ပညာမြှင့်စို့

http://www.mmbiztoday.com/sites/mmbiztoday.com/files/field/image/Education%20myanmar%20student%20business%20today.jpg

အခြေခံပညာကျောင်းများသည် ဇွန်လ ၁ ရက်ကျောင်းဖွင့်သည့်လမှစတင်ကာ ပညာရေးဝန်ကြီးဌာန က လမ်းညွှန်ထားသော ပညာရေးပြက္ခဒိန်နှင့်အညီ ဆောင်ရွက်ကြရသည်။

ဇွန်လတွင် မိမိကျောင်း၌ဖွဲ့စည်းထာသော မိဘဆရာအသင်းနှင့် ကျောင်းအကျိုးတော်ဆောင် အဖွဲ့ များအစည်းအဝေးပြုလုပ်ကြရန် ပညာရေးဝန်ကြီးဌာနက လမ်းညွှန်ထားသည်။

သက်ဆိုင်ရာရပ်ကွက်၊ ကျေးရွာရှိ မိဘဆရာအသင်းနှင့် ကျောင်းအကျိုးတော်ဆောင် အဖွဲ့များက လည်း မိမိရပ်ကွက်၊ ကျေးရွာရှိကျောင်းများ တိုးတက်ကောင်းမွန်အောင် ဒေသခံမိဘပြည်သူများ ကူညီ ပံ့ပိုးပေးရန် တာဝန်ရှိသည်ဟု ခံယူလျက်မိမိရပ်ကွက်၊ ကျေးရွာရှိကျောင်း၏ လိုအပ်ချက်တို့ကို ဆောင် ရွက်ပေးလေ့ရှိကြပါသည်။

အခြေခံပညာကျောင်းများသည် ဇွန်လအတွင်းမှာပင် ကျောင်းကောင်စီကို ဖွဲ့စည်းဆောင်ရွက်ကြရ သည်။ ကျောင်းကောင်စီဖွဲ့စည်းရာတွင် ဒီမိုကရေစီကျင့်စဉ်များနှင့်အညီ ဆောင်ရွက်ကြရန် ယနေ့ပြည် ထောင်စုသမ္မတ မြန်မာနိုင်ငံတော်အစိုးရက ညွှန်ကြားထားသည်။

ကျောင်းသား၊ ကျောင်းသူများထဲမှ အသင်းခေါင်းဆောင်များ ရွေးချယ်ရာတွင် ဒီမိုကရေစီနည်းကျကျ ရွေးချယ်တင်မြှောက်မှုဆိုင်ရာ စည်းမျဉ်းစည်းကမ်းနှင့်အညီ မဲပေးသောစနစ်ကိုသုံးကာ ရွေးချယ်တင် မြှောက်ကြရန်ကိုလည်း လမ်းညွှန်ထားသည်။

ဒီမိုကရေစီစနစ်၏ အနှစ်ချုပ်အခြေခံအချက်မှာ လွတ်လပ်စွာတွေးဆ၊ ပြောဆို၊ ရေးသား၊ သဘောထား ဆန္ဒထုတ်ဖော်ခွင့်၊ ရွေးချယ်ခွင့်များ အပြည့်အဝရှိပါသည်။ သို့သော်အများစုက သဘောတူညီစွာ ရွေး ချယ်ချမှတ်ပြဋ္ဌာန်းထားသည်တို့ကို လိုက်နာကြရပါမည်။ အနည်းစု၏သဘောထားဆန္ဒကိုလည်း လေး စားအသိအမှတ်ပြုရပါမည်။ အများစုက သတ်မှတ်ထားသည့် လုပ်ငန်းများကို မိမိအကြိုက်နှင့်မကိုက် ညီသော်လည်း လိုက်နာပါဝင်ဆောင်ရွက်ကြရပါမည်။

ထိုဒီမိုကရေစီကျင့်စဉ်ကို ကျောင်းတွင်းရှိဆရာက ဦးစွာကျင့်ဆောင်ပြုမူသူဖြစ်ရပါမည်။ ဆရာ၏ နမူနာ သည်တပည့်များအား ဒီမိုကရေစီ အလေ့အကျင့်နှင့်ပညာကို သင်ကြားပြသရမည် ဖြစ်ပါသည်။ ဆရာ နှင့်တပည့်ပါလိုက်နာကျင့်ကြံဆောင်ရွက်မှုရှိကြရန် နိုင်ငံတော်မှ တာဝန်ရှိပုဂ္ဂိုလ်များက ညွှန်ကြားထား ပါသည်။

