တရုတ် ကျောင်းသုံး သင်္ချာပြဋ္ဌာန်းစာအုပ်အား ဗြိတိန်ကျောင်းများအတွက် ဘာသာပြန်

http://www.thehindu.com/todays-paper/tp-national/article17548172.ece/ALTERNATES/LANDSCAPE_615/21th-chinesebooG0C1F63AR3jpgjpg

ဗြိတိန်နိုင်ငံမှ ကျောင်းသားများသည် တရုတ်နိုင်ငံတွင် ကျောင်းသုံးစာအုပ်အဖြစ် ပြဋ္ဌာန်းထားသည့် သင်္ချာ ဘာသာရပ်များကို အင်္ဂလိပ်လို ဘာသာပြန်ထားခြင်းအား လေ့လာသင်ယူနိုင်တော့မည်ဖြစ်သည်။ ဗြိတိန်နိုင်ငံ HarperCollins စာအုပ်တိုက်နှင့် ရှန်ဟိုင်းစာအုပ်တိုက်တို့ ပူးပေါင်းပြီး အင်္ဂလိပ်ဘာသာပြန်ဆိုမှုများကို လုပ်ဆောင်ကာ ဗြိတိန်ကျောင်းများတွင် အသုံးပြုသွားမည်ဖြစ်ကြောင်း The Guardian သတင်းတွင် ဖော်ပြထားသည်။

တရုတ်နိုင်ငံ ရှန်ဟိုင်းနှင့် ဘေကျင်းမြို့များမှ ကျောင်းသား ကျောင်းသူများသည် သင်္ချာဘာသာရပ်တွင် ထူုးချွန် သူများဖြစ်နေပြီး ဗြိတိန်ကျောင်းသားများက သင်္ချာညံ့လွန်းနေသောကြောင့် တရုတ်တို့၏ သင်္ချာဘာသာရပ် လေ့လာမှုအား ဗြိတိန်မှလေ့လာဆန်းစစ်နိုင်ရန် သင်ကြားပေးမည်ဖြစ်ကြောင်း ယင်းသတင်းကဆိုသည်။

HarperCollin စာအုပ်တိုက်သည် တရုတ်နိုင်ငံမှ သင်္ချာစာအုပ် ၃၆ မျိုးကို ဘာသာပြန်ဆိုသွားရန် လန်ဒန်တွင် ကျင်းပနေသည့် စာအုပ်ပွဲတော်တွင် တရုတ်တို့နှင့် လက်မှတ်ရေးထိုးသွားခဲ့ကြောင်း China Daily သတင်းတွင် လည်း ရေးသားထားသည်။

ဗြိတိန်သမိုင်းတွင် တစ်ကြိမ်မှ မရှိခဲ့ဖူးသော အဖြစ် အပျက်တစ်ခုဖြစ်ကြောင်း၊ တရုတ်ကျောင်းသားများ သင်ကြားနေရသည့်အတိုင်း တိကျစွာ ဘာသာပြန်ပြီး ဗြိတိန်နိုင်ငံတွင် သင်ကြားမည်ဖြစ်သည့်အတွက် ဂုဏ်ယူ စရာကောင်းကြောင်း ယင်းသတင်းကဆိုသည်။

တရုတ်နိုင်ငံ ဘေကျင်း၊ ရှန်ဟိုင်း၊ ကွမ်ကျိုး၊ ကျင်စုပြည်နယ်များမှ ကျောင်းသားများသည် သင်္ချာဘာသာရပ်တွင် အလွန်ထူးချွန်သူများဖြစ်ကြပြီး ကမ္ဘာ့ သင်္ချာအတော်ဆုံး အဆင့် နံပါတ် ၅ နေရာတွင်ရှိနေသည်။ ဗြိတိန်နိုင်ငံ ကျောင်းသားများသည် ကမ္ဘာ့သင်္ချာအဆင့်တွင် နံပါတ် ၂၇ နေရာ၌ ရှိနေကာ ပေါ်တူဂီနှင့် ချက်သမ္မတနိုင်ငံ တို့ထက်နောက်ကျနေသောကြောင့် ဗြိတိန်က သင်္ချာကိုအလေးထားဆောင်ရွက်လာရခြင်းဖြစ်ကြောင်း The Guardian တွင် ရေးသားထားသည်။

“ဗြိတိသျှ ပညာရေးစနစ်က လူတစ်ဦးချင်းစီရဲ့ အရည်အသွေးကို အဓိကထားလွန်းတယ်။ အများနဲ့ စုပေါင်းပြီး လုပ်ရတဲ့ ကိစ္စတွေကို လျစ်လျူရှုထားလွန်းတဲ့အတွက် ဒီလိုဖြစ်နေရတာပါ” ဟု ရှန်ဟိုင်း Jiaotong တက္ကသိုလ်မှ ပညာရေးသုတေသီ ရှောင်ပင်ကျိက ပြောကြားသည်။

Powered by Bullraider.com