မိဘနှင့်သားသမီးဆက်ဆံရေး

http://www.fashioncentral.pk/images/lifestyle/1182/islami_parents.jpg

မိဘဆိုသည်မှာ ကလေးများအတွက် ပထမဆုံးသော လက်ဦးဆရာများ ဖြစ်ကြပါသည်။ ကလေးများအတွက် ပထမဆုံး ယုံကြည်စိတ်ချမှုကို အပေးနိုင်ဆုံးသောသူများဟု သတ်မှတ်ခြင်း ခံကြရသူများလည်း ဖြစ်ကြသည်။

သားသမီးနှင့် မိဘဆိုသည်မှာ ဘဝတစ်လျှောက်လုံး ပုံစံအမျိုးမျိုးနှင့် ပြောင်းလဲဆက်ဆံသွားကြရပါသည်။ ဤ ဆက်ဆံမှုနှစ်ခုတွင် အမူအယာ၊ အနေအထား၊ စိတ်ခံစားမှုများ၊ မျှော်လင့်ချက်ပေါင်းများစွာ ပါဝင်နေပါလိမ့်မည်။ ထိုဆက်နွှယ်မှုများကပင် ကလေးများကို ဖွံ့ဖြိုးတိုးတက်မှုများကို ဖြစ်စေပါသည်။ မည်မျှသော အတိုင်းအတာ အထိ ဆက်နွှယ်နိုင်ပြီး မည်မျှအတိုင်းအတာအထိ သံယောဇဉ်ကြိုးများကို နှောင်ဖွဲ့နိုင်သည် ဆိုခြင်းမှာ ကလေး၏ ဘဝတွင် မည်မျှအလေးထားပြီး စောင့်ရှောက်မှုပေးနိုင်ခဲ့သနည်းဆိုသည့်အပေါ်တွင်လည်း မူတည် သည်။

မိဘနှင့် သားသမီးဆက်ဆံရေးတွင် အဓိက အကြောင်းအရာပုံစံလေးမျိုးကို တွေ့ရပါသည်။

(၁) လုံခြုံသော ဆက်ဆံမှု

(၂) ပစ်ပယ်သော ဆက်ဆံမှု

(၃) မတင်မကျ ဆက်ဆံမှု

(၄) ပရမ်းပတာ ဆက်ဆံမှု ဟူ၍ လေးမျိုးတွေ့ရသည်။

လုံခြုံသော ဆက်ဆံမှုဆိုသည်

သားသမီးနှင့် မိဘဆက်ဆံရေးတွင် အခိုင်မာဆုံးနှင့် အကောင်းဆုံး ဆက်ဆံရေးတစ်ခုဖြစ်သည်။ ကလေးက သူ၏ မိဘများကို မိမိကို ကာကွယ်သူ၊ စောင့်ရှောက်ပေးသူဟု စိတ်ထဲတွင် မှတ်ယူထားသည်။ သူလိုအပ်သည့် အချိန်တိုင်း သူတောင်းဆိုသမျှကို မညည်းမညူ အထောက်အကူပြုတတ်သူအဖြစ် လေးစားမြတ်နိုး တန်ဖိုး ထားခြင်းခံရသူလည်းဖြစ်နေသည်။

ပစ်ပယ်သော ဆက်ဆံမှု

သားသမီးအဖို့ စိတ်ထဲတွင် မလုံခြုံမှုကို အမြဲ ခံစားနေရသည်။ သူတို့ကို မိဘသည် အကာအကွယ် မပေးနိုင်။ ကိုယ်ဖြစ် ကိုယ်ခံရပေါင်းများလာသည့် အခါတွင် သားသမီးသည် သူတို့ဘာသာသူတို့ ကာကွယ်စောင့်ရှောက် တတ်လာကြသည်။ သူတို့သည် လွတ်လပ်မှုကို အလွန်မြတ်နိုးတတ်ကြသည်။ မိဘကို ချစ်ခင်စိတ်များ ထားချင်မှာလည်း ထားလိမ့်မည်။ အဘယ်ကြောင့်ဆိုသော် မှန်ကဲ့သို့ သူတို့က ကျင့်သုံးနေသောကြောင့် ဖြစ်သည်။ သူတို့ကို ပြုံးလျှင် ပြုံးပြလိုက်မည်။ မဲ့လျှင်လည်း မဲ့ပြလိုက်မည်သာဖြစ်သည်။

