ရွှေလက်ရယ် ခိုင်ခိုင်မြဲပါလို့

No automatic alt text available.

ရုံးအားလပ်ရက်တစ်နေ့ အပန်းဖြေအနားယူရင်း ...အိမ်ရှေ့ဧည့်ခန်းရဲ့ တီဗွီဖန်သားပြင်ထက်က နိုင်ငံကျော် အဆိုတော်များရဲ့ မြူးမြူးကြွကြွသီဆိုနေတဲ့ တိုင်းရင်းသားစည်းလုံးညီညွတ်ရေး တေးသံသာများကို ခံစားနားဆင်နေမိသည်။ တေးသံသာများကို နားဆင်ရင်း နှစ်(၇ဝ)မြောက် ပြည်ထောင်စုနေ့ကြီးလည်း နီးလာချေပြီကောရယ်လို့ အသိဝင်လာခဲ့သည်။

အမျိုးသားခေါင်းဆောင်ကြီး ဗိုလ်ချုပ်အောင်ဆန်း နှင့်တကွ တိုင်းရင်းသားခေါင်းဆောင်အပေါင်းတို့ရဲ့ မြန်မာ့လွတ်လပ်ရေးကြိုးပမ်းစဉ်ကာလက ပြည်မ-တောင်တန်းပေါင်းစည်းရေးအတွက် ကျင်းပခဲ့တဲ့ ပင်လုံညီလာခံကြီးနဲ့ ပင်လုံစာချုပ်ချုပ်ဆိုနိုင်ခြင်းတို့ကို သတိရမိသည်။ ထိုသို့ သတိရခြင်းနှင့်အတူ ကျွန်တော်ဖတ်၊ မှတ်၊ လေ့လာခဲ့သော၊ သမိုင်းကပြောသော ပင်လုံညီလာခံရဲ့ တစ်စိတ်တစ်ဒေသတို့သည် ကျွန်တော့်အတွေးထဲတွင် တရေးရေးပေါ်လာခဲ့သည်။

