သူတို့ဆီက ဒေါက်တာဘွဲ့ အကြောင်း

http://ichef.bbci.co.uk/news/640/cpsprodpb/0033/production/_86215000_sheeran.jpg

အမေရိကန်ပြည်ထောင်စုမှာတော့ ဒေါက်တာဘွဲ့ဆိုတာကို အမြင့်ဆုံးဘွဲ့တစ်ခုအနေနဲ့ သတ်မှတ်ထားကြတယ်။ သူတို့ ဒေါက်တာဘွဲ့ပေးတာ နှစ်မျိုးတွေ့ရတယ်။

-       Research (Ph.D.) Programs

-       Professional Doctorates

အများရင်းနှီးပြီးဖြစ်တာက Ph.D ဆိုတဲ့ ဒေါက်တာဘွဲ့မျိုးတွေပါ။ ပညာရပ်ဆိုင်ရာ သုတေသနလုပ်ငန်းတစ်ခုခုနဲ့ ဆက်စပ်နေပြီးတော့ နယ်ပယ်တစ်ခုခုကို လက်ရှိအနေအထားထက် ပိုပြီးတော့ ဖွံ့ဖြိုးတိုးတက်အောင် လုပ်ဆောင်နိုင်သူ၊ သုတေသနပြုနိုင်သူလို့ သတ်မှတ်ပြီး ပေးအပ်ကြတဲ့ ဘွဲ့ဖြစ်ပါတယ်။ သူလေ့လာတတ်သိ ထားတာတွေကို ပညာရှင်က ကိုယ်တိုင်လည်း ထုတ်ဖော်တယ်၊ သူများက ပြန်ပြီးတော့ အဆင့်မြှင့်ကာ လုပ်ဆောင်သွားနိုင်အောင် ရည်ရွယ်ချက်ရှိရှိနိုင် လုပ်ဆောင်နိုင်သူတွေ၊ ပညာရှင်တွေလို့ သတ်မှတ်ပြီးတော့ Ph.D ဘွဲ့ကို ပေးအပ်ချီးမြှင့်ခြင်းလည်းဖြစ်ပါတယ်။

Professional Doctorates ဆိုတဲ့ ဒေါက်တာဘွဲ့မျိုးကတော့ ကိုယ်သင်ထားတဲ့ ပညာရပ်မှာ ကိုယ်ဟာ ဘယ်လောက် ကျွမ်းကျင်စွာ တတ်မြောက်ပိုင်နိုင်ပြီး လုပ်ဆောင်နိုင်စွမ်းရှိတယ်ဆိုတာတာ ထုတ်ဖော်ပြနိုင်တဲ့ သဘောဖြစ်ပါတယ်။ သူတို့ကတော့ သူတို့ဘွဲ့နဲ့ သူတို့ အသက်မွေးဝမ်းကျောင်းကို ဆက်စပ်ထားတယ်။ သူတို့ဟာ လုပ်ငန်းခွင်နယ်ပယ်တွေထဲကို ဝင်ပြီးတော့ ကိုယ်သိထားတာတွေနဲ့ ပိုပြီး တီထွင်မှုတွေ လုပ်ဆောင် ပြကြရတယ်။ စွမ်းဆောင်မှုတွေ အားထုတ်မှုတွေကို လုပ်ကြရတယ်။ လက်တွေ့ဘဝတွေမှာ ရင်ဆိုင်နေရတဲ့ ပြဿနာတွေကို မိမိတို့တပ်ကျွမ်းထားတဲ့ ပညာရပ်တွေနဲ့ ဖြေရှင်းပေးနေကြတဲ့ ဒေါက်တာတွေလည်း ရှိတာပဲ။

