လူသားက မိမိတို့အပေါ် မည်သို့ဆက်ဆံမည်ကို ခွေးများကကြိုတင်သိ

https://i1.wp.com/weloveanimals.me/wp-content/uploads/2016/10/20-dog-owner-reminders-8.jpg?resize=640%2C480&ssl=1

ခွေးများသည် မိမိတို့ သခင် သို့မဟုတ် အခြားလူစိမ်းများက မည်သို့ ပြုမူဆက်ဆံတော့မည်ကို ကြိုတင် ခန့်မှန်း သိနိုင်စွမ်းရှိပြီး လိုက်လျောညီထွေစွာ တုံ့ပြန်တတ်ကြောင်း Neuroscience and Biobehavioral Reviews သတင်းတွင် ဖော်ပြထားသည်။

ကနေဒါနှင့် ဂျပန်နိုင်ငံတို့မှ သိပ္ပံပညာရှင်များ ပူးပေါင်းပြီး တွေ့ရှိချက်များကို အခြေခံကာ ရေးသားထားသည့် စာတမ်းထဲတွင် ကွန်တိန်နာထဲ၌ ခွေးတစ်ကောင်ထည့်ထားပြီး အပြင်တွင် လူနှစ်ယောက်ရပ်နေကြောင်း၊ တစ်ဦးက ခွေးကို ရန်မူမည့်သူဖြစ်ပြီး တစ်ဦးက ရန်မူမည့်သူမဟုတ်ကြောင်း၊ ကွန်တိန်နာကို ဖွင့်ပေးလိုက်ရာ ခွေးက မိမိကို ရန်မမူမည့်သူထံသို့သာ သွားပြီး ရောနှောကျွမ်းဝင်မှုလုပ်ခဲ့ကြောင်း ရေးသားထားသည်။

နှစ်နိုင်ငံပညာရှင်များက ခွေးများသာမက ကာပူချင် မျောက်မျိုးများသည်လည်း ခွေးများကဲ့သို့ပင် မိမိတို့အပေါ် ရန်မူမည့်သူနှင့် ချစ်ခင်တတ်သူများကို ခွဲခြားသိနိုင်စွမ်းရှိကြောင်း New Scientist တွင်ရေးသားထားသည်။

Powered by Bullraider.com