ကျွန်တော်ပထမဆုံး တွေးမိသည်က အမျိုးသားခေါင်းဆောင်ကြီး ဗိုလ်ချုပ်အောင်ဆန်း၏ ပုံရိပ်များ၊ ဗိုလ်ချုပ်ရဲ့ လွတ်လပ်ရေးသည်ပထမ၊ လွတ်လပ်ရေး သည်ဒုတိယ၊ လွတ်လပ်ရေးသည်တတိယဟူသော သန္နိဋ္ဌာန်စိတ်ဖြင့် မြန်မာပြည်လွတ်လပ်ရေးရရှိရန်အတွက် အစဉ်အမြဲတွေးတောကြံဆ ဆောင်ရွက်နေပုံများ၊ ဗြိတိသျှတို့၏အုပ်ချုပ်ပုံစနစ်ဖြစ်သော မြန်မာလူမျိုး နှင့် တောင်တန်းဒေသတိုင်းရင်းသားလူမျိုးများအား သွေးခွဲ အုပ်ချုပ်မှုစနစ် (Divide and Rule)ကို သိရှိသည့် အလျောက် ပြည်မတောင်တန်းတစ်သားတည်း ဖြစ်အောင် တိုင်းရင်းသားစည်းလုံးညီညွတ်ရေးကို အလေးပေး ဆောင်ရွက်ရန် ရှေးမဆွကပင်ကြိုတင်ကြံဆဆောင်ရွက်ခဲ့မှုများ၊ ပြည်မ-တောင်တန်းပေါင်းစည်းရေးအတွက် ၁၉၄၆ခုနှစ် မတ်လတွင် ရခိုင်ခရီးစဉ်ကိုစတင်၍ လည်းကောင်း၊ ၁၉၄၆ ခုနှစ် ဒီဇင်ဘာလ ၂၃၊၂၅၊၂၆ ရက်များတွင် တောင်ကြီး၊ လွိုင်ကော်၊ ညောင်ရွှေမြို့တို့၌ လည်းကောင်း စည်းရုံးဆွေးနွေးခဲ့သည်များ၊ လုံးဝလွတ်လပ် ရေးစာချုပ်မဟုတ်သော်လည်း လွတ်လပ်ရေးအတွက် ရှေ့တော်ပြေးအဖြစ် အောင်ဆန်း-အက်တလီစာချုပ်ကို လန်ဒန်မြို့ အမှတ်(၁ဝ) ဒေါင်းနင်းလမ်း နန်းရင်းဝန်၏ အိမ်တော်၌ ၁၉၄၇ ခုနှစ် ဇန်နဝါရီလ ၂၇ ရက်နေ့တွင် လက်မှတ်ရေးထိုးနိုင်ခဲ့သည်များ၊ အောင်ဆန်း-အက်တလီ စာချုပ်တွင်လည်း ''နယ်ခြား တောင်တန်းဒေသများနှင့် ပတ်သက်၍ ပင်လုံကွန်ဖရင့်ကျင်းပပြီး နယ်ခြားဒေသ လူထု၏ ဆန္ဒအတိုင်းဆောင်ရွက်ရန်''ဟု သဘောတူ ချုပ်ဆိုထားသည့်အတိုင်း တိုင်းရင်းသားတို့နှင့် ပြည်မနယ်ခြား ပေါင်းစည်းရေးသည်အရေးကြီးကြောင်း သိရှိသည့်အလျောက် ပြည်မ-နယ်ခြား တောင်တန်းစည်းရုံးရေးကို အဓိကထား စည်းရုံးခဲ့သည်များ၊ ၁၉၄၇ ခုနှစ် ဖေဖော်ဝါရီလ ၈ ၊၉ ၊ ၁ဝ၊ ၁၁၊ ၁၂ ရက်နေ့များ၌ ပင်လုံမြို့တွင် ညီလာခံကိုကျင်းပပြီး ဗိုလ်ချုပ်နှင့် တိုင်းရင်းသားခေါင်းဆောင်များ အကြိမ်ကြိမ်ညှိနှိုင်း ဆွေးနွေးပြီး နောက်ဆုံးဖေဖော်ဝါရီ ၁၂ ရက် နံနက် ၁၁ နာရီတွင် ပင်လုံစာချုပ်ကို လက်မှတ်ရေးထိုး ချုပ်ဆိုနိုင်ခဲ့ပုံများ၊ ယင်းပင်လုံစာချုပ်၏ ပြည်မ-တောင်တန်း သဘောတူမှုကို သာဓကပြု၍ မူလပထမအောင်ဆန်း-အက်တလီစာချုပ်ပါ ''ပြည်မနှင့် နယ်ခြားတောင်တန်း ဒေသများ၏ပင်လုံကွန်ဖရင့် သဘောတူညီမှုရက လွတ်လပ်ရေးပေးရန်''ဟူသော ဗြိတိသျှတို့၏ သဘောထားကို အောင်မြင်စွာ ကျော်ဖြတ်နိုင်ခဲ့ပုံများသည် အမျိုးသားခေါင်းဆောင်ကြီး ဗိုလ်ချုပ်အောင်ဆန်းနှင့် တိုင်းရင်းသားခေါင်းဆောင်တို့၏ တိုင်းရင်းသားစည်းလုံးညီညွတ်ရေးအတွက် လက်တွဲညီညီဆောင်ရွက်နိုင်ခဲ့သည့် ခက်ခဲမှုများစွာ ထဲက စည်းလုံးညီညွတ်မှုသာဓကများပင် မဟုတ်ပါလား...ဟု ကျွန်တော်တွေးတောရင်း ကောက်ချက်ချမိသည်။

ယင်းသို့ သမိုင်းနှင့်ယှဉ်တွဲ၍ ဖြစ်တည်လာခဲ့သည့် ပင်လုံညီလာခံမှ ပြည်မ-နယ်ခြားတောင်တန်း ပေါင်းစည်းရေး သဘောတူပင်လုံစာချုပ်ချုပ်ဆိုနိုင် ခဲ့သည့် အသီးအပွင့်အဖြစ် အမိမြန်မာနိုင်ငံတော်ကြီးသည် ဗြိတိသျှနယ်ချဲ့တို့ထံမှ လွတ်လပ်ရေးရရှိခဲ့သလို ယင်းနေ့ကို အထိမ်းအမှတ်ပြု၍ ဖေဖော်ဝါရီလ ၁၂ ရက်နေ့ကို ပြည်ထောင်စုနေ့အဖြစ် သတ်မှတ်ကာ ယနေ့တိုင် နှစ်စဉ် နှစ်တိုင်း ပြည်ထောင်စုနေ့ အခမ်းအနားများကို နိုင်ငံတစ်ဝန်း ခြိမ့်ခြိမ့်သဲကျင်းပခဲ့ပုံများကို ပြန်လည်မြင်ယောင်မိသည်။