ကျောင်းကောင်စီဖွဲ့စည်း ဆောင်ရွက်စေခြင်း၏ ရည်ရွယ်ချက်များကိုလည်း ချမှတ်ပေးထားသည်။

(က)    အခြေခံပညာကျောင်းများ၌ ကျောင်းကောင်စီကို ဒီမိုကရေစီနည်းကျရွေးချယ်တင်မြှောက်မှု ဆိုင်ရာ စည်းမျဉ်းစည်းကမ်းများနှင့်အညီ ဖွဲ့စည်းဆောင်ရွက်နိုင်ရန်။

(ခ)     ကောင်းမွန်သာယာညီညာပျော်ရွှင်တိုးတက်ဖွံ့ဖြိုးသော ကျောင်းတစ်ကျောင်းဖြစ်လာစေရန်။

(ဂ)     ဒီမိုကရေစီကျင့်စဉ်နှင့်အညီ မှန်ကန်သော အတွေးအခေါ် အကျင့်အကြံ၊ အပြုအမူအပြောအ ဆို၊ အနေအထိုင်စသည့်ကောင်းမွန်သော အလေ့အထများရရှိထွန်းကားလာစေရန်။

(ဃ)    ကျောင်းသား၊ ကျောင်းသူတစ်ဦးစီရှိ အထုံဗီဇဝါသနာကို ပျိုးထောင်လေ့ကျင့်အားပေးရန်။

(င)     အသင်းအတွင်းတစ်ဦးချင်းတွင်ဖြစ်စေ၊ အသင်းအချင်းချင်းဖြစ်စေ ကြုံတွေ့ရသည့် အခက်အခဲ ပြဿနာများကို စုပေါင်းညှိနှိုင်းဖြေရှင်း ဆောင်ရွက်တတ်ကြစေရန်တို့ဖြစ်ပါသည်။

ကျောင်းကောင်စီသည် နိုင်ငံတော်၏ အခြေခံပညာရေးမူဝါဒအရ ကျောင်းသင်ပညာရေးဖြစ်စဉ်တွင် ကျောင်းနှင့်တကွ ဆရာ၊ ဆရာမများ၊ ကျောင်းသား၊ ကျောင်းသူများ ဖွံ့ဖြိုးတိုးတက်ရေး၊ ကျောင်းလုပ် ငန်းများဆောင်ရွက်ရေးဟူ၍ ခံယူကြရန်ဖြစ်သည်။

ကျောင်းကောင်စီအသင်းများဖြစ်ကြသော (၁) အနော်ရထာ (လိမ္မော်)၊ (၂) ကျန်စစ်သား (အဝါ)၊ (၃)ျ ဘုရင့်နောင် (အစိမ်း)၊ (၄) အလောင်းမင်းတရား (အနီ)၊ (၅) ဗန္ဓုလ (အပြာ) အသင်းတို့သည် တစ်သင်းနှင့်တစ်သင်း အပြိုင်အဆိုင်ယှဉ်ပြိုင်ကာ ဆောင်ရွက်ကြရသည်။

ယှဉ်ပြိုင်ရာတွင် တစ်ကိုယ်ရေသန့်ရှင်းမှု၊ အတန်းသန့်ရှင်းမှု၊ ကျောင်းဆောင်နှင့်ကျောင်းဝင်းသန့်ရှင်းမှု၊ စာပေကြိုးစားထူးချွန်မှု၊ တစ်ဦးနှင့်တစ်ဦး ကူညီဆောင်ရွက်ကာ လက်တွဲခေါ်ဆောင်မှု၊ ပရဟိတလူမှု ရေး အသိစိတ်ဓာတ်ရှိမှုစသည်တို့ကို ယှဉ်ပြိုင်ကြရသည်။ တရားသဖြင့် နည်းလမ်းကျသော ယှဉ်ပြိုင် ကြရသည်။ တရားသဖြင့် နည်းလမ်းကျသော ယှဉ်ပြိုင်မှုဖြစ်စေရန် ဆရာ၊ ဆရာမများက ကြပ်ကြပ် မတ်မတ်နှင့် တည့်မတ်ပေးကြရမည် ဖြစ်၏။

