ကျောင်းဖွင့်တဲ့ တနင်္ဂနွေ

http://www.iccokia.org/shared/projects/104/myanmar9.jpg

အမှန်ကတော့ စနေ၊ တနင်္ဂနွေဆိုတာ မြန်မာနိုင်ငံပြက္ခဒိန်တွေထဲမှာ အထင်အရှားဖော်ပြထားတဲ့ အများသူငါ အလုပ်ပိတ်ရက်တွေပါ။ နိုင်ငံတကာအလုပ်သမားဥပဒေ (International Labour Law ILO) ရဲ့တရားဝင် သတ်မှတ်ချက်အရ အလုပ်သမားတစ်ယောက်၊ ဝန်ထမ်းတစ်ယောက်ရဲ့ တစ်ပတ် အလုပ်လုပ်ချိန် ၄၄ နာရီဖြစ်ပါတယ်။

တစ်နေ့အလုပ်ချိန် ရှစ်နာရီဖြစ်တဲ့အတွက် တနင်္လာကနေ သောကြာအထိ ငါးရက်လုပ်ရင် နာရီ ၄၀၊ ကျန်တဲ့လေးနာရီအတွက် စနေဟာ နေ့တစ်ဝက်။ ဒါကြောင့် ကုမ္ပဏီတွေရဲ့ အလုပ်ပိတ်ရက်ဟာ စနေ နေ့တစ်ဝက်၊ တနင်္ဂနွေအပြည့်တစ်ရက်။ နေ့ထူးနေ့မြတ်တွေမှာ ပိတ်တာကတော့ အားလုံးအတူတူ ပေါ့။ ဒါပေမဲ့ အစိုးရရုံးတွေ၊ ကျောင်းတွေကတော့ စနေနဲ့ တနင်္ဂနွေ နှစ်ရက်ဆက်တိုက် အပတ်စဉ်ပုံမှန် ပိတ်ပါတယ်။

ဝန်ကြီးဌာနတွေအလိုက် တူညီဝတ်စုံ သတ်မှတ်ထားတဲ့အတွက် ရုံးတက်ရက်တွေမှာ လူတိုင်းယူနီ ဖောင်းဝတ်ရတယ်။ ဌာနကပေးပေးမပေးပေး ဝတ်ကြရတယ်။ လုံချည်တွေ၊ ပုဆိုးတွေ၊ ဘောင်းဘီတွေ သာအရောင်ကွဲတယ်။ အင်္ကျီကတော့ များသောအားဖြင့် အဖြူရောင်။ အဲဒီလိုတစ်ပတ်လုံး အဖြူရောင် အင်္ကျီနဲ့ နှစ်ပါးသွားထားရတဲ့အတွက် ပိတ်ရက်တွေမှာ အပြင်ထွက်ရင် အရောင်လှလှ၊ ဒီဇိုင်းလှလှဝတ် စုံကိုရွေးဝတ်ကြမမြဲပဲ။ လှချင်တာကိုး။ အဲဒီလိုရက်မျိုးမှာ ယူနီဖောင်းအပြည့်နဲ့ ကျောင်းလာတက်၊ ဒါမှ မဟုတ် ဂျူတီစောင့်ရမယ်၊ ယူနီဖောင်းဝတ်ခဲ့ဆို အရမ်းစိတ်ညစ်တယ်။ ဒေါကန်တယ်။ ခေါ်တဲ့သူကို အမြင်ကတ်တယ်။ ဒီအလုပ်နဲ့ မကင်းနိုင်လွန်းလို့၊ မလွန်ဆန်နိုင်လို့သာ အမိန့်နာခံရတယ်။ ရင်ထဲမှာ သိပ်မုန်းတာ။

ကျွန်မကိုယ်တိုင် အစိုးရဝန်ထမ်းဘဝက လာခဲ့သူမို့ ကိုယ်ချင်းစာတယ်။ ကျောင်းနေစဉ်အရွယ်မှာ လည်း ဒီအတိုင်းပဲ။ ကျောင်းပိတ်ရင်အပြင်ထွက်၊ ကျူရှင်တက်ဖို့သွားရရင် အပျံစားဝတ်ချင်တာ၊ အဲဒီ ရက်မျိုး အဖြူအစိမ်းဝတ်စုံကို ယောင်လို့တောင်မကိုင်ဘူး။ ကိုင်လို့လည်း မရပါဘူး။ တစ်ပတ်လုံးဝတ် ထားသမျှ စနေ၊ တနင်္ဂနွေမှ လျှော်ဖွပ်မီးပူတိုက်ရတာ။ မိုးတွင်းဆိုပိုဆိုး၊ တော်ရုံနဲ့မခြောက်။