အထူးသဖြင့် လူလားမြောက်ခဲ့ရာ မွေးရပ်မြေ၊ ထန်းတောညိုညို အညာမြို့ကလေးမှာ ငယ်စဉ်ဘဝများက ပြည်ထောင်စုနေ့အခမ်းအနားကျင်းပခဲ့ပုံများ၊ ပြည်ထောင်စု နေ့ကျင်းပရာ မြို့တော်ဆီသို့ ပြည်ထောင်စုအလံတော်ကို ပြည်နယ်/တိုင်းအလိုက် မြို့ရွာများသို့ ကားတစ်တန်၊ လှေ တစ်တန်ဖြင့် ဖြတ်သန်းသယ်ဆောင်၍ ဖြတ်သန်းညအိပ် ရာမြို့ရဲ့အားကစားကွင်းများ၏ ခမ်းနားထည်ဝါသော စင်မြင့် ထက်၌ ပြည်ထောင်စုအလံတော် ညအိပ်ရပ်နားခဲ့ရသည့် ပုံရိပ်၊ ကျွန်တော်တို့မြို့ကလေးတွင် ပြည်ထောင်စုအလံတော် ညအိပ်ရပ်နားခဲ့စဉ်က အထကကျောင်းတော်ကြီးအတွင်းက အားကစားကွင်းကြီးရဲ့ ထိုညတစ်ညပုံရိပ်များကို ကျွန်တော်မြင်မိသည်။

''လရောင်ကလေးကဆန်း၊ ပြည်ထောင်စုအလံတော်ရဲ့ စပါးနှံနဲ့ ပင်နယံကြီးမှာဝန်းရံနေတဲ့ ပြည်နယ်/တိုင်း ကိုယ်စားပြုကြယ်ကလေးများနဲ့အပြိုင်ရှိနေတဲ့...အခမ်း အနားကျင်းပရာကွင်းပြင်ထက်က ကြယ်ရောင်ကလေးများကလည်း ဖျန်း၊ တပ်ဆင်ထွန်းညှိခြယ်မှုန်းထားတဲ့ ရောင်စုံဖြာ မီးရောင်အလင်းတန်းလေးများကလည်း လွှမ်း၍နေတဲ့ ချမ်းမြမြ ထိုတစ်ည ကျွန်တော်နဲ့မောင်နှမ၊ သူငယ်ချင်းများ၊ အနွေးထည်လေးတွေကိုယ်စီနဲ့ ပျော်ရင်းပါးရင်း၊ ပြေးရင်း လွှားရင်း၊ နွေးသလိုလို... တစ်ချက်တစ်ချက် ညင်းညင်း လေးတိုက်ခတ်လာတဲ့ ဆောင်းလေပြည်အသော့လေးက အေးသလိုလိုနဲ့ ...နွေးတစ်လှည့်... အေးတစ်လှည့် ခံစားရင်း... ပျော်ပွဲရွှင်ပွဲ၊ အငြိမ့်ဇာတ်ပွဲများ၊ စင်တင်တေးဂီတ သာမက ပြည်ထောင်စုနေ့အထိမ်းအမှတ် မော်ကွန်းရုပ်ရှင် များကို အဖြူရောင်ပိတ်ကားကြီးတွင် ပျော်ရွှင် ရယ်မောကြည့်ရှုခဲ့ရသည်များ... ပျော်ပွဲရွှင်ပွဲပတ်လည်က အစီအရီရောင်းချနေသည့် မုန့်ဈေးတန်းလေးမှာ ရေမုန့် ဖြူဖြူလေးကို အကြော်စုံပူပူလေးကူ၍ အတူတူဝိုင်းဖွဲ့ ရယ်မောစားသောက်ခဲ့ရသည်များ ကျွန်တော်သတိရ တမ်းတရင်း လွမ်းမိပြန်သည်။

အတွေးတို့သည် ကျွန်တော်တို့ငယ်စဉ်ဘဝများက လူငယ်သဘာဝ ပျော်ရွှင်ခဲ့ရသည့် ပြည်ထောင်စုနေ့အထိမ်းအမှတ် ပျော်ပွဲရွှင်ပွဲအမှတ်တရအပျော်များနဲ့ ရှိနေခဲ့သလို အသက်အရွယ်နှင့်အတွေ့အကြုံများအဖြစ် ပေါ်လာသည့် ပြည်ထောင်စုကြီး ဥမကွဲသိုက်မပျက်၊ စုစုစည်းစည်း ငြိမ်းငြိမ်းချမ်းချမ်းဖြင့် ဒီမိုကရေစီဖက်ဒရယ်ပြည်ထောင်စုကြီး ဖြစ်စေချင်သည့် ပြင်းပြသည့်ဆန္ဒ၊ စိုးရိမ်ကြောင့်ကြ မှုအတွေးတို့ကလည်း ဝင်ရောက်လာခဲ့ပြန်သည်မို့ အတွေးတို့သည် အေးတစ်ခါ နွေးတစ်လှည့်ဖြင့် ရှိနေခဲ့ပြန်တော့ ရုပ်ရှင်သရုပ်ဆောင် အဆိုတော်ကြီး အကယ်ဒမီ ဦးဝင်းဦး သီဆိုခဲ့သည့် ''ပြုံးတစ်လှည့်၊ မုန်းတစ်လှည့်၊ မာယာပိုင်ရှင်''တေးသွားလေးကိုပင် အမှတ်မထင် ဆိုညည်းမိပြန်သည်။

