မဲဆောက်ရှိ မြန်မာ စာသင်ကျောင်း ထမင်းစား ဆောင် ပြိုကျ

ထိုင်း - မြန်မာ နယ်စပ် မဲဆောက်နှင့် ၄ မိုင်ခန့်အကွာရှိ မယ်ပ အထက်တန်းကျောင်း ထမင်းစားဆောင် ယနေ့ နေ့လယ် ၁၂ နာရီခန့် က ပြိုကျခဲ့ရာ ကလေးငယ် ၃၀ ခန့် ထိခိုက်ဒဏ်ရာ ရရှိသွားကြောင်း သိရသည်။

BHSOH ကျောင်းမြင်ကွင်း


“ကလေးတွေ ထမင်းစားနေတဲ့အချိန် ပြိုကျတာဆိုတော့ ရေနွေးပူ လောင်တဲ့ ကလေးတွေ ရှိတယ် ၊ ထုပ်တန်း ပိတာတွေ ရှိတယ် ၊ အသေအပျောက်တော့ မရှိပါဘူး"ဟု အဆိုပါ ကျောင်းမှ ကျောင်းဆရာ ဦးခိုင်ဦးမောင် က ပြောသည်။

ပြိုကျခဲ့သည့် ထမင်းစားဆောင်သည် ပေ၂၀ ပတ်လည် သွပ်မိုး ၊ သစ်ကာဖြစ်ပြီး အဆောက်အအုံ သက်တမ်း ၁၅ နှစ်ခန့်ရှိပြီ ဖြစ်ကြောင်း သိရသည်။

ကလေးများကို မယ်တော်ဆေးခန်းသို့ ကနဦး ပြသ၍ ကုသမှုခံယူခဲ့ကြပြီး မွန်းလွဲ ၂ နာရီခန့်တွင် မိဘများထံ ပြန်လည် ပို့ဆောင် လိုက်ပြီဖြစ်ကြောင်း ဆရာ ဦးခိုင်ဦးမောင် က ပြောသည်။

၎င်းက “ဒဏ်ရာ ပြင်းတဲ့ ကလေးတွေ ၁၀ ယောက်လောက် ရှိတယ် ၊ ဆေးရုံတင်ပေးဖို့က ကျနော်တို့ ကျောင်းမှာ ရန်ပုံငွေ မရှိဘူး ၊ ဒါ့ကြောင့် လောလောဆယ် မိဘတွေဆီ ပြန်ပို့လိုက်တယ် ၊ အလှူငွေလေး ဘာလေးရရင်တော့ ကလေးတွေကို ဆေးကု စရိတ် ထုတ်ပေးနိုင်မှာပေါ့"ဟု ဆိုသည်။

မယ်ပ အထက်တန်းကျောင်းသည် မြန်မာရွှေ့ပြောင်း အလုပ်သမားများ၏ သားသမီးများအား အခမဲ့ ပညာသင်ပေးနေသော ကျောင်းဖြစ်ပြီး ယခုနှစ်တွင် ကျောင်းသား ၃၄၅ ဦး တက်ရောက် ပညာသင်နေကြောင်း သိရသည်။

“ဒီအဆောင်ကို ပြင်ပေးဖို့ အိမ်ရှင်ကို ခဏခဏ ပြောပါတယ် ၊ အရင် အိမ်ပိုင်ရှင် ထိုင်း အဘိုးကြီး လက်ထက်ကတော့ လိုအပ်တာ ပြောရင် ပြင်ပေးတယ် ၊ အခု သူ့သမီးတွေ လက်ထက်မှာ ပြုပြင်မှု သိပ်လုပ်မပေးတော့ဘူး ၊ ကျနော်တို့မှာလည်း ပြုပြင်ဖို့  ရန်ပုံငွေ တွေ ဘာတွေ မရှိဘူးဗျ"ဟု ကျောင်းအုပ်ဆရာကြီး ဦးဌေးလှိုင်က ပြောသည်။

အဆိုပါ ကျောင်းကို ၁၉၉၉ ခုနှစ်က စတင် တည်ထောင်ခဲ့ခြင်းဖြစ်ပြီး နယ်စည်းမခြားကူညီရေးအသင်းက ထောက်ပံ့ပေးနေခြင်း ဖြစ်ကြောင်း သိရသည်။

မဲဆောက်တွင် မြန်မာပြည်သား ကလေးငယ်များအား ပညာသင်ကြားပေးနေသော အထက်တန်းကျောင်း ၅ ကျောင်း ရှိသည်။

Source : ဧရာဝတီသတင်းဌာန

Powered by Bullraider.com