ခြင်မှဖြစ်ပွားသည့် ကူးစက်ရောဂါများကို စမတ်ဖုန်းဖြင့် စစ်ဆေးနိုင်မည်

https://remotehealth.tamu.edu/wp-content/uploads/2015/09/Cote-web.jpg

အမေရိကန်ပြည်ထောင်စု ကာလီဖိုးနီးယားပြည်နယ်၊ လစ်ဗာမိုးရှိ Sandia National Lab မှ သုတေသီများသည် ကျန်းမာရေးလုပ်သားများကို ခြင်မှဖြစ်ပွားစေတတ်သည့် Zika, Dengue, Chikungunya စသည့် ရောဂါ များအား စမတ်ဖုန်းများဖြင့် စစ်ဆေးနိုင်မည့် နည်းများကို တီထွင်နိုင်ခဲ့ကြောင်း Reuters သတင်းတွင်ဖော်ပြ ထားသည်။

ယင်းသုတေသနဌာနမှ ပညာရှင်များသည် LAMP ဟုခေါ်သည့် ဆေးသေတ္တာလေးတစ်ခုကို တီထွင်ခဲ့ပြီး သေတ္တာအတွင်း ထည့်သွင်းထားသော 3D ပရင်တာဖြင့် ပုံစံထုတ်ထားသည့် ခွက်လေးများထဲသို့ စစ်ဆေးမည့် သူ၏ သွေးနမူနာအနည်းငယ်ကိုထည့်ကာ စမတ်ဖုန်းဖြင့် ချိတ်ဆက်ပြီး ခြင်ကဖြစ်ပွားသည့် ရောဂါများရှိ၊ မရှိကို အလွယ်တကူစစ်ဆေးနိုင်ကြောင်း ယင်းသတင်းကဆိုသည်။

ခြင်မှဖြစ်ပွားသည့် ရောဂါများ ရှိ၊ မရှိကို စစ်ဆေးမည့် ပစ္စည်းတစ်စုံတန်ဖိုးမှာ ဒေါ်လာ ၁၀၀ ခန့်သာကျသင့်ပြီး သံသယရှိသူထံမှာ တံတွေး၊ ဆီးနှင့် သွေးများကို ပုံစံခွက်ထဲထည့်သွင်းစေပြီး စစ်ဆေးနိုင်မည်ဖြစ်ကာ လူတစ်ဦးလျှင် စစ်ဆေးခအဖြစ် ဒေါ်လာ ၂၀ ခန့်သာ ကျသင့်မည်ဖြစ်သည်။

စမတ်ဖုန်းများ လူတိုင်းကိုင်ဆောင်လာနိုင်ခြင်းနှင့် ရောဂါဝေဒနာ စစ်ဆေးစမ်းသပ်နည်းများကို စမတ်ဖုန်း အခြေခံ ဆော့ဖ်ဝဲများ တီထွင်ပေးလာနိုင်ခြင်းက အလွယ်တကူ အဖြေရှာပြီး အချိန်မီ ကုသမှုများကို လုပ်ဆောင် ပေးလာနိုင်ကြောင်း၊ ဆေးရုံ၊ ဆေးခန်းများတွင် ဒေါ်လာ ၂၀၀၀၀ ခန့်အကုန်အကျခံပြီးမှ အဖြေထုတ်နိုင်မည့် စက်များကို တည်ဆောက်ရခြင်းထက်၊ အချိန်မရွေး နေရာမရွေး လူတိုင်း အဖြေရှာနိုင်သည့် ခေတ်ကို ရောက်လာပြီဖြစ်ကြောင်း တီထွင်သူများကပြောကြားသည်။

Sandia သုတေသနအဖွဲ့မှ ရောဘတ် မက်ဟာ ဦးဆောင်သော ပညာရှင်အဖွဲ့သည် LAMP ဟုအမည်ပေးထား သော ခြင်မှဖြစ်ပွားသည့် ရောဂါစမ်းသပ်ရေး သေတ္တာကို နှစ်ပေါင်းများစွာ စမ်းသပ်တီထွင်ခဲ့ရပြီး မကြာမီ ဈေးကွက်တင်ရန် ပြင်ဆင်နေပြီဖြစ်သည်။

Powered by Bullraider.com