ထိုအတွေးများနှင့်အတူ ''ပြည်ထောင်စုစိတ်ဓာတ် နိုးကြားရှင်သန်ရေး၊ အမျိုးသား စည်းလုံးညီညွတ်မှုခိုင်မာအောင် တည်ဆောက်ရေး၊ ဒီမိုကရေစီဖက်ဒရယ် ပြည်ထောင်စု ပေါ်ပေါက်ရေး၊ ပြည်သူများ၏ လူမှုစီးပွားဘဝများ တိုးတက်မြင့်မားရေး'' ဟူသော ပြည်ထောင်စုနေ့အမျိုးသား ရေးဦးတည်ချက် (၄)ရပ်ကို ''ပြည်ထောင်စုဖွား တိုင်းရင်းသား ညီအစ်ကိုအားလုံး လက်တွဲညီညီဝိုင်းဝန်း ကြိုးပမ်းအကောင်အထည်ဖော်ကြပါမည်'' ဟု ခိုင်မာသော သန္နိဋ္ဌာန်စိတ်များကို စာရှုသူတိုင်းရင်းသားညီအစ်ကို အပေါင်းတို့၏ စိတ်အစဉ်တွင် ရှိနေစေချင်သည့် အတွေးလေးကလည်း ကျွန်တော်တို့ရင်ထဲတွင် စွဲစွဲထင်ထင်...

ကျွန်တော်တို့ ပြည်ထောင်စုဖွား တိုင်းရင်းသားညီအစ်ကိုများအားလုံး စည်းလုံးညီညွတ်စွာပါဝင်သော၊ ဖွံ့ဖြိုး တိုးတက်ခိုင်မြဲသော၊ ငြိမ်းချမ်းသာယာသော ခေတ်မီဒီမိုကရေစီဖက်ဒရယ်ပြည်ထောင်စုကြီး ဖြစ်ပေါ်လာရေးကို ရှေးရှု၍ ပြည်ထောင်စုငြိမ်းချမ်းရေး ညီလာခံ-(၂၁)ရာစု ပင်လုံကို ၂ဝ၁၆ ခုနှစ် သြဂုတ်လ ၃၁ ရက်နေ့တွင် နေပြည်တော်ရှိ အပြည်ပြည်ဆိုင်ရာကွန်ဗင်းရှင်း ဗဟိုဌာန(၂) (MICC-2) ၌ အောင်မြင်စွာ ကျင်းပခဲ့ပြီးလည်း ဖြစ်သည်။

ထို့အတူ ကျင်းပခဲ့ပြီးသော ပြည်ထောင်စု ငြိမ်းချမ်းရေး ညီလာခံ-(၂၁)ရာစုပင်လုံမှချမှတ်သော ငြိမ်းချမ်းရေး ရည်မှန်းချက်များကို စဉ်ဆက်မပြတ် အကောင်အထည် ဖော်ဆောင်ရွက်နိုင်ရေးအတွက် အမျိုးသားပြန်လည် သင့်မြတ်ရေးနှင့် ငြိမ်းချမ်းရေး ဗဟိုဌာနကိုလည်း ဖွဲ့စည်းတည်ထောင်၍ ဆောင်ရွက်လျက်ရှိသည်ကို တွေ့ခဲ့ရသည်။ အချိန်ကာလတစ်ခုသို့တိုင် အချိန်ယူ၍ ကျွန်တော်တို့ တိုင်းရင်းသားညီအစ်ကို အချင်းချင်း ညှိနှိုင်းဆွေးနွေးအဖြေရှာ ပြီးသည်အထိ ကြီးမားကျယ်ပြန့်သော ငြိမ်းချမ်းရေးလုပ်ငန်းစဉ်များ ဆောင်ရွက်ရန် ဦးတည်နေသည်ကိုလည်း တွေ့နေရသည်။ ယင်းတို့ကို အဆင်ပြေချောမွေ့စွာ ဆောင်ရွက်နိုင် ရေးအတွက် လိုအပ်သော ရန်ပုံငွေများ ရှာဖွေစုဆောင်းရန်၊ နိုင်ငံတကာအလှူရှင်များ၊ ပြည်တွင်းအလှူရှင်များ ထည့်ဝင် လှူဒါန်းနိုင်ရန်တို့အတွက် အမျိုးသားပြန်လည်သင့်မြတ်ရေးနှင့် ငြိမ်းချမ်းရေးရန်ပုံငွေတစ်ရပ် ထူထောင်ထားရှိသည်ကိုလည်း ကျွန်တော်တို့တွေ့ရသည်။ အဆိုပါ ရန်ပုံငွေလည်း စနစ်တကျနှင့် ထိရောက် အကျိုးရှိစွာ ဆောင်ရွက်နိုင်ရန် အမျိုးသားပြန်လည်သင့်မြတ်ရေးနှင့် ငြိမ်းချမ်းရေးလုပ်ငန်းစဉ် ရန်ပုံငွေဆိုင်ရာ ပေါင်းစပ်ညှိနှိုင်းရေးအဖွဲ့ကိုလည်း ၂ဝ၁၆ ခုနှစ် ဒီဇင်ဘာလ ၂ဝ ရက်နေ့တွင် ဖွဲ့စည်းခဲ့ပြီးကြောင်း တွေ့ရှိခဲ့ရပြန်သည်။ ထိုကဲ့သို့ စဉ်ဆက်မပြတ် ဆောင်ရွက် လျက်ရှိသော၊ ထက်သန်သောစိတ်ဓာတ်အခြေခံအားမာန်များဖြင့် နေ့မအားညမနားဆောင်ရွက်လျက်ရှိသော ငြိမ်းချမ်းရေးလုပ်ငန်းစဉ်များကိုမြော်တွေး၍ တစ်နေ့သော အခါဝယ်...