ကျောင်းသား၊ ကျောင်းသူများကို ထိုကဲ့သို့ဆောင်ရွက်စေခြင်းဖြင့် လူတစ်ဦးနှင့်တစ်ဦး ပေါင်းသင်း ဆက်ဆံတတ်လာစေခြင်း၊ ဘုရားပန်းတင်၊ ရေခပ်၊ တံမြက်စည်းလှည်းစသည့်အောက်ခြေသိမ်းလုပ် ငန်း ကိစ္စအဝဝဆောင်ရွက်လုပ်ကိုင်တတ်လာစေခြင်း၊ အများအကျိုးဆောင်ရွက်တတ်လာစေခြင်း စသည့်အလေ့အကျင့်ကောင်းတို့ ရရှိစေမည်ဖြစ်သည်။

အခြေခံပညာကျောင်းများသည် ‘စာကိုလည်းသင်၊ လူကိုလည်းပြင်’ ဆောင်ပုဒ်နှင့်အညီ ဆောင်ရွက် ကြရန်၊ နိုင်ငံတော်၏ လူသားအရင်းအမြစ်များကို စိတ်ဓာတ်၊ စည်းကမ်း၊ ပညာပြည့်ဝသော၊ ဘက်စုံ ထူးချွန်သော လူငယ်များမွေးထုတ်ပေးနိုင်ရန် ပညာရေးဝန်ကြီးဌာန၏ လမ်းညွှန်ချက်တို့နှင့်အညီ ဆောင်ရွက်ကြရသည်။

ထိုသို့သောအခြေခံပညာကျောင်းများ ဆောင်ရွက်လုပ်ကိုင်နေရပုံ တစေ့တစောင်းတင်ပြပြီးဖြစ်၍ ယနေ့ကျောင်းသားမိဘများ၏ ပညာရေးနှင့်ပတ်သက်ပြီး ခံယူချက်နှင့်သဘောထားအမြင်အချို့ကို လည်း ဖော်ပြရေးသားလိုပါသည်။

အခြေခံပညာကျောင်းများက သင်ရိုးဝင်ဘာသာရပ်များအပြင် ကလေးများ၏စိတ်ပိုင်းဆိုင်ရာ ဖွံ့ဖြိုးတိုး တက်စေရေး၊ ပန်းချီ၊ ဂီတ၊ ရသ၊ စာရိတ္တနှင့်ပြည်သူ့နီတိ၊ ဘဝတွက်တာကျွမ်းကျင်စရာ ဘာသာရပ်၊ ကျန်းမာကြံ့ခိုင်ရန် ကာယပညာဘာသာရပ်စသည့် တွဲဖက်သင်ရိုးဝင်ဘာသာရပ်များကိုလည်း သင် ကြားကြရသည်။

ကျောင်းကောင်စီအသင်း လုပ်ငန်းများကို ဆောင်ရွက်ရခြင်းဖြင့် စုပေါင်းဆောင်ရွက်တတ်သော၊ စုပေါင်းခေါင်းဆောင်တတ်သော အသိပညာများရရှိစေသည့်အပြင် စိတ်ဓာတ်များပါ ရင့်ကျက်ခိုင်မာ လာစေပါသည်။

ထို့ပြင်နိုင်ငံတော်က ဆောင်ရွက်သောပွဲများ၊ ပြည်နယ်၊ တိုင်းဒေသကြီးက ဆောင်ရွက်သောပွဲများတွင် လည်း ပါဝင်ချီတက်ဆောင်ရွက်ကြရသည်လည်း ရှိသည်။ ဤသို့ဆောင်ရွက်ရခြင်းဖြင့် နိုင်ငံချစ်စိတ်၊ မျိုးချစ်စိတ်နှင့်တိုင်းပြည်နှင့် လူမျိုးအကျိုးသယ်ပိုး ဆောင်ရွက်လိုစိတ်တို့ ကိန်းအောင်းစေသည့်အပြင် ကျောင်းသား၊ ကျောင်းသူများအတွက် အကြားအမြင်ဗဟုသုတများလည်း တိုးပွားရရှိစေပါသည်။

သို့အတွက် မိမိသားငယ်၊ သမီးငယ်များကို အခြေခံပညာကျောင်းမှာပဲထားပါဟု ကျွန်တော်က ဆွေမျိုး သားချင်းရင်းချာများကို တရားဟောခဲ့ဖူးသည်။ သို့သော် မအောင်မြင်ခဲ့ပါ။ တက္ကသိုလ်ဝင်စာမေးပွဲမှာ အမှတ်ကောင်းကောင်း၊ ဂုဏ်ထူးများများဖြင့် အောင်ဖို့ကအဓိကကျသည်။ အခြေခံပညာကျောင်းက အပိုအလုပ်တွေများလှသည်။ ပုဂ္ဂလိကကျောင်းများကိုမမီနိုင်၊ ပုဂ္ဂလိကကျောင်းကသာ စာမေးပွဲတွင် အမှတ်ကောင်းကောင်းဖြင့် အောင်ရန်ဆောင်ရွက်ပေးနိုင်သည်ဟု သဘောပေါက်နားလည်ခံယူလျက် ပုဂ္ဂလိကကျောင်းကို သွားရောက်အပ်နှံကြသည်။