ပညာရပ်ဆိုင်ရာကိစ္စတစ်ခုအတွက် တက္ကသိုလ်တွေ၊ သုတေသနဌာနတွေမှာ အချိန်ကုန်နေကြတဲ့ ဒေါက်တာ တွေနဲ့ အသက်မွေးမှုဆိုင်ရာ လုပ်ငန်းခွင်တွေထဲမှာ ကျင်လည်နေကြတဲ့ ဒေါက်တာတွေ နှစ်ပိုင်းကွဲသွားတယ်။ ပညာရှင်တွေတော့ သုတေသနသက်သက် လုပ်နေတဲ့ ပညာရှင်တွေနဲ့ ငွေရှင် ကြေးရှင် လုပ်ငန်းရှင်ကြီး တွေအတွက် အလုပ်လုပ်ပေးနေသူတွေဆိုပြီးတော့ ကွဲသွားတယ်။

အမေရိကန်ပြည်ထောင်စုမှာ အများဆုံး ခေတ်စားလာတဲ့ ဒေါက်တာတွေကတော့ ဒုတိယအမျိုးအစား ဒေါက်တာတွေပဲဖြစ်တယ်။ သူတို့ဟာ ကုမ္ပဏီကြီးတွေ စက်ရုံကြီးတွေမှာ အလုပ်သမားတွေ ဝန်ထမ်းတွေ အနေနဲ့ ဝင်ရောက်တာဝန်ထမ်းဆောင်ကြတယ်။ သူတို့ကို ငွေပုံပေးထားတဲ့ လုပ်ငန်းကြီးတွေမှာ သူတို့ စွမ်းရည် သူတို့ တတ်ကျွမ်းထားတာတွေကို အစွမ်းထုတ်ပြီး ရှင်သန်နေကြတဲ့ ဒေါက်တာတွေပေါ့။

တက္ကသိုလ်တွေမှာပြန်ပြီးတော့ သုတေသနလုပ်နေကြတဲ့ ဒေါက်တာတွေကတော့ လုပ်ငန်းခွင် ဝင်သွားတဲ့ ဒေါက်တာတွေလို ဝင်ငွေကောင်းမှာလည်း မဟုတ်ဘူး။ ချမ်းသာနိုင်စရာ အကြောင်းလည်း မရှိပါဘူး။ ပညာသင် ရင်း ပညာထပ်ရှာနေတဲ့ ပညာရှင်တွေဖြစ်နေတာကြောင့် ဖိအားတော့မရှိဘူး၊ စိတ်ချမ်းသာစွာနဲ့ သုတေသန လုပ်ငန်းတွေ လုပ်ဆောင်နိုင်ကြတယ်။ ဒါပေမဲ့ ဘာကြောင့် ဒေါက်တာဘွဲ့တွေ ယူနေကြသလဲဆိုတာကို ပြန်ပြီး ဆန်းစစ်ကြည့်လိုက်တော့

(၁) လုပ်ငန်းခွင်အတွက် တကယ့်ကို သက်ရောက်မှုရှိတယ်

ပရောဖက်ရှင်နယ်တွေက ကိုယ်ကြိုက်တဲ့နယ်ပယ်ကို ကူးပြောင်းပြီး လေ့လာသုတေသန ပြုလုပ်နိုင်တယ်။ ဒါကြောင့် သူတို့ဟာ လုပ်ငန်းရှင်ကြီးတွေ စိတ်ကြိုက်၊ ငွေကြေးပုံပေးမယ့်သူတွေရဲ့ သဘောကျ ကြိုက်တဲ့ နယ်ပယ်ကို ပြောင်းပြီးတော့ လေ့လာသုတေသန လုပ်နိုင်တယ်။ သူတို့လုပ်မယ့် သုတေသနလုပ်ငန်းတွေက အလုပ်ခိုင်းတဲ့သူတစ်ဦးရဲ့ လိုချင်တဲ့ ရလဒ်အတိုင်း ဖော်ဆောင်ပေးဖို့သာဖြစ်တယ်။ များသောအားဖြင့် လုပ်ငန်းရှင်တွေ ခိုင်းစေတဲ့ သုတေသန လုပ်ငန်းတွေဆိုတာလည်း စီးပွားရေးနဲ့ လူမှုရေးကိစ္စတွေမှာ အများကြီး သက်ရောက်မှု ရှိနေတော့ အောင်မြင်အောင် တီထွင်နိုင်ရင် ချက်ချင်းနာမည်တက်ပြီး ထင်ရှားစေတယ်။