အဲဒီလိုကိုယ်ချင်းစာစိတ်ကြောင့် ဒီနေ့သတင်းစာတွေ၊ အင်တာနက်စာမျက်နှာတွေမှာ မြင်ရတဲ့ပုံရိပ် တွေကိုတွေ့ပြီး သနားလိုက်တာ။ ဘယ်သူမဆို နားရက်မှာနားချင်ကြရှာမှာပဲ။ ကြည့်ပါဦး၊ ကိုယ့်ဆန္ဒ ကိုဘေးချိတ်လို့ တာဝန်အရလက်ပြနေရတယ်။ သူတို့မြင်ချင်တဲ့ ဗီနိုင်းတွေကို ကိုင်ထားပေးရသေး တယ်။ စိတ်ပျက်စရာလောက။ ခေါင်းဆောင်ဆိုသူတွေ အဲဒီလောက်အတ္တမကြီးသင့်ဘူးလို့ ပြောချင်ပါ တယ်။

ယခုနှစ် ဇူလိုင် ၁၂ ရက်နေ့ဟာ တနင်္ဂနွေနေ့ပါ။ အဲဒီနေ့မှာ နိုင်ငံတော်သမ္မတကြီးဦးသိန်းစိန်က ကျောက်တန်းမြို့နယ်အပိုင် မှော်ဝန်းမြစ်ကူးတံတားကြီးဖွင့်ပွဲကို တက်တယ်။ တကယ်တော့ လမ်း ဖောက်၊ တံတားဆောက်တယ်ဆိုတာ အစိုးရအလုပ်၊ ဆောက်လုပ်ရေးဝန်ကြီးဌာနရဲ့အလုပ်။ မဆောက်ခင်ပန္နက်ရိုက်၊ ဆောက်ပြီးတော့ ဖွင့်ပွဲလုပ်၊ ထူးဆန်းထွေလာကိစ္စတွေလည်း မဟုတ်ဘူး။ အဲဒါကို အလုပ်မရှိအလုပ်ရှာဖွင့်ပွဲကို သမ္မတကိုယ်တိုင်လာတယ်။ သိတယ်မဟုတ်လား။ သမ္မတလာ ရာလမ်းတစ်လျှောက် ပြည်သူတွေစိတ်ညစ်ရပြီသာမှတ်တော့။

လုံခြုံရေးပေါင်း သောင်းခြောက်ထောင်နဲ့ အရှေ့ယာဉ်တန်း၊ အနောက်ယာဉ်တန်း သူမလာခင်၊ သူမ ဖြတ်ခင် ကျန်တဲ့ကားတွေ၊ ဆိုင်ကယ်တွေရပ်။ အခုရပ်၊ မယုံသင်္ကာစစ်လားဆေးလားတွေက တစ်မျိုး၊ တစ်နေ့လုပ်မှတစ်နေ့စားရတဲ့ဘဝတွေကိုလည်း နားလည်တာမဟုတ်ဘူး။ လမ်းဘေးအကြော်တဲက အစ အဲဒီနေ့မထွက်နဲ့ပဲ။ သမ္မတအတွက် လုံခြုံရေး၊ ပြည်သူ့ဘဝတွေလုံခြုံရေးတော့ မစဉ်းစားအားဘူး။

အခုလည်း သတင်းစာထဲက ပုံတွေမှာ အဖြူအစိမ်းဝတ်စုံလေးတွေနဲ့ ကလေးတွေ၊ ဆရာမတွေ စိတ်မပါ့တပါနဲ့ အလံလေးတွေ လက်ထဲကိုင်လို့၊ တကယ်တော့ မျက်လုံးနဲ့မျက်နှာအမူအရာဟာ လူ့စိတ်ရဲ့ထွက်ပေါက်ပါ။ သမ္မတကြီးက လူ့အရိပ်အကဲကို မသိတာလား၊ သမ္မတကြီးအနားကသူတွေ ကများ သမ္မတကြီးကို ယုံကြည်လောက်အောင်များ ဝိုင်းညာထားကြလေသလား မပြောတတ်ပေမယ့် ဒီပုံရိပ်ဟာအတုပါ။