''ကျွန်တော်တို့ ပြည်ထောင်စုဖွား တိုင်းရင်းသား အပေါင်းတို့သည် ညီညွတ်မျှတမှုကိုအခြေခံသော တိုင်းရင်းသားပြည်သူအပေါင်း၏ လူမှုစီးပွားဘဝ တိုးတက်မှု၊ ပြည်ထောင်စုကြီး ဥမကွဲသိုက်မပျက် အဓွန့် ရှည်တည်တံ့ ခိုင်မြဲမှုတို့ကိုရှေးရှုသော မေတ္တာစိတ်အခံ များဖြင့် ညှိနှိုင်းဆွေးနွေး အဖြေရှာနိုင်လိမ့်မည်''

''ဒီမိုကရေစီဖက်ဒရယ်ပြည်ထောင်စုအဖြစ် တည်ဆောက်နိုင်မည့် ငြိမ်းချမ်းရေးရလဒ်ကောင်းများကိုလည်း ကျွန်တော်တို့ တိုင်းရင်းသားညီအစ်ကိုများ၏လက်ဝယ် ပိုင်ပိုင်ရရှိနိုင်လိမ့်မည်''

''နိုင်ငံတော် ကာကွယ်ရေးတာဝန်ထမ်းဆောင် လျက်ရှိသည့် တပ်မတော်ကြီးသည်လည်း ပြည်ထောင်စု တိုင်းရင်းသားညီအစ်ကိုအားလုံးပါဝင်သော၊ အင်အား တောင့်တင်းခိုင်မာသော ခေတ်မီပြည်ထောင်စု တပ်မတော်ကြီး ဖြစ်လာဦးမည်''ဟု မျှော်လင့်ခြင်းများစွာဖြင့် ကျွန်တော် ယုံကြည်မျှော်လင့်မိသည်။

ထိုသို့ ယုံကြည်မျှော်လင့်မိသည်နှင့်အတူ တပ်မတော်တွင်းမှာ ကျွန်တော်တာဝန်ထမ်းဆောင်ခဲ့စဉ်က ထူးခြားတဲ့ဓလေ့စရိုက်၊ ပြောဟန်ဆိုဟန် စကားသံများနဲ့ ချစ်ခင်ဖွယ်ကောင်းလှသော တိုင်းရင်း သား၊ တပ်မတော်သား ကျွန်တော့်ရဲ့ ရဲဘော်ရဲဘက် များရဲ့ အမှတ်တရပုံရိပ်များကို သတိရလျက် အနာဂတ် ပြည်ထောင်စုတပ်မတော်ကြီးမှာလည်း ကျွန်တော်တို့ တိုင်းရင်းသားညီအစ်ကို တပ်မတော် သားများရဲ့ ချစ်ခင်နှစ်လိုဖွယ်ရာ အမှတ်တရတို့သည် ပျော်ပျော်ရွှင်ရွှင်၊ ချမ်းချမ်းမြေ့မြေ့၊ လွမ်းစရာဓလေ့များအဖြစ်နဲ့ တွေ့နေရဦးမည့် ကျွန်တော်ချစ်သော တပ်မတော်ဟုပင် ကြည်နူးစွာ ခံစားရင်း နှောင်းအတိတ်က တိုင်းရင်းသား၊ တပ်မတော် သား၊ ရဲဘော် ရဲဘက်တို့၏ ပုံရိပ်တို့သည် တရေးရေး ပေါ်လာပြန်သည်။

