မစ္စ​တာ​အို​ဘား​မား​သို့​ အိတ်ဖွ​င့်ေ​ပး​စာ

http://static01.nyt.com/images/2014/11/15/world/15obama1_hp/15obama1_hp-articleLarge.jpg

"အိုဘားမားနဲ့တွေ့ဆုံပွဲမှာဆန္ဒပြခဲ့တဲ့လူငယ်တွေက သူ့လက်ထဲတိုက်ရိုက်ပေးလိုက်တဲ့ အိတ်ဖွင့်ပေးစာ မြန်မာဘာသာပြန်"

နိုဝင်ဘာလ ၁၄ရက် ၂၀၁၄

သမ္မတခင်ဗျား...

မြန်မာပြည်ရဲ့လက်ရှိအခြေအနေတွေနဲ့ အောက်ခြေမှာအမှန်တကယ်ဖြစ်ပျက်နေတာတွေအပေါ် လူငယ်တွေရဲ့အမြင်ကိုသိစေဖို့ ခုလိုစာရေးတင်ပြလိုက်တာဖြစ်ပါတယ်။

ခင်ဗျားကိုကျနော်တို့သိစေချင်တာတွေ လိုရင်းကိုတိုက်ရိုက်ပြောပါရစေ။

လက်ရှိအပြောင်းအလဲဟာအတုအယောင်ဖြစ်ပါတယ်။ ဖြစ်ပေါ်ခဲ့တဲ့ပြောင်းလဲမှုတွေဟာ နိုင်ငံတကာကစိတ်ကျေနပ်စေဖို့နဲ့ စစ်အစိုးရဟောင်းရဲ့စီးပွားရေးအကျပ်အတည်းကိုထွက်ပေါက်ရစေမယ့် ရင်းနှီးမြှုပ်နှံမှုတွေကို ဆွဲဆောင်နိုင်ရုံသက်သက် မိတ်ကပ်လိမ်းပြထားတာဖြစ်ပါတယ်။

ဒီအပြောင်းအလဲဖြစ်စဉ်ဟာ ကျနော်တို့ကိုရှေ့ဆက်တိုးတက်စေမယ်လို့မယုံကြည်ပါဘူး။ ဘာကြောင့်လဲဆိုတော့ဒီအပြောင်းအလဲရဲ့ နောက်ခံအကြောင်းရင်းတွေက ရိုးသားမှုမရှိလို့ပါပဲ။

စစ်မှန်တဲ့ဒီမိုကရေစီနဲ့အမျိုးသားပြန်လည်သင့်မြတ်ရေးကိုပဲကျနော်တို့လိုချင်ပါတယ်။

လွန်ခဲ့တဲ့၎နှစ်တာကာလလောက်မှာ စစ်အစိုးရက အပြောင်းအလဲတွေဖော်ဆောင်ဖို့ ရုတ်တရက်ဆုံးဖြတ်လိုက်တဲ့အခါမှာ၊ ပြည်သူတွေ၊ ခေါင်းဆောင်တွေနဲ့အထူးသဖြင့်နိုင်ငံတကာအသိုင်းအဝိုင်းဟာ မြန်မာပြည်ရဲ့စစ်အုပ်ချုပ်ရေးစနစ်ဟာ ပြီးဆုံးပြီလို့ ယုံမှတ်ခဲ့ကြပါတယ်။ကျနော်တို့လူငယ်တွေအပါအဝင်ပေါ့။လွှတ်တော် တွေဖွဲ့စည်းပေါ်ပေါက်ခဲ့ပြီး အမည်ခံအရပ်သားအစိုးရတရပ်ကိုတင်မြှောက်ခဲ့ကြပါတယ်။ဘယ်လိုပဲ ဖြစ်ဖြစ် နိုင်ငံရေးအခင်းအကျင်းသစ်တရပ်ဟာ ကျနော်တို့တခါမှမကြုံဖူးတဲ့စိန်ခေါ်မှုတွေကိုယူတောင်လာ ခဲ့ပါတယ်။

လယ်ယာမြေအဓမ္မသိမ်းပိုက်မှုတွေဟာ အစိုးရရဲ့ရင်းနှီးမြှုပ်နှံမှုတွေအတွက်ပြင်ဆင်မှုနဲ့အတူနိုင်ငံ အနှံ့အပြားမှာဖြစ်ပေါ်ခဲ့ပါတယ်။နိုင်ငံရေးအကျဉ်းသားတွေလွှတ်ပေး ခဲ့ပေမယ့် အကျဉ်းထောင်တွေမှာအမြောက်အများကျန်ရှိနေဆဲဖြစ်ပြီး၊ လက်ရှိလည်းဖမ်းဆီးထောင်ချမှုတရားစွဲဆိုမှုတွေ ရှိနေဆဲဖြစ်ပါတယ်။

