တက်တူးထိုးခြင်းဖြင့် အရေပြားဆိုင်ရာ ပြဿနာများဖြစ်ပေါ်နိုင်ဟုဆို

http://www.arttattooschools.com/Portals/138307/images/infected-tattoo.jpg

တက်တူးအရုပ်များထိုးသူ ၁၀ ဦးလျှင် တစ်ဦးသည် အရေပြားဆိုင်ရာ ရောဂါဝေဒနာများ ခံစားနေရသောကြောင့် သတိထား ကြရန် နယူးယော့ခ်မြို့မှ အရေပြားအထူးကုဆရာဝန် ဒေါက်တာ မာရီ လီဂါ၏ ပြောဆိုချက်ကို Live Science သတင်း တွင် ဖော်ပြထားသည်။

ဒေါက်တာ မာရီက သူမ၏ဆေးခန်းကို လာရောက်ပြသသူအများစုမှာ အရေပြားပေါ်တွင် တက်တူးထိုးခြင်းကြောင့်ဖြစ် ကြောင်း၊ ဆေးထိုးအပ်၊ မင်စသည့်ပြဿနာများကြောင့် ဆိုးရွားစွာ ဝေဒနာခံစားနေကြရကြောင်း ပြောကြားသည်။

ဒေါက်တာမာရီနှင့်အဖွဲ့သည် နယူးယော့ခ်မြို့ ဗဟိုပန်းခြံတွင် တက်တူးထိုးထားသည့် လူပေါင်း ၃၀၀ ကျော်ကို သုတေသနပြု လုပ်ခဲ့ပြီး အမျိုးသား ၁၄၉ ဦးနှင့် အမျိုးသမီး ၁၅၁ ဦးတို့ကို တွေ့ဆုံမေးမြန်းခဲ့ရာတွင် တက်တူးထိုးပြီးသူ ၁၀ ဦးတွင် တစ်ဦး သည် စိတ်မသက်မသာဖြစ်ရလောက်အောင် ဝေဒနာများခံစာနေရကြောင်း တွေ့ရှိခဲ့ရသည်ဟုဆိုသည်။

Powered by Bullraider.com