်တန် အရည်အသွေးတွေပြည့်တဲ့ လူတော်လူကောင်းလေးတွေ ဖြစ်စေဖို့ပါ။

ပညာရေးအရွေ့မှာ တက္ကသိုလ်ပညာရေးလည်း ပါဝင်ပါတယ်။ ဗဟိုချုပ်ကိုင်မှုကြီးမားတဲ့ ဘဝမှာ နှစ် (၅၀) လောက်နေခဲ့တာပါ။ ကြာလာတော့ တက္ကသိုလ်နှင့်လည်းမတူတော့ပါ။ မတူတော့လို့ ပြောရတာ က တက္ကသိုလ်ရဲ့အနှစ်သာရဖြစ်တဲ့ သင်ကြားရေး လွတ်လပ်ခွင့် (Academic freedom) မရှိလို့ပါ။ ပညာရေးဝန်ကြီးဌာနက ခန့်တဲ့ဆရာ/ဆရာမ၊ အစိုးရအဖွဲ့ကခန့်တဲ့ ပါမောက္ခချုပ်၊ အထက်ကဖွင့်ခိုင်း တဲ့ ဘာသာရပ်၊ တက္ကသိုလ် ရွေးချယ်ရေးအဖွဲ့က ရွေးပေးတဲ့ကျောင်းသား (ဆရာနှင့် ကျောင်းသား အချိုးမျှချင်မှမျှမယ်)။ ရှေးကျတဲ့ စာကြည့်တိုက်အမည်ခံ သုတေသန လက်တွေ့ခန်း၊ ခန့်ထားတဲ့ဝန် ထမ်းကိုလည်း အလုပ်မလုပ်ရင် ဖြုတ်ပိုင်ခွင့်မရှိ။ ဆရာ/ဆရာမကလည်း အပြောင်းအရွှေ့ကြောင့် မတည်ငြိမ်၊ ငါ့တက္ကသိုလ် ကောင်းအောင်၊ တိုးတက်အောင်လုပ်မယ်ဆိုတဲ့ အမြင်ထက် ရာထူးယူဖို့ (သို့မဟုတ်) ရာထူးမြဲဖို့၊ ခဏတာတည်းတဲ့အရပ်ဆိုတဲ့ အမြင်နဲ့လား၊ ဧည့်သည်လိုပါ။ ကျောင်းသား ကတောင် (၃) နှစ် (၄) နှစ် တက်သေးတယ်။ သူတို့က (၆) လပြည့်ရင် အပြောင်းအရွှေ့တင်ပြီ။ ရာထူးတိုးတာလည်း လုပ်ဆောင်မှုစွမ်းရည် အဓိကမဟုတ်ပါ။ အချိန်ပြည့်အောင်စောင့်၊ လွတ်နေတဲ့ နေရာလျှောက်ရင် ရတာပါဘဲ။ အဲဒီတော့ ဆရာတွေ၊ ပါမောက္ခတွေရဲ့ အရည်အသွေးက ရာထူးကြီး လာပေမဲ့လည်း ပညာက မကြီးရင့်ခဲ့ပါ။

ရာစုဝက်လုံးလုံး တက္ကသိုလ်ရဲ့ မျှော်မှန်းချက် (Vision)၊ ဦးတည်ချက် (Mission)၊ ရည်ရွယ်ချက် (Objectives) ဘယ်လမ်းကြောင်းနှင့် ချီတက်မယ်ဆိုတဲ့ မဟာဗျူဟာ (Strategic Plan)၊ ဆိုတာမသိ၊ ဘယ်လိုအကောင်းဆုံး ဆောင်ရွက်မယ်ဆိုတဲ့ နည်းဗျူဟာ (Action Plan) လည်းမရှိ၊ အထက်က ညွှန်ကြားရင်လုပ်၊ အထက်ကလည်း နှစ် (၃၀) စီမံချက်ဆိုတာတော့ ရှိပါတယ်။ ပညာရှင်တွေရဲ့ စနစ် တကျသုံးသပ်ပြီး ကောက်ချက်ဆွဲမှုကို အခြေခံပြီးလုပ်ထားတဲ့ စီမံချက်မဟုတ်တော့ မအောင်မြင်ပါ။ နောက်ဆုံးမှာတော့ မြန်မာ့တက္ကသိုလ် ပညာရေးနိမ့်ကျသွားတဲ့ အဆင့်ဆီရောက်ပါပြီ။