(၂) အမြင့်ကို ချက်ချင်းရောက်နိုင်တယ်

နာမည်ကျော် ဒေါက်တာကြီးတွေဟာ တကယ့်နာမည်ကျော်မယ့် သုတေသနနယ်ပယ်ကောင်းတွေကို လုပ်ဆောင်လေ့ရှိကြတယ်။ သူတို့ဟာ ကုမ္ပဏီအဖွဲ့အစည်းကြီးတွေမှာ အဓိကအဆုံးအဖြတ်ပေးရတဲ့နေရာ သို့မဟုတ် မန်နေဂျာကြီးတွေရဲ့တာဝန်တွေကိုလည်း ရယူလေ့ရှိကြတယ်။ သူတို့ပညာ၊ သူတို့ ဆုံးဖြတ် လုပ်ပိုင်ခွင့်တွေကို အသုံးချပြီး ထိပ်တန်းကို ရောက်သူတွေလည်း ဖြစ်သွားကြတယ်။ အားလုံးဟာ သူယူခဲ့တဲ့ ဒေါက်တာဆိုသောဘွဲ့မှာ အခြေခံနေတယ်ဆိုတာ သတိပြုသင့်တယ်။ ဒေါက်တာဆိုတဲ့ ဘွဲ့ကြောင့် နေရာရ တယ်။ ဒေါက်တာဖြစ်လို့ လုပ်ပိုင်ခွင့်တွေရသွားတယ်လို့ မြင်စေ့ချင်ပါတယ်။

ဒေါက်တာဘွဲ့ ရထားသူတစ်ဦးဟာ သာမန် သူလို ငါလိုလူတော့ မဟုတ်ဘူးဆိုတာ သိထားစေချင်ပါတယ်။ သူ့ကို သူနဲ့ဆိုင်တဲ့ နယ်ပယ်မှာ အကောင်းဆုံးတွေး၊ အကောင်းဆုံး ဖြေရှင်းနိုင်သူလို့ သတ်မှတ်ပြီးသား ဖြစ်နေလို့ သူ့မှာ အမြင့်ကို တက်လှမ်းဖို့ အခွင့်အရေးကောင်းတွေရှိနေတယ်။

(၃) ကိုယ့်အလုပ်ကို အမြင့်ဆုံး လုပ်ပြနိုင်တယ်

ဒေါက်တာဘွဲ့ရထားသူတစ်ဦးဟာ ဂုဏ်ကိုဖော်ထုတ်ပြရုံသက်သက် ဓာတ်ပုံကြီးကို အ်ိမ်မှာ ချိတ်ထားရုံ သက်သက်မဟုတ်ဘူး။ သူဟာ သူနဲ့ဆိုင်တဲ့နယ်ပယ်မှာ အရေး၊ အဖတ်၊ သုတေသန၊ ခွဲခြမ်း စိတ်ဖြာနိုင်စွမ်း အားလုံး သူများထက်သာလွန်နေတယ်ဆိုတာကိုလည်း သက်သေထူထားတာဖြစ်နေတယ်။

ပညာရပ်ဆိုင်ရာ နယ်ပယ်တွေမှာ ထိပ်ဆုံးရောက်လေ ခက်ခဲလေပဲ။ ဒါကြောင့် ခေတ်နဲ့ အလျော်ညီဆုံး ဘာသာရပ် နယ်ပယ်ကိုလည်း ရွေးချယ်နိုင်ရတယ်။ ထူးချွန်ပေါက်မြောက်အောင်လည်း လုပ်ပြကြရတယ်။ သူတို့ဘာတွေ လုပ်နိုင်ခဲ့တယ်ဆိုတာ အဖြေပဲ။ သူတို့ကို လာပြီး လက်တွဲမယ့် လုပ်ငန်းရှင်တွေကလည်း သူတို့ ဘာတွေ လုပ်ဆောင်ခဲ့သလဲဆိုတဲ့ အပေါ်မှာ မူတည်ပြီး သူတို့ကို ခေါ်ယူကြလေ့ရှိတယ်။