တပ်မတော်သားဘဝအစက ကျွန်တော့်ရဲ့ လက်ဦးဆရာ အကောင်းမြင်ဝါဒကိုင်စွဲသူ၊ ကျွန်တော်ရဲ့ တပ်ရင်းမှူး ချင်းအမျိုးသားကြီး။ သူရသတ္တိနဲ့ ပြည့်စုံ သလို၊ ရဲဘော်ရဲဘက်များကို ချင်းရိုးရာအစားအသောက်များနဲ့ မိဘသဖွယ် ချက်ပြုတ် ကျွေးမွေးတတ်သူ၊ တောတွင်းနေထိုင်စားသောက်ရတဲ့ အတတ်ပညာ၊ အမဲလိုက်ခြင်းကိုလည်း ကျွမ်းကျင်သူ၊ တောကောင်မရတဲ့အခါ တောကောင်လေးတွေကို ဘုရားသခင်ကောင်းချီပေးတယ် ဟု အကောင်းမြင်စိတ်နဲ့ ကျေနပ်ရယ်မောပြန်လာတတ်သူ၊ အေးဆေးတည်ငြိမ်တဲ့ စစ်ဆင်ရေးကာလမျိုးမှာတော့ ပန်းချီဆွဲ၍ အပန်းဖြေတတ်သူ၊ ကျွန်တော့်ရဲ့ လက်ဦးဆရာ။

အေးချမ်းလှတဲ့ ရှမ်းပြည်နယ်ရဲ့ နံနက်ခင်းများမှာ နှင်းထုအကာအကွယ်နဲ့အတူ လက်နက်ကြီးပစ်ကူယူ၍ လှံစွပ်ထိုးတိုက်ပွဲဝင်ခဲ့ရသော ခြူးရွှေစခန်းသိမ်းတိုက်ပွဲ၏ နေ့ရက်များထဲမှ ရန်သူရဲ့ပွိုင့်(၅) စက်သေနတ်ကြီး ထိမှန် ၍ လက်ဖျံတစ်ခုလုံး တွဲလောင်းကျကျိုးကြေကာ လဲကျကျန်ရစ်ခဲ့သော ကချင်လူမျိုးတပ်ကြပ်ဇော်ခေါင်၊ နဖူး တည့်တည့်မှာ ဗုံးစစိုက်ဝင်ပြီး လဲကျသွားတဲ့ ကျွန်တော့်ရဲ့ အနီးကပ်စစ်သည် ရဲဘော်တင့်ဆွေ၊ နင်းမိုင်းထိ၍ ညာဘက်ခြေထောက်တစ်ခုလုံး ပေါင်ရင်းအထိ အစပျောက်ကာ အသံတိတ်လဲကျ၊ ကျဆုံးသွားတဲ့ ကရင်ရဲဘော်လေး စအေးမြင့်၊ နင်းမိုင်းရဲ့ အားပြင်းတဲ့ ယမ်းခိုးများ မျက်စိအားရိုက်ခတ်၍ ''ကျွန်တော့်မျက်စိ မမြင်ရတော့ဘူး ဗိုလ်ကြီး''လို့ အော်ဟစ်လဲကျခဲ့တဲ့ ယောနယ်က ရဲဘော်ထွန်းရှင်တို့ရဲ့ ဝမ်းနည်းဖွယ် အမှတ်တရများ၊ ညအမှောင်ထုကို အကာအကွယ်ယူ၍ မိကျောင်းတွားသွားဖြင့် ရန်သူ့စခန်းသို့ ချီတက်ချဉ်းကပ်စဉ် ရန်သူ့ ခြံစည်းရိုးနားက ပုပ်ပွနေတဲ့ရန်သူအလောင်း၊ မိမိအလောင်းများကို ပွတ်တိုက်ကျော်လွှားရင်း ရန်သူ့ရဲ့ လက်ပစ်ဗုံး၊ လောင်ချာ၊ လက်နက်ကြီး၊ လက်နက်ငယ် ကျည်များ၊ မိမိတို့ရဲ့ ရှေ့နောက်ဘေး ဝဲ၊ ယာသို့ လှိုင်လှိုင် ကျရောက်နေခိုက်၊ ''ဗိုလ်ကြီးရေကျွန်တော်သေရင်၊ ဟားခါးက အနူးတို့ဆီ အကြောင်းကြားပေးနော်''ဟု မာန်တင်း၍ပြောနေခဲ့တဲ့ ချင်းကလေး ဒု-တပ်ကြပ် ထန်ဒိုးပေါင်။