ဒါတွေကြောင့် ယနေ့တော့ တက္ကသိုလ်ပညာရေး ပြုပြင်ပြောင်းလဲဖို့လုပ်နေပါပြီ။ မကြာသောကာလ အတွင်းမှာ တက္ကသိုလ်တွေဟာ လွတ်လပ်စွာ စီမံခန့်ခွဲခွင့်ရ (autonomy) ပါတော့မယ်။ လွတ်လပ်စွာ စီမံခန့်ခွဲခွင့်ရရင် ပါမောက္ခချုပ်တွေ၊ ပါမောက္ခတွေ၊ ဆရာ/ဆရာမတွေဟာ အခုလိုမှိန်းပြီး မတိုးတက် ပေမဲ့ လစာတော့မပူပင်ရတာမျိုး နေလို့မရတော့ပါ။ ပါမောက္ခချုပ်ရဲ့ ရာထူးဟာလည်း ယနေ့အစိုးရ အဖွဲ့ရဲ့သက်တမ်းလို ကာလတစ်ခုအထိသာ ထမ်းဆောင်ရမှာပါ။ ပါမောက္ခတွေ သုတေသနမလုပ်ရင် ဆက်လက်တည်မြဲဖို့ ခဲယဉ်းပါလိမ့်မယ်။ အဲဒီအချိန်ကျရင် ပါမောက္ခချုပ်၊ ပါမောက္ခအပါအဝင် တက္ကသိုလ်က ဝန်ထမ်းတွေဟာ အစိုးရဝန်ထမ်းမဟုတ်တော့ပါ။ တက္ကသိုလ်ရဲ့ ဝန်ထမ်းပါ။ အဖွဲ့ အစည်းရဲ့ဝန်ထမ်းပါ။ ယခင်ကသမဝါယမအသင်းတွေရဲ့ ဝန်ထမ်းမျိုး၊ ယနေ့ကုမ္ပဏီ ဝန်ထမ်းလိုမျိုးပါ။ အဲဒီတော့ မကြိုးစားရင် ဆက်ခန့်မှာမဟုတ်ပါ။ ပြီးတော့ ဆရာ/ဆရာမဟာ ယနေ့လိုအသင်အပြ ကောင်းကောင်း မကောင်းကောင်း သင်နေလို့မရပါ။ ကျောင်းသားရဲ့ဆန္ဒကို ယူရပါလိမ့်မယ်။ တစ်နေ့ ကအာရှဖွံ့ဖြိုးရေးဘဏ်ရဲ့ ပါမောက္ခချုပ်တွေကို မေးတဲ့မေးခွန်းထဲမှာတောင် 'ဆရာ/ဆရာမရဲ့ သင် ကြားမှုကို ကျောင်းသားရဲ့ ဆန္ဒခံယူမှုများရှိပါသလား' ဆိုတဲ့ မေးခွန်းပါနေပါတယ်။ နိုင်ငံတကာမှာ သုံးနေတာကြာပါပြီ။ ကျောင်းသားက မကြိုက်ရင်တော့ အဲ့ဒီဆရာ/ဆရာမကိုလဲ ပေးရပါလိမ့်မယ်။ ဒါ့ကြောင့်မို့ အလုပ်တည်မြဲဖို့အတွက် ဆရာ/ဆရာမဟာ အရည်အသွေးရှိပြီး အသင်အပြ ကောင်းရပါ လိမ့်မယ်။

နောက်တစ်ခုက ပါမောက္ခချုပ်နှင့် ပါမောက္ခများကလည်း 'ဘဏ္ဍာငွေရှာနိုင်စွမ်းရှိကြပါလိမ့်မယ်။ တက္ကသိုလ်ဆိုတာ သုတေသနဖွံ့ဖြိုးနေရမှာမို့ အဲဒီအတွက် ရံပုံငွေလိုပါတယ်။ စီးပွားရေးအဖွဲ့အ စည်းများ၊ သုတေသန ရံပုံငွေပေးသည့် အဖွဲ့အစည်းများ၊ အခြားတက္ကသိုလ်များ၊ အစိုးရအဖွဲ့အစည်း များထံမှ သုတေသနဆောင်ရွက်ခြင်းကို ရံပုံငွေရယူ၍ ဆောင်ရွက်ရပါမယ်။ ထို့အပြင် တက္ကသိုလ်ရဲ့ အသုံးစရိတ်ဟာ ယခုလိုနိုင်ငံတော် ဘတ်ဂျက်က ချပေးတာကို လက်ဝေခံသုံးနေ၍ မရပါ။ အော်တို နော်မတ် တက္ကသိုလ်ဖြစ်လာရင် 'ဘတ်ဂျက်' အစား 'ရန်ပုံငွေ' သာ ချပေးပါလိမ့်မယ်။ ယခုလို လောက် ချင်မှလောက်တော့မှာပါ။ လောက်ချင်လည်း လောက်ပါမည်။ သို့သော် ပိုသုံးချင်လျှင် 'ဒေသအစိုးရ' (သို့) အလှူရှင်များ (သို့) ကျောင်းသားဟောင်းများထံမှ ကျိုးကြောင်းခိုင်လုံစွာ တောင်းခံတတ်ရပါလိမ့် မယ်။