ဂုဏ်ထူးဆောင် ဒေါက်တာဘွဲ့တွေလို အလွယ်တကူရထားတဲ့ ဒေါက်တာဘွဲ့မဟုတ်တော့ ကိုယ်တိုင်က ဒီဘွဲ့ကို ရအောင် ဘယ်လောက် ခက်ခဲစွာ ကြိုးပမ်းခဲ့ရတယ်ဆိုတာ ရယူခဲ့သူတိုင်းသိတယ်။

(၄) ကိုယ့်လုပ်ငန်းနယ်ပယ်အတွက် ကွန်ရက်ကောင်းကောင်း ချိတ်ဆက်မိစေတယ်

ပရော်ဖက်ရှင်နယ် ဒေါက်တာဘွဲ့ရထားသူတစ်ဦး အနေနဲ့ ကိုယ်သာမဟုတ်ဘူး ကိုယ်နဲ့ အတူတူ အတန်းတက် ဘွဲ့ကို ယူခဲ့ကြသူတွေကပါ ခေသူမဟုတ်ဆိုတာကို နားလည်ထားကြတယ်။ သူတို့ အချင်းချင်းသိတယ်။ ချိတ်ဆက်မှုတွေက ကျောင်းမှာ သုတေသနလုပ်ငန်းတွေမှာ၊ ဓာတ်ခွဲခန်းတွေထဲမှာတင် ရပ်သွားကြတာ မဟုတ်ဘူး။ ဘယ်သူက ဘယ်လိုအရည်အချင်းရှိတယ်ဆိုတာ ကောင်းကောင်း သိနေတာကြောင့် ဒီလိုပဲ အဆက်အသွယ်တွေနဲ့ လှမ်းခေါ်ပြီး နေရာရသွားကြတာလည်းရှိတယ်။

ကျောင်းတက်နေစဉ်ကတော့ ပြိုင်ဘက်တွေဖြစ်ကောင်း ဖြစ်မယ်။ ဒါပေမဲ့ ဒေါက်တာဆိုတဲ့ ဘွဲ့တွေ ရသွားပြီးရင် ကိုယ်ဘာလဲဆိုတာ အလိုလိုကြေညာပြီးသား ဖြစ်သွားနိုင်တာကြောင့် အလုပ်အကိုင်အခွင့်အရေးတွေ အတွက်လည်း စိုးရိမ်စရာ မလိုပါဘူး။

(၅) စီးပွားရေးအမြင်နဲ့ သုံးသပ်နိုင်စွမ်းရှိတယ်

အမေရိကမှာ ဒေါက်တာဘွဲ့ရထားတဲ့သူတွေ သူ့သက်ဆိုင်ရာ နယ်ပယ်အလိုက် အပြင်လောကမှာ လုပ်နေ ကြတာ အများကြီးပဲ။ ဒေါက်တာဘွဲ့ရထားသူတစ်ယောက်ဆိုတာ ကိုယ့်ဘဝတက်လမ်းနဲ့ အသက်မွေးမှုအတွက် သာမန်ဘွဲ့ဆိုတာတွေထက် မြင့်မားတဲ့ အခွင့်အရေးကို ပိုင်ဆိုင်ထားသူတစ်ဦးလို့ ပြောနိုင်တယ်။

ဒေါက်တာဘွဲ့ရမှ ခန့်မယ်လို့ပြောထားရင် ဒေါက်တာဘွဲ့မရထားသူတွေ လာလျှောက်လို့မရတော့ဘူး။ ဘွဲ့ရအချင်းချင်း ပြိုင်ရင်တောင် ဒေါက်တာဘွဲ့ရထားသူက ပိုပြီးတော့ အခွင့်အရေးက သာနေပြီ။ ခုဆိုရင် အမေရိကရဲ့ အလုပ်ဈေးကွက်မှာ ဒေါက်တာဘွဲ့တွေ ခေတ်စားနေတာ သက်သေပဲ။

