ထူးချွန်ကျောင်းသား အများစု နိုင်ငံခြားတွင် ရောက်နေ

ငါးနှစ်တာကာလအတွင်း မြန်မာတစ်နိုင်ငံလုံး တက္ကသိုလ်ဝင်တန်း ထူးချွန်ဆုရရှိသူ Top-Ten ရရှိခဲ့ဖူးသူ များထဲမှ အများစုမှာ နိုင်ငံရပ်ခြားသို့ မိမိအစီအစဉ်ဖြင့် ရောက်ရှိနေသူများ ဖြစ်ကြကြောင်း စုံစမ်းသိရှိရသည်။

အကြောင်းမှာ နိုင်ငံရပ်ခြားရှိ မိဘ၊ ဆွေမျိုးများရှိရာသို့ အလည်အပတ်အဖြစ် သွားရောက်ရင်း နိုင်ငံခြားမှ ဘွဲ့ရသည်အထိ သင်ယူလိုခြင်း၊ အချို့မှာ ဆေးတက္ကသိုလ်တွင် တက်ရောက်နေစဉ်မှ ပြည်ပသို့ ထွက်ခွာသွားကြခြင်း၊ အချို့မှာကျောင်းပြီးမှ ပညာတော်သင်အဖြစ် သွားရောက်ခြင်းစသည်တို့ဖြစ်ကြရာ ယင်းဦးရေထဲတွင် မြန်မာနိုင်ငံသို့ ပြန်လာသူမှာ နည်းပါးနေသေးကြောင်းကိုလည်း လေ့လာတွေ့ရှိရပါသည်။

ငါးနှစ်အတွင်းမှာ Top-Tenတွေ နိုင်ငံခြားပိုထွက်လာကြသလို တခြားထူးချွန်တဲ့ကလေးတွေလည်း တော်တော်များများ နိုင်ငံခြားရောက်ကုန်ကြတယ်။ တတ်နိုင်တဲ့သူက ပိုကောင်းတဲ့နေရာကို ကိုယ့်အတွက်သင့် တော်မယ်ထင်လို့ ထွက်လာကြတယ်လို့ပဲ ယူဆပါတယ်"ဟု ရန်ကုန်ပညာရေး တက္ကသိုလ်မှ အငြိမ်းစား ဒုတိယ ပါမောက္ခချုပ်က ပြောကြားခဲ့သည်။

ဒဂုံမြို့နယ် အမှတ်(၁)အခြေခံ ပညာအထက်တန်းကျောင်းမှကျောင်း အုပ်ဆရာကြီး ဒေါက်တာအောင်ကိုကိုက"မြန်မာတစ်နိုင်ငံလုံးမှာ ထူးချွန် ကျောင်းသားတွေ နိုင်ငံခြားကို နည်းမျိုးစုံနဲ့ ရောက်သွားခြင်းဟာ တိုင်းပြည်အတွက် နစ်နာသလို ဦးနှောက် ယိုစီးမှုတွေရှိလာတယ်။ နိုင်ငံခြားအတွေ့အကြုံဆိုတာ လူငယ်တစ်ဦးအတွက် လိုအပ်ပေမယ့် အချိန်တန်ရင် ကိုယ့်နိုင်ငံကို ပြန်လာဖို့ပဲလိုတယ်။ အများစုက ပြည်ပမှာပညာသင်သွား ပြီးရင် ပြည်ပမှာပဲ နေကြတော့တယ်" ဟု ပြောကြားခဲ့ပါသည်။

ထို့ပြင် ၂၀၀၇-၂၀၀၈ ပညာ သင်နှစ်မှစတင်၍ နိုင်ငံရပ်ခြားသို့ ပြောင်းရွှေ့ပညာသင်သူဦးရေ သိသာစွာတိုးလာခဲ့သည့်အပြင် အလယ်တန်း ပညာသင်ယူနေသူ ကျောင်းသား၊ ကျောင်းသူများပင် ပြည်ပသို့ ထွက် ခွာပညာသင်ယူမှု ပိုမိုလာခဲ့ကာ နှစ်စဉ်အောင်ချက် ရာခိုင်နှုန်းမြင့်မားသော အထက(၁)ဒဂုံကျောင်းအနေဖြင့်မူ ယေဘုယျအားဖြင့် နှစ်စဉ်ပြည်ပ ထွက်ခွာသူ ၁၀ ဦးနှင့်အထက် ရှိနေကြောင်း ၎င်းက ဆက်လက်ပြောပြခဲ့သည်။ ငါးနှစ်တာကာလအတွင်း၌ က မြန်မာတစ်နိုင်ငံလုံး ထူးချွန်ဆုရှင်များထဲမှ ပထမရရှိသူအချို့သည်လည်း ပြည်ပသို့ထွက်ခွာ ပညာသင်ယူမှုများလည်း ရှိနေရာ တက္ကသိုလ်ဝင်တန်း အောင်မြင်ပြီးသည်နှင့် ထွက်ခွာသွား ကြသူများဖြစ်ကြောင်း သိရသည်။

နှစ်စဉ် မြန်မာတစ်နိုင်ငံလုံး ထူးချွန်ဆုရရှိသူအများစု ထွက်လေ့ရှိကြသည့် အခြေခံပညာ ကျောင်းများမှာ အထက(၁)ဒဂုံ၊ အထက(၂)လသာ၊ အထက(၂)စမ်းချောင်း၊ ပညာရေး တက္ကသိုလ်လေ့ကျင့်ရေး အထက်တန်း ကျောင်း(ကမာရွတ်)တို့ဖြစ်ပြီး ယင်းတို့မှလည်း အလယ်တန်းအဆင့်၊ အထက်တန်းအဆင့် ကျောင်းသားများ ပြည်ပရှိ အစိုးရကျောင်းများသို့ ကူးပြောင်းတက်ရောက်မှု နှစ်စဉ်ရှိနေကြ ကြောင်း သိရသည်။ ယင်းကျောင်းများထဲမှ အထက(၁)ဒဂုံ၏ Top-Ten ထူးချွန်ဆုရှင် မှတ်တမ်းတင်စာရင်းများအရ ၂၀၀၅-၂၀၀၆ တွင် ငါးဦး၊ ၂၀၀၆-၂၀၀၇ တွင် လေးဦး၊ ၂၀၀၇-၂၀၀၈ တွင် ရှစ်ဦး၊ ၂၀၀၈ -၂၀၀၉ နှစ်ဦး၊ ၂၀၀၉-၂၀၁၀ တွင် ငါးဦးတို့ရရှိခဲ့ကြပြီး မြန်မာတစ်နိုင်ငံ လုံး ထူးချွန်ဆုရှင်များထဲမှ ငါးနှစ်တာအတွင်း ၂၀၀၈-၂၀၀၉ နှင့် ၂၀၀၉-၂၀၁၀ နှစ်နှစ်ဆက်တိုက် ပထမဆုရှင်များမှာ အထက(၂) စမ်းချောင်းမှ ဖြစ်သည်။

Source: Eleven Media Group

Powered by Bullraider.com