ဗီယက်နမ် အိုင်တီဖွံ့ဖြိုးရေးလုပ်ဆောင်ရန် လူသားရင်းမြစ်များ ရှားပါးဟုဆို

http://img.cdn2.vietnamnet.vn/Images/english/2015/01/12/09/20150112095346-1.jpg

ဖေဖော်ဝါရီလ ၁၃ ရက်နေ့က ဗီယက်နမ်နိုင်ငံ Hoa Lac Hi-Tech Park နည်းပညာဇုံတွင် ကျင်းပပြုလုပ်သည့် F-Ville ဆော့ဖ်ဝဲရွာဖွင့်လှစ်ပွဲတွင် ဒုတိယဝန်ကြီးချုပ် ဗူဒတ်ဒမ်က မိမိတို့နိုင်ငံကို အိုင်တီဖြင့် ဖွံ့ဖြိုးတိုးတက်စေ ရန် ရည်ရွယ်လုပ်ဆောင်နေသော်လည်း လူသားရင်းမြစ်များ ရှားပါးနေသေးကြောင်း ပြောကြားချက်ကို Vietnam Net သတင်းတွင်ဖော်ပြထားသည်။

ဒုဝန်ကြီးချုပ်က ဗီယက်နမ်နိုင်ငံတွင် အိုင်စီတီလုပ်ငန်းများ လုပ်ဆောင်ရန် ပညာရှင်ပေါင်း တစ်သန်းခန့် လိုအပ်လျက်ရှိသော်လည်း လာရောက်ဆက်သွယ်ပြီး လုပ်ကိုင်နေကြသူပေါင်း သုံးသိန်းခန့်သာရှိသဖြင့် အရည် အသွေးမြင့်မားသော ပညာရေးကို ဖော်ဆောင်ရန်နှင့် ကုမ္ပဏီများ၏ ပူးပေါင်းဖြည့်ဆည်းကူညီမှုများ လိုအပ် လျက်ရှိကြောင်း ပြောကြားသည်။

ဒုဝန်ကြီးချုပ်သည် တစ်နေ့တည်းမှာပင် FPT တက္ကသိုလ်သို့သွားရောက်ခဲ့ပြီး ကျောင်းသားများအား နည်းပညာ သည် နိုင်ငံတစ်နိုင်ငံ ဖွံ့ဖြိုးတိုးတက်ရေးအတွက် အရေးကြီးကြောင်း၊ အထူးသဖြင့် စတုတ္ထစက်မှုခေတ်ပြောင်း တော်လှန်ရေးဟုခေါ်သည့် နည်းပညာတိုးတက်ဖွံ့ဖြိုးရေးအတွက် လိုအပ်ချက်များကို ဖြည့်ဆည်းပေးနိုင်ရန် ကြိုးစားကြစေလိုကြောင်း အားပေးစကား ပြောကြားခဲ့သည်။

ဗီယက်နမ်နိုင်ငံတွင် လူငယ်စွမ်းအားစုများစွာ ရှိနေပြီး အစိုးရအနေဖြင့် အိုင်စီတီဘက်တွင် အဖွံ့ဖြိုးအတိုးတက် ဆုံးနိုင်ငံဖြစ်စေရန် ဆောင်ရွက်နေသော်လည်း E-government အဆင့်တွင် အဆင့် ၈၀ မှ ၉၀ ကြားသာ ရှိသေးကြောင်း ယင်းကဆိုသည်။

ကမ္ဘာ့အိုင်စီတီဝန်ဆောင်မှုဆိုင်ရာ လုပ်ငန်းကြီးသည် ဒေါ်လာ ၉၄၃ ဘီလီယံခန့်ရှိသော်လည်း မိမိတို့ ဗီယက်နမ် နိုင်ငံအနေဖြင့် ဒေါ်လာ ၃ ဘီလီယံခန့်သာ ဈေးကွက်ကို ဝင်ယူနေသေးသဖြင့် လိုအပ်ချက်များစွာ ရှိသေး ကြောင်းလည်း သတိပေးခဲ့သည်။

အစိုးရသည် အိုင်စီတီဖြင့် နိုင်ငံတော်ဖွံ့ဖြိုးတိုးတက်စေရန် ကြံဆောင်နေသော်လည်း နောက်ကျနေခြင်းမှာ လူသားအရင်းအမြစ်နှင့် အရည်အသွေးပြည့်မီသည့် ကျွမ်းကျင်ပညာရှင်များ နည်းပါးနေသေးသောကြောင့် ဖြစ်ကြောင်း၊ တက္ကသိုလ်ပညာရေးသည် ကုမ္ပဏီများလိုအပ်ချက်ကို ပြည့်မီအောင် မဖြည့်ဆည်းပေးနိုင်သေး ကြောင်း ထောက်ပြခဲ့သည်။

ဗီယက်နမ်နိုင်ငံအနေဖြင့် ဆက်သွယ်ရေးတွင် 3G လောက်ဖြင့် မကျေနပ်နေသင့်ကြောင်း၊ 4G အဆင့်ကို အမြန်ဆုံးခုန်တက်ကာ 2G ကို လုံးဝမသုံးသင့်တော့ကြောင်း၊ စတုတ္ထစက်မှုခေတ်ပြောင်းတော်လှန်ရေးအတွက် စင်ကာပူနှင့် အမေရိကန်ပြည်ထောင်မှ လုပ်ငန်းရှင်များ ပူးပေါင်းပါဝင်လာစေရန် ကြိုးပမ်းရန်လိုကြောင်းလည်း ဒုဝန်ကြီးချုပ်ကဆိုသည်။

Hoa Lac Hi-Tech Park ကို ကမ္ဘာ့ဆော့ဖ်ဝဲဗဟိုဌာနကြီးအဖြစ် ရင်းနှီးမြှုပ်နှံ လုပ်ဆောင်သွားမည်ဟု ယင်းကဆိုသည်။

Powered by Bullraider.com