‘ဆိုင်းဘုတ်တွေကို သက်ဆိုင်ရာအုပ်ချုပ်ရေးမှူးရုံးတွေက ကြိုပေးထားတာ။ သူတို့ရေးပြီးသားဟာကို တက်ရောက်လာတဲ့သူတွေက ကိုင်ပေးထားရတဲ့သဘောပါ’ ဟု အဆိုပါအခမ်းအနားသို့ တက်ရောက် ခဲ့သည့် ကျောက်တန်းမြို့ခံ ဦးမြင့်ထွန်းက ပြောသည်။ 7 Day သတင်းစာထဲမှာ အတိအကျ။

ကဲ . . . မရှက်ကြဘူးလား။ သတင်းစာထဲမှာ အတိအကျရေးထားပြီး ထုံးစံအတိုင်း ကျောက်တန်းမြို့ နယ် အထွေထွေအုပ်ချုပ်ရေးမှူးကတော့ ပြည်သူတွေ သူတို့ဘာသာကြိုဆိုတာပါလို့ ပိတ်ငြင်းတာပါပဲ။ သူဝန်ခံသည်ဖြစ်စေ၊ မခံသည်ဖြစ်စေ ဒါလုပ်ဇာတ်ဆိုတာ လူတိုင်းသိတယ်။ ဘာကြောင့်သိတယ်ထင် ပါသလဲ။ အတွေ့အကြုံလေ။ စစ်အာရှင်တွေနဲ့ နှစ်ပေါင်း ၅၀ ကျော် နှစ်ကိုယ်ယှဉ်တွဲနေလာခဲ့ရတဲ့ အတွေ့အကြုံ။ ဒီယုန်မြင်ရင် ဒီချုံထွင်တတ်သူတွေရဲ့ အကျင့်ကိုပြည်သူတွေက ရိုးနေပြီ။

အခုလို အင်တာနက်အသုံးတွင်ကျယ်လာတဲ့ ကာလမှာသူတို့က ရှေ့ကလိမ်၊ ဖေ့စ်ဘွတ်ခ်ပေါ်က ဓာတ်ပုံတွေ၊ Status တွေ၊ Comment တွေက သက်သေနဲ့တကွ နောက်ကဖော်။ အရင်နည်းဟောင်း တွေ အလုပ်မဖြစ်တော့ဘူးဆိုတာ သဘောပေါက်သင့်ပြီ။ ပြည်သူတွေရဲ့ ရင်ထဲကိုမြင်အောင် ကြည့် သင့်ပြီလို့ အကြံကောင်းပေးချင်ပါတယ်။ ပြည်သူဆိုတာမှန်လိုပါပဲ။ ပြုံးပြရင် ပြုံးတဲ့ပုံမြင်ရမယ်။ မဲ့ပြရင် မဲ့တဲ့အတိုင်းပဲပြန်မြင်ရတယ်။ လှတဲ့ပုံလေးမြင်ချင်ရင် အလှပြင်ဖို့တော့ လိုပါလိမ့်မယ်။

သမ္မတကြီးဦးဆောင်တဲ့ အစိုးရအဖွဲ့ကြီးရဲ့ ငါးနှစ်သက်တမ်းဟာ မြန်မာပြည်သူတွေ သောကအများ ဆုံးကာလတွေလို့ ပြောချင်ပါတယ်။ လစာတွေတိုး၊ ငွေကြေးဖောင်းပွတာကလွဲလို့ ဝန်ထမ်းတွေဘဝ ပိုပြီးထူးမလာပါဘူး။ ပြည်သူတွေမှာ စားရမဲ့၊ သောက်ရမဲ့၊ မျှော်လင့်ချက်မဲ့နေတဲ့ လူတန်းစားတွေ ပိုများလာတယ်။