ဖိနှိပ်တဲ့ဥပဒေတွေမူလအတိုင်းရှိနေဆဲဖြစ်ပြီး ပြည်သူတွေ အရပ်ဘက်အဖွဲ့အစည်းတွေကန့်ကွက်နေတဲ့ကြားကပဲ ဥပဒေသစ်တွေလည်းအတင်းအကျပ်အတည်ပြုခဲ့ပါတယ်။အဲ့ဒီဥပဒေတွေဟာ အပြောင်းအလဲဖြစ်စဉ်ကိုအန္တရာယ်ပြုနေပြီးကျနော်တို့ပြည်သူတွေ ကိုလည်းခြိမ်းခြောက်နေပါတယ်။

အပစ်အခတ်ရပ်စဲရေးလုပ်ငန်းစဉ်တွေကတော့ အလျော့ပေးစေ့စပ်လိုခြင်းမရှိမှုမှာပိတ်မိနေပါတယ်။

ဒီအချိန်မှာ ကချင်ပြည်နယ်နဲ့ရှမ်းပြည်နယ်မြောက်ပိုင်းဒေသတွေက တိုက်ပွဲတွေကြောင့် ထွက်ပြေးကြရတဲ့ ထောင်ပေါင်းများစွာသောစစ်ဘေးသင့်ပြည်သူတွေဟာ ဒီနှစ်မှာသူတို့ပုံမှန်ရနေကျ စားနပ်ရိက္ခာအထောက်အပံ့တွေရဲ့တဝက်ကိုပဲရရှိခဲ့ပ့တယ်။ဘာသာရေး တင်းမာမှုတွေနဲ့အကြမ်းဖက်မှုတွေနိုင်ငံတဝန်း အထူးသဖြင့်ရခိုင်ပြည်နယ်မှာဖြစ်ပေါ်ခဲ့ပြီး၊ ဒီဖြစ်ရပ်တွေဟာ နိုင်ငံရေးအမြတ်ထုတ်လိုသူတွေ၊ မတည်မငြိမ်ဖြစ်မှုအပေါ်အခွင့်ကောင်းယူလှုပ်ရှားလိုသူတွေ ကြောင့်လို့ကျနော်တို့ယုံကြည်ယူဆပါတယ်။

ဖွဲ့စည်းတည်ဆောက်မှုအနေနဲ့ကျနော်တို့ရရှိခဲ့တာကတော့ နိုင်ငံရေးအခင်းအကျင်းသစ်နဲ့မီဒီယာလွတ်လပ်ခွင့်တို့ဖြစ်ပါ တယ်။ပညာရေးပြုပြင်ပြောင်းလဲမှုလည်းမရှိခဲ့သလိုလုံခြုံရေးကဏ္ဍ အပြောင်းအလဲလည်းမရှိခဲ့ပါဘူး။ ၂၀၁၅မှာကျင်းပမယ့်ရွေးကောက်ပွဲတွေဟာလည်း တရားမျှတပြီးလွတ်လပ်မယ်ဆိုတဲ့အာမခံချက်တွေမတွေ့ရပါဘူး။ ဖွဲ့စည်းပုံအခြေခံဥပဒေကိုပြင်ဆင်နိုင်မယ့်အခွင့်အလမ်းတွေ ကတော့လုံးဝပျောက်ကွယ်နေပါတယ်။

ဒီအချိန်မှာ စစ်တပ်ဟာ အင်အားနဲ့အာဏာတွေ မတို့ထိရဲလောက်အောင် အင်မတန်ကြီးမားနေပြီး အမြစ်တွယ်နေတဲ့ဥပဒေကင်းလွတ်ကျူးလွန်မှုတွေမှာအသားကျနေဆဲဖြစ် ပါတယ်။

အဲ့ဒီပြောင်းလဲမှုမရှိတဲ့ အဖွဲ့အစည်းတွေဟာ အရင်စစ်အစိုးရဟောင်းရဲ့အကျိုးအမြတ်တွေကိုကာကွယ်နေဆဲဖြစ်ပြီး သူတို့လက်ထဲမှာအကြွင်းမဲ့အာဏာကိုချုပ်ကိုင်ထားနိုင်ဖို့သေချာ အောင်လုပ်နေတာမျိုး (သို့မဟုတ်) အာဏာပိုပြီးကြီးမားလာအောင် ရင်နှီးမြှုပ်နှံမှုအခွင့်အလမ်းသစ်တွေကနေအမြတ်ထုတ်ဖို့ ကြိုးစားနေတာတွေ့ရပါတယ်။

တကယ်တမ်းမှာကျနော်တို့မြင်တွေ့ရတဲ့တည်ဆောက်ရေး အပြောင်းအလဲဆိုတာကတော့ စစ်အစိုးရဟောင်းကိုသာအရင်ဆုံးအကျိုးအမြတ်ဖြစ်စေတဲ့ပွင့်လင်း လာတဲ့ရင်းနှီးမြှုပ်နှံမှုတချို့နဲ့နိုင်ငံတကာအကူအညီတွေပါပဲ။ ဒီနေ့ဒီအချိန်ထိ စစ်အစိုးရဟောင်းထဲကသူတွေဟာ အာဏာရှိနေဆဲဖြစ်ပြီးစီးပွားရေးလုပ်ငန်းတွေလည်း လက်ဝါးကြီးအုပ်ထားဆဲဖြစ်ပါတယ်။