မတင်မကျဆက်ဆံမှု

မတင်မကျဆက်ဆံရေးဆိုသည်မှာလည်း မလုံခြုံ စိတ်မချ အားမကိုးရသော ဆက်ဆံရေးတစ်မျိုးဖြစ်သည်။ ကလေးက သူတို့မိဘတွေကို အမြဲစောင့်ကြည့်နေတတ်သည်။ မိဘက သူတို့ကို ဂရုစိုက်စေချင်သည်။ သို့သော် မိဘများက အကြောင်းအမျိုးမျိုးကြောင့် သူတို့ကို ပစ်ပယ်ထားနေရသည်။ ကလေးတို့ စိတ်ဆိုးမည်၊ ဒေါသထွက် မည်၊ အော်ပြမည်၊ ငိုပြမည်။ မည်သို့ဆိုစေ သူတို့ဘဝတွင် မိဘများက ဂရုမစိုက်ဖန်များလာသည့်အခါ အခြားသော နှိုင်းယှဉ်စိတ်များဖြင့် မိဘများအပေါ် မယုံမရဲ ဆက်ဆံမှုများဖြစ်လာကြသည်။

ပရမ်းပတာဆက်ဆံမှု

ပရမ်းပတာမိဘများ၏ မွေးဖွားခြင်းကို ခံရသော ကလေးများသည် သူတို့မိဘများထံက ဘာတစ်ခုမှ မျှော်လင့် ထားရန် မဖြစ်နိုင်ပေ။ ကလေးတွေက အလွန်ပါးနပ်လာကြသည်။ သူတို့ဘာပြောလျှင် မည်သို့တုံ့ပြန်ခြင်း ခံရ မည်ကို ကောင်းစွာ နားလည်ထားကြသည်။ အကောင်းလည်း ဖြစ်နိုင်သည်။ အဆိုးလည်း ဖြစ်နိုင်သည်။ ရလဒ်မှာ ကောင်းစရာမမြင်။ ပေးသမျှယူ၊ ကျွေးသမျှစား၊ ဖြစ်သလိ်ုနေထိုင်လိုစိတ်များ ဝင်လာတတ်ကြသည်။

မိဘတိုင်း သားသမီးများကို ချစ်ခင်တတ်ကြပါသည်။ ပညာတတ်သည်ဖြစ်စေ၊ မတတ်သည်ဖြစ်စေ သားသမီးများအပေါ် ထားသည့်မေတ္တာမှာ မည်သည့်ကျောင်းတွင်မှ သွားရောက်ပညာယူစရာမလိုပါ။ မျိုးစေ့မှန်မှ အပင်သန်တတ်ပါသည်။ အပင်ပေါက်လာလျှင်လည်း ရေလောင်းပေါင်းသင်ပေးရန်လိုပါသေးသည်။ မည်သူတို့သော ဘဝနေထိုင်မှုတွင် ကြီးပြင်းပေါက်ဖွားရမည်ဆိုခြင်းမှာ ကလေးများဘဝတွင် ရွေးချယ်ခွင့်မရှိပါ။ ကလေးတိုင်းကို နွေးထွေးသောမေတ္တာဖြင့် လုံခြုံမှုပေးနိုင်သော မိဘများရင်ခွင်သို့ရောက်ပါစေကြောင်း ဆုတောင်းကြရမည်သာ။

Powered by Bullraider.com