အနာဂတ်ပျောက်နေတဲ့ လူငယ်တွေအတွက် အစိုးရက ဘာမှထိထိရောက်ရောက်လုပ်ပေးနိုင်တာမရှိ ခဲ့ဘူး။ ကားဈေးတွေကျတယ်။ အိမ်စီးကားတွေ၊ တက္ကစီကားတွေ လမ်းမပေါ်မှာ ပိုများလာတယ်။ ဘတ်စ်ကားမှတ်တိုင်က ခရီးသည်အရေအတွက်ကတော့ ဒီအတိုင်းပါပဲ။ ကားကျပ်နေတဲ့ လမ်းမတွေ ပေါ်မှာ ကျပ်ညပ်နေတဲ့ပြည်သူတွေ ဒုက္ခပိုရောက်ကုန်ကြတယ်။

အရင်ချိန်တွေ ရုံးချိန်ထက်နာရီဝက်၊ အလွန်ဆုံးတစ်နာရီစောထွက်ရင်ရတဲ့ ခရီး၊ အခုအချိန်နှစ်ဆပိုပေး ရတယ်။ ဘတ်စ်ကားပေါ်မှာ ပြည်သူတွေ တစ်နေ့လေးနာရီလောက် အချိန်တွေကုန်နေတာ။ ယနေ့ အထိ ထိရောက်တဲ့ဖြေရှင်းမှုမျိုး လုပ်မပေးနိုင်ခဲ့ဘူး။ ငါးနှစ်ရှိပြီ။ မနက်မိုးလင်းကတည်းက ဒီအစိုးရကို ကျွန်မတို့မလိုချင်တော့တာ မိုးချုပ်တဲ့အထိ၊ တီဗွီကလာတဲ့သတင်းတွေ ကြည့်နေရတဲ့အထိပဲ။

ကျွန်မတို့အပြောင်းအလဲကို လိုချင်ပြီ။ ပြည်သူလူထုကို ကိုယ်စားပြုတဲ့အစိုးရကို မျှော်မိပြီ။ ပြည်သူတွေ ရဲ့ ဒုက္ခကို မျှဝေခံစားတတ်တဲ့ ခေါင်ဆောင်မျိုးကို တောင့်တနေပြီ။ အခုကျောက်တန်းက ပြည်သူတ ချို့လက်ထဲမှာ ကိုင်ထားတဲ့ဆိုင်းဘုတ် ‘ဒုတိယသက်တမ်းကို သမ္မတကြီးပဲ ဆက်ပြီးတာဝန်ယူပါ’ ဆိုတာမျိုးကို မသာယာမိပါစေနဲ့ သမ္မတကြီး။ အဲဒါပြည်သူ့ဆန္ဒအစစ်မဟုတ်ဘူး။ သမ္မတကြီး တပည့် တွေရဲ့ လုပ်နည်းအဟောင်း၊ ဉာဏ်နီဉာဏ်နက်အဟောင်းတွေ။

အဝေးကြီးကို တွေးကြည့်စရာမလိုပါဘူး သမ္မတကြီးရယ်။ ဒီနေ့တနင်္ဂနွေနေ့ အများပြည်သူအနားယူ ကြတဲ့နေ့။ အဲဒီလိုနေ့မျိုးမှာ ကိုယ်ချင်းမစာ တံတားဖွင့်ပွဲကို လာတက်ခိုင်းတယ်။ အဝတ်အစားတောင် ကိုယ်ဝတ်ချင်တာပေးမဝတ်ဘဲ ဆင်တူဝတ်ခိုင်းတယ်။ ပြည်သူကကြည်ဖြူရင် ဆင်တူဝတ်စရာမလို ဘူး။ ရင်ထဲကနေ တူညီတဲ့ထောက်ခံမှုတွေနဲ့ အုတ်အော်သောင်းတင်း ကြိုဆိုကြမှာဝက်ဝက်ကွဲ။ အခု တော့ တနင်္ဂနွေနေ့ ကျောင်းမသွားချင်သလိုဘဲ ကျောင်းဖွင့်တဲ့တနင်္ဂနွေဆို သိပ်မုန်းတာပဲ။ ဆိုင်းဘုတ် ရှင်တွေရဲ့ မျက်နှာပေါ်က ခံစားချက်ကိုယ်စီကို အဓိပ္ပာယ်ဖော်တတ်ရင် အဖြေတွေ့ပါလိမ့်မယ်။

စံတော်ချိန်သတင်းစာ

ဇူလိုင်လ (၁၆) ရက်၊ ၂၀၁၅ ခုနှစ်

Powered by Bullraider.com