ကွတ်ခိုင်အရှေ့ခြမ်း ရွှေလီချိုင့်ဝှမ်း စစ်ဆင်ရေးရဲ့ ''လော့နော်'' ပလောင်ရွာ ဘုန်းကြီးကျောင်းတောင်ကုန်းမှာ ''ရိက္ခာ ငါးပိဖုတ်၊ ငရုတ်သီးခြောက်မီးကင်နဲ့ အားပါးတရ နေ့လယ်စာစားနေတဲ့ ကယားလူမျိုး ရဲဘော်လေးကို ''ထမင်းကလည်း ဟန်းဂေါအပြည့်နဲ့ အများကြီး၊ ဟင်းကလည်းမပါ ကုန်ပါ့မလားတပည့်ရ''ဟု ကျွန်တော်ရဲ့ ပဋိသန္တာရအမေးကို ''များပေမယ့်လောက်ပါတယ် ဗိုလ်ကြီး''လို့ အလင်္ကာမြောက်စွာဖြေလိုက်တဲ့ ကယား လူမျိုး ရဲဘော်လေး...။

ရှေ့တန်းစစ်ဆင်ရေးတွေမှာ မူးလာရင် ရဲဘော်အချင်းချင်း နားရွက်ကိုက်သည်အထိ သွေးဆိုးတတ်ပေမယ့် တိုက်ပွဲမှာတော့ ရဲရဲဝံ့ဝံ့စွန့်စားတတ်သလို အမဲလိုက်တစ်ခါထွက်ရင် ပြောင်၊ စိုင်၊ ဆတ်စတဲ့ တောကောင်ကြီးများကိုပင် အတွဲလိုက်ရလာတတ်လို့ ကျွဲလှည်းနဲ့ ပါ အကြိုလွှတ်၍ သွားယူပေးရသည်အထိ တောပစ်ကျွမ်းတဲ့ ကရင်ရဲဘော် စောထီးဒိုးနဲ့ အစားအသောက်ရှားပါးချိန် ရန်သူနဲ့စပ်ကြားနယ်မြေ မိုင်းပေါတဲ့ မိုင်းတောထဲမှာပင် မြေတွင်းအောင်းနေတဲ့ ပုရစ်မှအစ အကောင်မျိုးစုံကို တူးဖော်ရှာဖွေ၍ တစ်မျိုး၊ နီးစပ်ရာတောတောင်မှ စား၍ရသမျှ အရွက်ပေါင်းစုံနဲ့ ရှာကြံချက်ပြုတ်ကျွေးမွေး၍ တစ်မျိုး၊ တောတွင်းနေထိုင်စားသောက်မှုရဲ့ လမ်းပြကြယ် ကရင်ရဲဘော် မောင်ဝင်း။

သူ့ရဲ့အချစ်ဆုံး တစ်ဦးတည်းသောညီမ ဖြူဖြူချောချော လေးကို အမွှမ်းတင်ချစ်တတ်ပြီး စတတ်နောက်တတ်တဲ့ ရဲဘော်တွေကြောင့် သူ့ညီမလေးဓာတ်ပုံပျောက်သွားတဲ့အခါ ငိုမဲ့မဲ့မျက်နှာပေးနဲ့ တိုင်တတ်တဲ့ မွန်ကလေး ရဲဘော်နိုင်ဝင်းဆွေ။

တပ်စုကို ရခိုင်ငါးပိထောင်းနဲ့ ရခိုင်ဟင်းစပ်စပ်လေးတွေ ချက်ကျွေးတတ်သလို ကြွပ်ဆတ်ဆတ်မာကျောကျောဟန်နဲ့ တိုက်ပွဲတိုင်းမှာ ရဲဝံ့စွန့်စားတတ်သူ''အသားမည်း ပေမယ့် ပတ္တမြားခဲပါဗျ''လို့ ဂုဏ်ယူဝင့်ကြွားတတ်သူ ရခိုင်လူမျိုး ဒု-တပ်ကြပ်စိုးပေ။

ရှမ်းမလေးတွေ ပေါတယ်၊ ချောတယ်လို့ နာမည်ကြီး လှတဲ့ ရှမ်းပြည်နယ်အရှေ့မြောက်ဒေသရဲ့ စစ်ဆင်ရေးတွေမှာ အပျိုချောချောနဲ့ စကားလက်ဆုံကျတိုင်း ''စခန်း မှာ ကျွန်တော်တစ်ယောက်ပဲ လူပျို''ဟု ဘာသာစကား ကျွမ်းကျင်မှုနဲ့ပြိုင်ဘက် လူပျိုစစ်သည်တွေကို အနိုင်ပိုင်း ကြော်ငြာဝင်တတ်တဲ့ ရှမ်းကလေးရဲဘော် အိုက်ပီးတို့ကို တွေးမိတော့ အတွေးမှတစ်ဆင့် နှစ်နှစ်ခြိုက်ခြိုက် အပြုံးများနဲ့အတူ မေ့မေ့မောမော ငေးမောနေမိပြန်သည်။