အဲဒီနည်းတူ တက္ကသိုလ်ရှင်သန်ရေးအတွက် အရေးကြီးဆုံးက မိမိတက္ကသိုလ်မှာ ပညာသင်ချင်တဲ့ သူများလာအောင်နှင့် နောက်ဆုံးတွင် မိမိတက္ကသိုလ်မှာ အလုအယက်ကျောင်းတက်လိုသူတွေများပြီး ကျောင်းသားအရေအတွက် ကန့်သတ်နိုင်သည်အထိ ကြိုးပမ်းရပါလိမ့်မည်။ အခုလို ဟိုမြို့နယ်၊ ဒီမြို့နယ်က 'ဒီတက္ကသိုလ်'၊ 'ဟိုတက္ကသိုလ်' သာတက်ရပါမယ်ဆိုတဲ့ ညွှန်ကြားချက်မျိုးဖြင့် ကန့်သတ် တာမရှိတော့ပါ။ အဲဒီအခါကျရင် ကျောင်းသားက သူဘယ်ကျောင်းတက်ချင်တယ်ဆိုတာ ရွေးပါလိမ့် မယ်။ ညံ့တယ်လို့အသံထွက်တဲ့ ကျောင်း၊ အိမ်နဲ့နီးတဲ့ ကျောင်း၊ သွားရေးလာရေးခက်ခဲတဲ့ မြို့ပြင်က ကျောင်းတွေကို ရွေးချင်မှရွေးချယ်ပါလိမ့်မည်။ ပြီးတော့ အဆင့်အတန်းရှိရှိ အဆောင်နေခွင့်၊ သွားရေး လာရေးလွယ်ကူမှု၊ ပြီးတော့ ကျောင်းရဲ့ဥပဓိရုပ်ခန့်ညားမှုနှင့် ကျောင်းဝန်းကျင်ရဲ့ သာယာစိုပြည်မှု (ယနေ့ကမ္ဘာ့တက္ကသိုလ်များကို အဆင့်ခွဲတဲ့နေရာမှာ ပါဝင်တဲ့အချက်တစ်ချက်က 'စိမ်းလန်းစိုပြည်မှု' လည်းပါတယ်) စတာတွေကြည့်ပြီး ရွေးပါလိမ့်မယ်။ အဲဒီအခါမှာ အရည်အသွေးက အဓိကပါ။ အရည် အသွေးမြင့်ရင် အလုပ်ရှင်က လက်ခံမယ်။ ဒါဆိုအဲဒီကျောင်းကို ကျောင်းသားတွေက ရွေးပါမယ်။ အရည်အသွေးရော ကျောင်းရဲ့ဝန်းကျင်က ပျော်မွေ့ဖွယ်ဖြစ်နေရင် ကျောင်းသားလာပါလိမ့်မယ်။ အဲဒီ အတွက် မိမိကျောင်းကို သိအောင်၊ ဂုဏ်သတင်းမွှေးအောင် လက်ကမ်းစာစောင်ဖြင့် ကြော်ငြာရမယ်။ website တွေဖွင့်ထားရမယ်။

