ဘန်ကောက် ကျောင်းသားအချင်းအချင်း အကြမ်းဖက်မှု ၀န်ကြီးချုပ် အရေးယူ

စက်တင်ဘာ ၆ ရက်နေ့ ကျင်းပမည့် ၀န်ကြီး အစည်းအဝေးတွင် ဘန်ကောက် ပြိုင်ဖက် ကျောင်းအချင်း ချင်းကြား ဖြစ်ပွားခဲ့သော ကျောင်းသား များရဲ့ အကြမ်း ဖက်မှု ပြဿနာကို အစီရင်ခံစာတင်ရန် ၀န်ကြီးချုပ် အဘီဆစ် က ထိုင်းပညာရေးဝန်ကြီး ချင်နာဝေါင် ဘွန်ယာကိတ် ကို ညွှန်ကြားထားသည်။

မကြာမှီရက်ပိုင်းအတွင်း နည်းပညာ ကျောင်းသားတစ်ဦးမှ ကြုံရာကျပန်း သေနတ်ပစ်ခတ်သွားသဖြင့် သေဆုံးသွားသော အသက် ၉ နှစ်အရွယ် ကျောင်းသားလေး ‘ချာတုပွန် ဖိုးလ်ဖခ’ ၏ ဈာပနကို ၅ရက်နေ့တွင် ဘန်ကောက်မြို့တော်ဝန်မှ ဦးဆောင်ပြီး အသက်မွေးဝမ်းကျောင်း ၇ ကျောင်းမှ ကျောင်းသားများ တက်ရောက်ခဲ့ကြသည်။

သေဆုံးသွားသော ချာတုပွန် သည် မင်းဘူရီ ခရိုင် Wat Bamphen Nuea အမှတ် ၃ ကျောင်းမှ ဖြစ်ပြီး ဗုဒ္ဓဟူးနေ့ မနက်တွင် ကွယ်လွန်သွားသည်။ ကျောင်းဘတ်စ်ကား စီးနေစဉ် အခြားပြိုင်ဖက် နည်းပညာကျောင်း ဘတ်စ်ကားပေါ်မှ ကျောင်းသားတစ်ဦးက ကြုံရာကျပန်းပစ်ခတ်၍ ထိမှန်ခံခဲ့ရသော ကျောင်းသားငယ်ဖြစ်သည်။ အသက် ၁၆ နှစ်ခန့်စီရှိ ကျောင်းသား သုံးဦးကိုလည်း ထိခိုက်ဒဏ်ရာများကြောင့် ဆေးရုံတင်ထားရသည်။

ဘန်ကောက်မြို့တော်ဝန်က အသုဘ အခမ်းအနား ကျင်းပမည့် Wat Bamphen Nuea ကျောင်းခြံဝင်းကို သန့်ရှင်းရေးလုပ်ပြီး ကုသိုလ်ယူကြဖို့ ညီညွတ်ကြဖို့ သင်ခန်းစာယူကြဖို့ ကျောင်းသားများကို ဦးဆောင်ပေးခဲ့သည်။ ယခု ကလေးငယ်၏ သေဆုံးမှုက ပြိုင်ဖက် ကျောင်းအချင်းချင်းကြား အသက်သေဆုံးလောက်အောင် ခြိမ်းခြောက်မှုများရှိနေသည်ကို ဆရာများ မိဘများ ပညာရေးအရာရှိများ အာရုံစိုက်ကြဖို့ ဖော်ပြကြောင်း မြို့တော်ဝန်က ပြောဆိုသွားသည်။

ဝန်ကြီးများ အစည်းအဝေးတွင် ဘန်ကောက်မြို့ အထက်တန်းကျောင်း ၄၀မှ ကျောင်းအုပ်များ ကျောင်းသား အကြမ်းဖက်မှု ပြဿနာကို ၀န်ကြီးချုပ်နှင့်အတူ ဆွေးနွေးမည်ဟု သိရသည်။

သတင်း Bangkok Post

Powered by Bullraider.com