ကျွန်ုပ်တို့၏မိတ်ဆွေအပေါင်းအသင်းများနှင့် တပည့်များကလည်း သူတို့သားသမီးများကို ကိုယ်ပိုင် ကျောင်းများတွင်သာ အပ်နှံကြသည်။ ပိုဆိုးသည်မှာ အခြေခံပညာကျောင်းများတွင် တာဝန်ထမ်း ဆောင်နေကြသော ဆရာ၊ ဆရာမအချို့ကပင် မိမိသားသမီးများကို မိမိကျောင်းတွင်မထားဘဲ ကိုယ် ပိုင်ကျောင်းတွင် အပ်နှံနေကြပြီဖြစ်သည်။

အမှန်တကယ်လည်း ကိုယ်ပိုင်ကျောင်းများကသာလျှင် အောင်ချက်အကောင်းဆုံး၊ ဂုဏ်ထူးအများဆုံး ရရှိသည်ကို ထင်ရှားစွာတွေ့နေရပေသည်။

သို့ဆိုလျှင် အခြေခံပညာကျောင်းများက ဆရာ၊ ဆရာမများအရည်အသွေးညံ့၍ လော၊ သင်ကြားရေး မှာစေတနာ၊ မေတ္တာနှင့်ကြိုးစားမသင်လော၊ ကိုယ်ပိုင်ကျောင်းနှင့် အပြိုင်မသင်ကြားနိုင်၍လော ဟူ သောအတွေးများ၊ အပြောများ အမျိုးမျိုးကို မိဘပြည်သူများထံမှ ကြားနေကြရပါသည်။

အမှန်တကယ်ဖြစ်ရပ်မှန်မှာ အခြေခံပညာကျောင်းများသည် ပညာရေးဝန်ကြီးဌာန၏ လမ်းညွှန်ချက်နှင့် အညီ သင်ကြားဆောင်ရွက်နေကြရသည်။ စာမေးပွဲဖြေဆိုရမည့် ဘာသာရပ်တစ်ခုတည်းကိုသာ အဓိ ကထားမသင်ကြားရသည်လည်း အကြောင်းရင်းတစ်ရပ်ဖြစ်ပေသည်။

‘အခြားကျောင်းနှင့် ယှဉ်ပြိုင်ပါက တို့ကျောင်းအောက်တန်းမကျအောင် သင်မှဖြစ်မယ်။ စေတနာ မေတ္တာကြိုးစားသင်မှ အကျိုးလည်းရှိ၊ ပီတိလည်းဖြစ်ရမှာ’ ဟုခံယူကာအလုပ်ကို ကြိုးစားဆောင်ရွက် နေကြသော တာဝန်သိဆရာ၊ ဆရာမများလည်း အခြေခံပညာကျောင်းများတွင် များစွာရှိနေသကဲ့သို့ အခြေခံပညာကျောင်းက အချို့အချို့သော ဆရာ၊ ဆရာမတို့သည် အချိန်တန်လစာရမှာပဲဟု ပေါ့ပေါ့ တန်တန်သဘောထားနေကြသူတို့လည်း ရှိနေပါသည်။ ဆွမ်းဆန်ထဲကြွက်ချေးရောနေသည်လည်း ရှိပါသည်။ ကိုယ်ပိုင်ကျောင်းမှာ ဆွမ်းဆန်ထဲ ကြွက်ချေးတွေ့ရှိပါက ထိုကြွက်ချေးကို ကိုယ်ပိုင်ကျောင်း တည်ထောင်သူ (သို့) ကိုယ်ပိုင်ကျောင်း ကျောင်းအုပ်ကြီးက အချိန်မရွေးနည်းလမ်းမျိုးစုံဖြင့် အရေးယူ ဆောင်ရွက်ပိုင်ခွင့်ရှိသဖြင့် ဆရာ၊ ဆရာမတို့သည် ပေါ့ပေါ့တန်တန် နေထိုင်ပြုမူရဲမည်မဟုတ်ပေ။