လွတ်လပ်စွာ စီမံခန့်ခွဲရရင်တော့ ကိုယ့်တက္ကသိုလ်မှာ ဌာနတွေတိုးချဲ့ပါလိမ့်မယ်။ မိမိဝန်းကျင်ရဲ့ တောင်းဆိုချက်အရ တက္ကသိုလ်တည်ရာအနေအထား၊ ဘဏ္ဍာငွေတောင့်တင်းမှု၊ ပညာရှင်ရှိမှုပေါ် မူတည်ပြီး လက်ရှိပို့ချနေတဲ့ ပညာရပ်တွေအပြင် နောက်ထပ်တိုးချဲ့ဖွင့်လှစ်နိုင်ရင် ဖွင့်ကြပါမယ်။ အရင်တုန်းကတော့ အစိုးရရဲ့ပညာရေးမူဝါဒကြောင့် ဒီတက္ကသိုလ်က 'ဆေးပညာ'၊ ဟိုတက္ကသိုလ်က 'အင်ဂျင်နီယာ'၊ 'စီးပွားရေးပညာ'၊ 'အနုပညာ'၊ 'စိုက်ပျိုးရေးပညာ'၊ 'သစ်တောပညာ'၊ 'သမဝါယမ'၊ 'ရေကြောင်းပညာ'၊ 'ပညာရေး'၊ 'အာကာသ'၊ 'ကွန်ပျူတာ'၊ 'ဝိဇ္ဇာသိပ္ပံ' စသည်ဖြင့် အထူးပြုတစ်ခုကို တက္ကသိုလ်တစ်ခု ဖွင့်ခဲ့ပါတယ်။ တကယ်တော့ တက္ကသိုလ်ဆိုတာ 'ပညာရပ်စုံ' သင်နိုင်ရပါမယ်။ Comprehensive University ပါ။ အဲဒီဘက်ကို ပြန်ပြောင်းကြပါလိမ့်မယ်။ ဥပမာ-ရန်ကုန် တက္ကသိုလ် မှာ ယနေ့ထိတော့ ဝိဇ္ဇာသိပ္ပံပညာရပ်တွေသာ ဖွင့်ပါတယ်။ ယခင်တုန်းကတော့ (၁၉၆၄ ခုနှစ်မတိုင်မီ ထိ) ရန်ကုန်တက္ကသိုလ်မှာ 'ဆေး'၊ 'အင်ဂျင်နီယာ'၊ 'ပညာရေး'၊ မဟာဌာနများ ရှိခဲ့ပါတယ်။ ယခုပြန်ဖွင့် ချင်ဖွင့်ပါမယ်။ တက္ကသိုလ်ရဲ့ တည်နေပုံအနေအထားအရ ဥပမာအားဖြင့် စီးပွားရေးပညာ မဟာဌာန ဖွင့်ခဲ့ရင် မြို့စွန်မှာရှိတဲ့ 'ဟိုရွာသစ်ကြီး' ကိုဘယ်သူသွားတက်မှာလဲ။ နဂိုက ဂုဏ်ရှိန်မြင့်ပြီးသား၊ သွားရ လာရလွယ်ကူတာရယ်၊ အဆောင်တွေက အသင့်အနေအထားကြောင့် ရန်ကုန်တက္ကသိုလ်ဆီပိုတက်ဖို့ အခွင့်အရေးများနေပါပြီ။ ထို့အတူမန္တလေးတက္ကသိုလ်မှာ အဲဒီစီးပွားရေးမဟာဌာန ဖွင့်ခဲ့ရင်လည်း မြို့စွန်နှစ်ခုမှာရှိတဲ့ မုံရွာနှင့် မိတ္ထီလာစီးပွားရေးတက္ကသိုလ် နှစ်ခုရှင်သန်ရေးဟာ အင်မတန်ခဲယဉ်းနေပါ ပြီ။ ထို့အတူ ဝိဇ္ဖာသိပ္ပံဘာသာရပ်တွေရဲ့ ဘွဲ့ကြိုတန်းတွေ ရန်ကုန်နှင့် မန္တလေးတက္ကသိုလ်မှာသာဖွင့်ခဲ့ ရင်အညာက 'ရတနာပုံ' နှင့် 'မန္တလာကောလိပ်'၊ ရန်ကုန်က 'ဒဂုံ'၊ 'အရှေ့ပိုင်း' နှင့် 'အနောက်ပိုင်း' တက္ကသိုလ်တို့ရဲ့ ဆက်လက်ရပ်တည်ရေးဟာ အတော်ခဲယဉ်းသွားပါလိမ့်မယ်။

