ဂျပန်နိုင်ငံဆရာ ဆရာမများ တစ်ပတ် နာရီ ၆၀ စာသင်

http://www.japantimes.co.jp/wp-content/uploads/2015/02/z1-kikuchi-yui-aragaki-a-20150227-870x579.jpg

ဂျပန်နိုင်ငံ အစိုးရကျောင်းများတွင် တာဝန်ယူနေကြရသည့် ဆရာ ဆရာမ အများစုသည် တစ်ပတ်လျှင် နာရီ ၆၀ ခန့် စာသင်ကြားသည့် တာဝန်များကို ထမ်းဆောင်နေကြရကြောင်း The Asahi Shimbun သတင်းတွင် ဖော်ပြထားသည်။

ဂျပန်နိုင်ငံ ပညာရေးအရည်အသွေးမြင့်မားရေးအတွက် အထက်တန်းနှင့် အလယ်တန်းကျောင်းများမှ ဆရာ ဆရာမ ၈၇ ရာခိုင်နှုန်းခန့်သည် တိုင်းပြည်အတွင်းရှိ ဆရာဝန်နှင့် အခြားလုပ်ငန်းများမှ အလုပ်သမားများ ထက်ပင် အချိန်ပိုအလုပ်ဆင်းကာ တာဝန်များကို ထမ်းဆောင်နေကြရကြောင်း ယင်းသတင်းကဆိုသည်။

အထူးသဖြင့် အလယ်တန်းကျောင်းများမှ အားကစားဆရာများသည် နံနက်ခင်းတွင် ကျောင်းကို ၇ နာရီမတိုင်မီ ကတည်းကရောက်နေကြရပြီး ည ၉ နာရီမှ ပြန်ကြရသည်။

ဂျပန်နိုင်ငံ အလုပ်သမားဥပဒေအရ ပြဋ္ဌာန်းထားသည်မှာ အလုပ်သမားတစ်ဦးလျှင် တစ်ပတ် နာရီ ၄၀ နှင့် တစ်ရက် ၈ နာရီသာ လုပ်ကိုင်ခွင့်ပြုထားသော်လည်း ဆရာ ဆရာမများအနေဖြင့် အချိန်ပို တာဝန်များကို ထမ်းဆောင်နေကြရကြောင်း Research Institute for Advancement of Living Standards အဖွဲ့က သုတေသန ပြုထားသည်။

ပညာရေးဝန်ကြီးဌာန ဝန်ကြီး ဟီရိုကာဇူ မတ်ဆူနိုက ဇန်နဝါရီ ၆ ရက်နေ့တွင် ဆရာများ၏ အလုပ်ချိန်ကို လျှော့ချ ပေးမည်ဟု ထုတ်ပြန်ကြေညာခဲ့သည်။

ဝါဆေဒါတက္ကသိုလ်မှ ပါမောက္ခ ဆာဝါကို ယူဖူက “ ဆရာတွေက သူတို့ကိုယ်သူတို့ ပျက်စီးအောင် လုပ်နေကြတာ။ သူတို့က အချိန်တွေအများကြီး တပည့်တွေကို ပေးထားပြီး သူတို့ကလေးတွေကို ဂရုစိုက် သင်ကြားရမယ်လို့ ထင်နေကြတာ။ သူတို့ဘဝ သူတို့အတွက် လေ့လာသင်ကြားဖို့ အချိန်တွေကို မေ့နေကြတာ။ သူတို့ မလေ့လာ မသင်ယူရင် ပညာရေးဟာ ပိုပြီးတော့ နိမ့်ကျသွားမယ်ဆိုတာ သတိမမူကြဘူး။ ဒီလိုလုပ်နေလို့ ကွာလတီပညာရေးဆိုတာ ရလာမှာ မဟုတ်ဘူး” ဟု ဝေဖန် ပြောကြားသွားသည်။

Powered by Bullraider.com