အိန္ဒိယနိုင်ငံတွင် တက္ကသိုလ် ၂၃ ခုနှင့် နည်းပညာတက္ကသိုလ် ၂၇၉ ခုတို့သည် အတုများဟုဆို

http://i.dailymail.co.uk/i/pix/2015/07/01/22/2A2712D200000578-3146325-Most_of_the_fake_universities_are_in_Uttar_Pradesh_But_Delhi_com-a-32_1435786316754.jpg

အိန္ဒိယနိုင်ငံ ဒေလီမြို့တွင် ကောလိပ်အတုပေါင်း ၆၆ ခုကို ဖော်ထုတ်တွေ့ရသဖြင့် နိုင်ငံအတွင်း အများဆုံး ပညာသင်ဌာန အတုများကို ဖွင့်လှစ်ထားရာ နေရာဖြစ်နေပြီး၊ တရားဝင်ဖွင့်လှစ်ခြင်း ခွင့်မပြုထားသော တက္ကသိုလ် ၂၃ ခုနှင့် နည်းပညာ အင်ဂျင်နီယာတက္ကသိုလ်ပေါင်း ၂၇၉ ခုကိုလည်း ဖော်ထုတ်တွေ့ရှိခဲ့ရကြောင်း Hindustan Times သတင်းတွင်ဖော်ပြထားသည်။

ယင်းအတုလုပ်ထားသော တက္ကသိုလ် ကောလိပ်များမှ ပေးအပ်သည့် ဘွဲ့များကို အစိုးရက အသိအမှတ် မပြုဘဲ၊ ယင်းဌာနများက ထုတ်ပေးထားသည့် အောင်လက်မှတ် ဘွဲ့လက်မှတ်များမှာ စက္ကူတစ်ခုသာဖြစ်ကြောင်း တက္ကသိုလ်များ ခွင့်ပြုပေးသည့် ကော်မရှင်က ထုတ်ပြန်ထားသည်။

အိန္ဒိယနိုင်ငံမှ UGC (University Grants Commission) အဖွဲ့က ပြည်နယ်ပေါင်း ၇ ခုတွင် ဖွင့်လှစ်ထားသော တက္ကသိုလ် ၂၃ ခုမှာ အတုများဖြစ်နေကြောင်း ပြောကြားသည်။

အိန္ဒိယနိုင်ငံအတွင်း တက္ကသိုလ်၊ ကောလိပ် Website အတုများသည် အလွန်ခေတ်စားနေပြီး လာမည့် လအတွင်း သူတို့သင်တန်းများ ဖွင့်တော့မည်ဆိုသည့် သတင်းများကို တင်ထားကာ ကျောင်းတက်လိုသူများကို လိမ်လည် မက်လုံးပေးလျက်ရှိကြသည်။

UGC မှ တာဝန်ရှိသူများက အစိုးရခွင့်မပြုထားသော နည်းပညာတက္ကသိုလ်များနှင့် တက္ကသိုလ်အတုများ စာရင်းကို ထုတ်ပြန်ထားပြီးဖြစ်ကြောင်း တာဝန်ရှိသူတစ်ဦးက ပြောကြားသည်။

ပြည်သူများ သတိပြုမိရန်အတွက် သတင်းစာနှင့် မီဒီယာများတွင် ထုတ်ပြန်သွားမည်ဖြစ်ကြောင်း၊ ကျောင်းသား နှင့် မိဘများအနေဖြင့်လည်း ယင်းပညာသင်ဌာန အတုများကို တွေ့ရှိဆက်ဆံမိနေပါက ရဲတပ်ဖွဲ့သို့ အမြန်ဆုံး တိုင်ကြားရန်လိုကြောင်းလည်း ယင်းကဆိုသည်။

UGC အနေဖြင့် ထိုတက္ကသိုလ်၊ ကောလိပ်များက အောင်မြင်ထားသည်ဆိုသော ကျောင်းသားများ၏ ဘွဲ့များကို အသိအမှတ်ပြုမည် မဟုတ်ဘဲ၊ ထိုသို့ထုတ်ပြန်ခဲ့သည့်အတွက် ကျောင်းများစွာက အောင်မြင်ထားသည့် ဘွဲ့ရ ထားသူများ အနေဖြင့်လည်း အခက်အခဲများ ရင်ဆိုင်ရဖွယ်ရှိကြောင်း Hindustan Times တွင် ရေးသားထား သည်။

UGC ကထုတ်ပြန်ထားသည့် တက္ကသိုလ်၊ ကောလိပ်အတုစာရင်းကို www.ugc.ac.in တွင်လည်းကောင်း www.aicte-india.org Website များထဲတွင်လည်းကောင်း အသေးစိတ် ဝင်ရောက်ကြည့်ရှုနိုင်ကြောင်း အစိုးရက သတိပေးထားသည်။

Powered by Bullraider.com