အဲဒီအထဲမှာမှ ရှင်သန်ဖို့ အခဲယဉ်းဆုံးတက္ကသိုလ်နှစ်ခုကတော့ ရန်ကုန်နှင့် မန္တလေးအဝေးသင် တက္ကသိုလ်နှစ်ခုပါဘဲ။ သူတို့ကိုယ်တိုင်ဘာမှ သင်ပေး၊ စာစဉ်ထုတ်ပေး၊ စာစဉ်စစ်ဆေးသူမရှိ၊ စာမေးပွဲ စစ်ဆေးခြင်းမရှိ၊ တခြားတက္ကသိုလ်ကောလိပ်တွေမှာ ဌာနခွဲတွေဖွင့်ပြီး သူတို့အလုပ်တွေကို လုပ်ခိုင်း နေကြပါတယ်။ အော်တိုနီမတ် တက္ကသိုလ်တွေဖြစ်လာရင် ခုနနယ်မြေခွဲဖွင့်ထားတဲ့ တက္ကသိုလ်တွေက ဘယ်အဖွင့်ခံတော့မှာလဲ။ မိမိတက္ကသိုလ်ရဲ့ ကိုယ်ပိုင်အဝေးသင်ဌာနဖွင့်ပြီး သင်ကြမှာပါ။ ဝင်ငွေကို လည်း အခုလိုတစ်ပြားတစ်ချပ်မှမရတဲ့အလုပ်ကို ညွှန်ကြားချက်ကြောင့်သာ ကိုယ့်ထမင်းကိုယ်စားပြီး ဘကြီးနွားကျောင်းနေကြတာပါ။ ဗဟိုချုပ်ကိုင်မှုကြောင့်သာ လုပ်ကြရတာပါ။ အဲဒီလိုဖြစ်လာရင် ကျောင်းသားလက်ကိုင်မရှိ၊ ဆရာလုံလောက်မှုမရှိ၊ သင်ထောက်ကူ ပစ္စည်းဝေးတဲ့အဲဒီတက္ကသိုလ် နှစ်ခုမှာ ဘယ်လိုရပ်တည်ကြမလဲ။ သူတို့လိုပဲ ဖွံ့ဖြိုးရေးဇုံများဟု အမည်တပ်ပြီး ဆောက်ထားကြတဲ့ နည်းပညာတက္ကသိုလ်တွေ၊ ကွန်ပျူတာတက္ကသိုလ်တွေရဲ့ ရှင်သန်ရေးဟာလည်း ရင်လေးစရာပါဘဲ။

ဒါတွေအားလုံးဟာ ဗဟိုချုပ်ကိုင်မှုကိုသာ အလေးပေးခဲ့တဲ့ တက္ကသိုလ်ပညာရေးရဲ့ ကြုံတွေ့နေရသည့် ပြဿနာတွေပါ။ အရှည်မျှော်တွေးပြီး မလုပ်ခဲ့တဲ့အကျိုးပါ။ ဒါကိုမှေးလိုက်ပြီး မပြောင်းလဲချင်တဲ့ သူတွေလည်းအများကြီး ရှိဆဲပါ။ လွန်ခဲ့တဲ့ (၁၀) စု (၂) ခုလောက်က အရှေ့ဥရောပမှာ ကြုံခဲ့ပါပြီ။ မရွေ့လိုတဲ့သူတွေနှင့် ခေတ်မီပြောင်းလဲသူတို့အကြား လွန်ဆွဲပွဲတွေ ပြင်းထန်ခဲ့ပါတယ်။ နောက်ဆုံး တော့ နိုင်ငံတကာအဆင့်မြင့်ပညာရေး ရေးစီးကြောင်းအတိုင်း သွားမည့်သူတွေက အောင်ပွဲခံခဲ့ပြီး ခေတ်ကိုကြိုမြင်နိုင်စွမ်း မရှိသူတွေက 'တက္ကသိုလ်ပြင်ပ' ကိုရောက်ခဲ့ကြပါတယ်။ အဲဒါကို မြန်မာ့ အဆင့်မြင့်ပညာရေးမှာ တာဝန်ရှိသူတွေ သင်ခန်းစာယူသင့်ပါပြီ။ ကမ္ဘာ့အဆင့်မြင့်ပညာအရွေ့မှာ မြန်မာ့တက္ကသိုလ်တွေ လိုက်ရွေ့ပါမှ ဆက်လက်ရှင်သန်မှာလို့ သတိပေးလိုက်ပါတယ်။

The Politics Journal

No.23, Dec.5, 2013

Powered by Bullraider.com