အတွေးရေယာဉ်ကြောမှာ မည်မျှမျောနေသည် မသိ...အိမ်သူသက်ထားရဲ့ ''အဖေကြီး ထမင်းစားမယ်၊ တီဗွီမှာ လာနေတာက သတင်းတွေ၊ ပြုံးပြုံးကြီး မလှုပ် မယှက်ကြည့်နေပုံထောက်တော့ ဧကန္တ ငယ်ရည်စား အကြောင်းတွေးပြီး ပြုံးနေတာလား''ဟု စူးစမ်းတဲ့ အကြည့်နဲ့ သူဆိုလာမှ သတိလေးကပ်ပြီး ''မေကြီးရေ တစ်ဝက်မှန်၊ တစ်ဝက်မှား'' လို့ မထိတထိ တုံ့ပြန်လိုက် တော့ ''အော်ပြောပါဦး မှန်တာလေး၊ မှားတာလေး''လို့ ပြောရင်း အနားကပ်လာတဲ့ဇနီးကို ''ဟိုး ဆရာမရေ တစ်ဝက်မှန်တယ်ဆိုတာက ငယ်ကအကြောင်းစဉ်းစားပြီး ပြုံးနေတာမှန်တယ်လို့ ပြောတာ၊ မှားတယ်ဆိုတာက မေကြီးဆိုလိုတဲ့ ငယ်ရည်းစားအကြောင်းတော့ မဟုတ်ဘူး။ တိုင်းရင်းသားတေးသံတွေ နားထောင်ရင်း ငယ်ကသေဖော်ရှင်ဖက် တိုင်းရင်းသားရဲဘော်ရဲဘက်တွေ အကြောင်း အတွေးနယ်ချဲ့ရင်း ပြုံးနေတာပါကွယ်'' လို့ ပြောလိုက်မှ ထမင်းစားခန်းသို့ အိမ်သူသက်ထားရဲ့ လက်ဆွဲခေါ်ဆောင်ခြင်းနှင့်အတူ သမီးများရဲ့ ''ဟေး... ဖေကြီးလာပြီ၊ လူစုံပြီး စားကြမယ်ဟေ့''ဆိုတဲ့ပျော်ရွှင်ဖွယ် စကားသံများအကြားက မေ့လက်ရာရနံ့မွှေးမွှေးမိသားစု ထမင်းဝိုင်းကလေးကို အားပါးတရ ဆင်နွှဲရင်း ---။

-ကျွန်တော်တို့ ပြည်ထောင်စုကြီးမှာ မှီတင်းနေထိုင် ကြတဲ့ နယ်စပ်ဒေသများအပါအဝင် ပြည်နယ်/ တိုင်းဒေသကြီးအသီးသီးက တိုင်းရင်းသားညီအစ်ကို သွေးချင်းသားချင်းတို့ရဲ့ မိသားစုထမင်းဝိုင်းများလည်း အစဉ်ထာဝရ နွေးနွေးထွေးထွေး၊ ငြိမ်းငြိမ်းချမ်းချမ်း၊ စုံစုံညီညီ၊ ပျော်ပျော်ရွှင်ရွှင်ဖြင့် ဆင်နွှဲနိုင်ကြပါစေ...။

-ခေတ်မီဖွံ့ဖြိုးတိုးတက်သော ဒီမိုကရေစီဖက်ဒရယ် ပြည်ထောင်စုနိုင်ငံတော်ကြီးဆီသို့ ကျွန်တော်တို့ တိုင်းရင်းသားညီအစ်ကိုအားလုံး အတူလက်တွဲချီတက် နိုင်ပါစေ...။

-ပင်လုံမြေမှ အခြေတည်ခဲ့ရသော ကျွန်တော်တို့တိုင်းရင်းသားညီအစ်ကို အပေါင်းတို့၏ တွဲလက်များသည် နောင်နှစ်ပေါင်းများစွာတိုင် အဓွန့်ရှည်တည်တံ့ခိုင်မြဲ လျက် အေးအတူပူအမျှ ရွှေလက်ရယ် ခိုင်ခိုင်မြဲ၍ အနာဂတ်ခရီးကို ထာဝရလက်တွဲချီတက်နိုင်ပါစေလို့ ပြင်းပြသောဆန္ဒများဖြင့် ကျွန်တော်ဆုတောင်းမေတ္တာ ပို့သလိုက်မိပါတော့သည်။

ကြေးမုံသတင်းစာ (၁.၂.၂၀၁၇)

Powered by Bullraider.com