ဒါတွေဟာနှစ်ပေါင်းခြောက်ဆယ်ကျော်ရုန်းကန်လှုပ်ရှားမှုတွေနဲ့ ပေးဆပ်စတေးခဲ့ရတာတွေအတွက်ကျနော်တို့ပြန်ရခဲ့တာတွေပဲဖြစ် ပြီး၊ အစိုးရကိုချီးမွမ်းနေတာတွေရပ်ပြီး အရှိတရားကိုမဆွေးနွေးနိုင်သရွေ့ ဒီအခြေအနေကနေတိုးတက်ပြောင်းလဲလာမယ့်အလားအလာတွေလည်း မြင်တွေ့ရဖို့မရှိပါဘူး။

ဒေါ်အောင်ဆန်းစုကြည်က ခင်ဗျားတို့အမေရိကန်အုပ်ချုပ်သူတွေဟာ မြန်မာပြည်အခြေအနေနဲ့ပတ်သက်ပြီး "အကောင်းမြင်လွန်းနေတယ်"လို့သတိပေးခဲ့ပါတယ်။ အလားတူပဲ ကုလသမဂ္ဂရဲ့မြန်မာနိုင်ငံဆိုင်ရာလူ့အခွင့်အရေးအထူးအရာရှိ မစ္စယောင်ဟီလီကလည်း ကုလသမဂ္ဂရဲ့၆၉ကြိမ်မြောက်အထွေထွေညီလာခံမှာ "နောက်ကြောင်းပြန်သွားနိုင်တဲ့လက္ခဏာတွေ"တွေ့ရတယ်လို့ပြောခဲ့ ပါတယ်။နေ့စဉ်အောက်ခြေဘဝတွေထဲမှာ ဒီလိုစနစ်ဆိုးနဲ့ရင်ဆိုင်လှုပ်ရှားနေရတဲ့ ကျနော်တို့ပြည်သူတွေအနေနဲ့ကတော့ ဒီထက်မကပိုခံစားရပါတယ်။ ဒါကြောင့်မို့ အမေရိကန်သမ္မတဖြစ်တဲ့ခင်ဗျားအနေနဲ့ အရင်ကစစ်အာဏာရှင်စနစ်ရဲ့အဆိုးဆုံးအချိန်တွေမှာ ကျနော်တို့ပြည်သူတွေရဲ့ရုန်းကန်လှုပ်ရှားမှုတွေကို ခင်ဗျားတို့အားပေးထောက်ခံခဲ့တဲ့ရပ်တည်ချက်တွေအတိုင်း အခုလည်းထောက်ခံရပ်တည်စေချင်ပါတယ်။ ကျနော်တို့အနေနဲ့ ခက်ဗျားနဲ့ခင်ဗျားရဲ့အစိုးရအဖွဲ့ကို မြန်မာအစိုးရအပေါ်ချီးမွမ်းခန်းဖွင့်နေတာတွေရပ်တန်းကရပ်ပြီး ကျနော်တို့ခုကြုံနေရတဲ့ အခက်အခဲတွေ ကျန်နေသေးတဲ့အရေးကိစ္စတွေကို ထိထိရောက်ရောက်ဖြေရှင်းနိုင်မယ့် တကယ်အကျိုးရှိမယ့်စကားတွေစတင်ပြောဖို့ ပြင်းပြင်းထန်ထန်တိုက်တွန်းလိုပါတယ်။

ဒါ့အပြင် မြန်မာအစိုးရရဲ့ဆက်ဆံရေးထဲက ခင်ဗျားတို့ရဲ့ အခြားအကျိုးအမြတ်တွေကိုမရှာဖွေခင် လူ့အခွင့်အရေးနဲ့ဒီမိုကရေစီကိုအရင်ဦးစားပေးဖို့လည်း ကျနော်တို့ပြင်းပြင်းထန်ထန်တိုက်တွန်းပါတယ်။

နောက်ဆုံးအနေနဲ့ ခင်ဗျားနဲ့ခင်ဗျားရဲ့အစိုးရကို တိုက်တွန်းချင်တာကတော့ ကျနော်တို့ပြည်သူတွေ၊ အရပ်ဘက်အဖွဲ့အစည်းတွေနဲ့အောက်ခြေမှာလှုပ်ရှားနေတဲ့ လူငယ်ထုတွေကို ထောက်ခံကူညီဖို့ပဲဖြစ်ပါတယ်။

ရိုးသားမှုဖြင့်

မြန်မာပြည်မှလူငယ်များ

 

Powered by Bullraider.com