ရေပေါ်လမ်းလျှောက်နိုင်မည့် လေ့ကျင့်ကိရိယာတီထွင်

http://images.gizmag.com/gallery_lrg/waterblade.jpg

ဝါရှင်တန်၊ မေ ၂၆

ကျန်းမာရေးလေ့ကျင့်သူများ အထူးအကြိုက်တွေ့စေမည့် ရေပေါ်လမ်းလျှောက်နိုင်သော ပစ္စည်းတစ်မျိုးကို လာ့စ် ဗီးဂတ်စ် တွင်နေထိုင်သည့် အင်ဂျင်နီယာတစ်ဦးဖြစ်သူ ဂါမယ်လီ ခရုဇ်က တီထွင်ခဲ့ကြောင်း GizMag သတင်းတွင်ဖော်ပြထားသည်။

လျှပ်စစ် ဘက်ထရီစွမ်းအင်၊ မော်တာစွမ်းအားများဖြင့် တီထွင်ထားသည့် ယင်းရေပေါ်လမ်းလျှောက်ဘုတ်ပြားကို WaterBlade ဟုအမည်ပေးထားပြီး ရေကန်များ၊ ရေကူးကန်များတွင် လေ့ကျင့်စီးနိုင်မည်ဖြစ်ကြောင်း ယင်းသတင်းက ဆိုသည်။

အလေးချိန် ၅၅ ပေါင်ရှိသည့် ယင်းဘုတ်ပြားကို ခြေထောက်၊ ကိုယ်ခန္ဓာအချိန်အဆ လှုပ်ရှားမှုများဖြင့် အနှေးအမြန်ကို ထိန်းနိုင်မည်ဖြစ်သဖြင့် ကိုယ်ပိုင်တီထွင်ချိန်ဆမှုများလိုအပ်ပြီး ဟန်ချက်အထူးလိုအပ်မည်ဖြစ်သည်။

ယင်း ဘုတ်ပြားအတွင်း 0.85-HP မော်တာတစ်လုံးကို ထည့်ထားပြီး၊ မော်တာကို လစ်သီယမ်ဓာတ်ခဲ ၆၂၄ ဝပ်၊ ၁၂ ဗို့အားဖြင့် မောင်းနှင်ရမည်ဖြစ်သည်။

ခြေထောက်အချိန်အဆဖြင့် ရှေ့သို့တိုးနိုင်သည့် အမြန်နှုန်း ငါးမျိုး၊ နောက်ပြန်ဆုတ်နိုင်သည့် အမြန်နှုန်း သုံးမျိုးကိုလည်း ထည့်သွင်းထားသည်။

တစ်နာရီလျှင် အမြန်ဆုံး ခြောက်မိုင်နှုန်းမောင်းနှင်နိုင်ပြီး ဓာတ်ခဲတစ်ကြိမ်အားသွင်းထားလျှင် ငါးနာရီအကြာ ရေပေါ်တွင် လမ်းလျှောက်သကဲ့သို့ စီးနိုင်ကြောင်း GizMag သတင်းတွင်ရေးသားထားသည်။

Powered by Bullraider.com