ပုဂ္ဂလိက ကိုယ်ပိုင်ကျောင်းများသည် အခြေခံပညာကျောင်းများကဲ့ာသို့ ‘ဘင်ခရာထဲပါရ၊ အကထဲပါရ၊ ဟိုချီတက်ပွဲ၊ ဒီချီတက်ပွဲသွားရ’ စသည့် ဗာဟီရကိစ္စမများသည်ကလည်း စာမေးပွဲမှာ အခြေခံပညာ ကျောင်းများထက်သာစေသော အကြောင်းတစ်ရပ်ဖြစ်စေပါသည်။

လွန်ခဲ့သောနေ့က မိဘတစ်ဦးပြောပြခဲ့သည်ကို ဖောက်သည်ချလိုပါသည်။

‘အခြေခံပညာကျောင်းတစ်ကျောင်းက ဘက်စုံထူးချွန်လူရည်ချွန်ရခဲ့တဲ့ကလေး၊ တက္ကသိုလ်ဝင်စာမေး ပွဲအောင်တော့ အောင်ပါရဲ့၊ ဆေးတက္ကသိုလ်တက်နိုင်လောက်တဲ့ အမှတ်မရရှာဘူးတဲ့ကွာ’ ဟု သိခဲ့ရ သည်။

ဘက်စုံထူးချွန်လူရည်ချွန်ရရှိခြင်းက တန်ဖိုးကြီးသည်လော၊ ဆေးတက္ကသိုလ်တက်ခွင့်ရသည်က တန်ဖိုးကြီးသည်လော။

အကယ်၍ ဘက်စုံထူးချွန်လူရည်ချွန်ရရှိအောင် ကြိုးစားခဲ့သောကလေးသည် ဆရာဝန်အလုပ်ကို ဝါ သနာပါလျက် ဆေးတက္ကသိုလ်တက်ခွင့်မရပါက ထိုကလေးအတွက် အများကြီးနစ်နာဆုံးရှုံးမှုဖြစ်သွား မည်ဖြစ်၏။

နိုင်ငံတော်အစိုးရက အခြေခံပညာကျောင်းများကို ညွှန်ကြားထားသည်မှာ စိတ်ဓာတ်၊ စည်းကမ်း၊ ပညာပြည့်ဝသော ဘက်စုံထူးချွန် လူရည်ချွန်၊ လူရည်မွန်များဖြစ်ပေါ်လာအောင် ဆောင်ရွက်ပေးရမည် ဟူ၍ဖြစ်၏။

ဗလငါးတန်နှင့်ပြည့်စုံသော ဘက်စုံထူးချွန်သည့် လူသားအရင်းအမြစ်များကို အဓိကထားဆောင်ရွက် ပေးခြင်းသည် အဓိကကျသလော။ ဆေးတက္ကသိုလ်တက်ခွင့်ရသည်အထိ စာပေထူးချွန်သူဖြစ်အောင် ဆောင်ရွက်ပေးခြင်းသည်သာ အဓိကကျသလော။ နှိုင်းနှိုင်းချိန်ချိန်စဉ်းစားဆင်ခြင်စရာ ဖြစ်လာပါ သည်။

ကျောင်းသားမိဘများကို မေးမြန်းဆွေးနွေးမည်ဆိုပါက ‘ဘက်စုံးထူးချွန်လူရည်ချွန်ဖြစ်ဖို့ထက် ဆေး တက္ကသိုလ်တက်ခွင့်ရလောက်အောင် ပညာထူးချွန်ဖို့က အဓိကကျပါသည်’ ဟု မိဘအများစုက ဖြေ ကြားကြပေလိမ့်မည်။ အဘယ်သို့သောဆောင်ရွက်ခြင်းသည် အကောင်းမြတ်ဆုံးဖြစ်မည်နည်း။ နိုင်ငံ တော်၏ရှေ့ရေးကို မြော်တွေးကာကောင်းမြတ်သော လမ်းကြောင်းမှန်ပေါ်သို့ရောက်ရှိလာစေရန် တာဝန်ရှိပုဂ္ဂိုလ်များအနေဖြင့် အမြန်ဆုံးနှင့် အကောင်းဆုံးဖြစ်အောင် ပြုပြင်ဆောင်ရွက်ပေးဖို့လိုအပ် နေပြီဖြစ်ပါကြောင်း ပညာရည်မြင့်လာစေရန် ရည်သန်လျက်တင်ပြအပ်ပါသည်။

စံတော်ချိန်သတင်းစာ

ဇွန်လ (၂၈) ရက်၊ ၂၀၁၅ ခုနှစ်

Powered by Bullraider.com