ဒေါက်တာဘွဲ့ရထားသူတစ်ဦးဟာ သူတို့နိုင်ငံတွေမှာတော့ အချိန်ရော ငွေပါ အများကြီး ပေးဆပ်ထားခဲ့ရသူ တွေပေါ့။ ဒါကြောင့် သူတို့ကို ခေါ်ခိုင်းတဲ့သူတွေကလည်း လစာကောင်းကောင်း ပေးကြရတယ်။ ဒေါက်တာ ဘွဲ့ ဘာကြောင့်ယူကြသလဲ။ သူတို့ဆီမှာတော့ ရှင်းနေတာပဲ။ ရင်းနှီးမြုပ်နှံမှုတစ်ခုပေါ့။ များများလိုချင် များများ ရင်းနှီးထားပဲ။ ပညာနဲ့ ပတ်သက်ပြီး ရင်းနှီးရတာ ဘဝတစ်သက်လုံးအတွက် ရင်းနှီးမြုပ်နှံမှုဖြစ်နေလို့ သူတို့ဆီမှာတော့ ဒေါက်တာဘွဲ့ကိုရအောင် ရင်းနှီးမြုပ်နှံမှုတစ်ခုလို လုပ်ဆောင်နေကြတယ်။

အခြားအမြင်များ

တက္ကသိုလ်တစ်ခုခုမှာ ပညာရပ်တစ်ခုခုကို ဖွံ့ဖြိုးတိုးတက်အောင်လုပ်ရင်း ဘဝကို မြုပ်နှံသွားတဲ့ ဒေါက်တာ ပညာရှင်ကြီးတွေ အများကြီးရှိပါတယ်။ ဒါပေမဲ့ ခေတ်သစ်ဒေါက်တာတွေကတော့ သူတို့ကိုယ်တိုင်က စွန့်ဦးတီထွင်သူတွေဖြစ်လာအောင် အခြေခံအဖြစ် ဒေါက်တာဘွဲ့တွေ မရ၊ ရအောင် ကြိုးစားသင်လာကြတာတွေ လည်း များလာတယ်။ တစ်နည်းပြောရရင် အမြင့်ဆုံးပညာက အမြင့်ဆုံးတိုးတက်အောင်မြင်မှုကို ဖြစ်လာစေ လိမ့်မယ်လို့ လူငယ်တွေကလည်း ယုံကြည်လာကြတာများတယ်။ ပညာတန်ဖိုးပေါ့။

နောက်တစ်ခုက ဒေါက်တာဘွဲ့လိုချင်သူတွေဟာ သုတေသနလုပ်ရတယ်ဆိုတာ စိတ်ဝင်စားစရာကောင်းတဲ့ အချက်ပဲ။ လူငယ်တိုင်း လူကြီးတိုင်း စူးစမ်းလေ့လာရတာကို သဘောကျတယ်။ ကိုယ်မသိတဲ့ နယ်ပယ်ကို သိအောင်၊ သိတာကို ပိုပြီးသိအောင် လုပ်ချင်ကြတာ လူ့သဘာဝပဲ။ ဒါကြောင့် သိအောင်လည်း၊ တတ်အောင် လည်းသင်၊ မြင်အောင်လည်းရှုပြီး ပညာရှင် ဒေါက်တာတွေလို့ ဂုဏ်ပြုချီးမြှင့်တာကို ခံချင်လို့ ဒေါက်တာဆိုတဲ့ ဘွဲ့ကို ယူနေကြတယ်လို့ဆိုပါတယ်။

(Ref : Professional Doctorate Degree Could Benefit Your Career, Northeastern University, United State of America; Why do a Ph.D?, Ross University)

Powered by Bullraider.com