မြို့တော်ပြည်သူ့နီတိ ပြိုင်ပွဲကျင်းပမည်

https://www.irrawaddy.com/wp-content/uploads/2015/12/Tender-YCDC.jpg

ရန်ကုန်မြို့တော် စည်ပင်သာယာရေးကော်မတီကကြီးမှူး၍ လူငယ်လူရွယ်များ စည်းကမ်းဥပဒေကို သိရှိလိုက်နာခြင်း၊ ရိုးသားရဲရင့်စွာ ပြုမူ ဆက်ဆံပြောဆိုတတ် ခြင်း၊ ကိုယ်ကျင့်တရားကောင်းမွန်၍ လိမ္မာယဉ်ကျေးခြင်း၊ သဘာဝပတ်ဝန်းကျင်ကို ထိန်းသိမ်းစောင့်ရှောက် တတ်ခြင်း၊ အများအကျိုးဆောင်ရွက်လိုခြင်း စသည့်အချက် များနှင့် ပြည့်စုံသည့် နိုင်ငံသားကောင်းများအဖြစ် ရှင်သန်ရပ်တည်ရေးကို ရည်ရွယ် ၍ လေ့ကျင့်ပျိုးထောင်ပေးနိုင်ရန် ပြည်သူ့နီတိရေးဖြေပြိုင်ပွဲကို ၂ဝ၁၇ ခုနှစ် ဧပြီ ၂၇ ရက်နှင့် ၂၈ ရက်တို့တွင် မူလတန်း၊ အလယ်တန်း၊ အထက်တန်း အဆင့်သုံးဆင့်ခွဲခြား ၍ ကျင်းပသွားမည်ဖြစ်သည်။

အဆိုပါပြိုင်ပွဲသို့ ရန်ကုန်တိုင်းဒေသကြီးအတွင်းရှိ ကျောင်းများမှ မူလတန်း၊ အလယ်တန်း၊ အထက်တန်းကျောင်းသားများအပြင် ကိုယ်ပိုင်ကျောင်းများ၊ ဘုန်းတော်ကြီးသင်ပညာရေးကျောင်းများ၊ ကျောင်းပြင်ပ ပညာရေးသင်ကြားနေ သော ကလေးသူငယ်များ၊ လက်ဖက်ရည်ဆိုင်၊ စားသောက်ဆိုင်နှင့် လုပ်ငန်းခွင်ဝင်နေ ကြသော ကျောင်းနေ အရွယ်ကလေးများပါ ပါဝင်ဖြေဆိုနိုင်ပြီး အသက်အပိုင်းအခြား အားဖြင့် မူလတန်းအဆင့် (၅)နှစ်မှ (၁ဝ)နှစ်၊ အလယ်တန်းအဆင့်(၁ဝ)နှစ်မှ (၁၅)နှစ်၊ အထက်တန်းအဆင့်(၁၅)နှစ်မှ (၂ဝ)နှစ်အထိ သတ်မှတ်ထားပြီး ဆုများကို ထိုက်ထိုက်တန်တန် ချီးမြှင့်သွားမည်ဖြစ်သည်။ နှုတ်ဖြေပြိုင်ပွဲကို ရေးဖြေပြိုင်ပွဲ မှ ပထမ၊ ဒုတိယ၊ တတိယနှင့် နှစ်သိမ့်ဆု ၁ဝ ဦး ရရှိသူများကို ပြန်လည် ယှဉ်ပြိုင် မည်ဖြစ်ပြီး နှုတ်ဖြေပြိုင်ပွဲမှ ဆုရရှိသူများကိုလည်း ထပ်မံဆုချီးမြှင့်ပေးသွားမည် ဖြစ်သည်။

ပါဝင်ဖြေဆိုလိုသူများသည် မြို့တော်ခန်းမ(မြေညီထပ်) ရှိ ပြည်သူ့ဆက်ဆံ ရေးနှင့် ပြန်ကြားရေးဌာန ပြန်ကြားရေးဌာနခွဲသို့ ရုံးချိန်အတွင်း မတ် ၂ဝ ရက်မှ ၃၁ ရက် နောက်ဆုံးထား၍ အမည်၊ အဘအမည်၊ အသက်၊ အတန်း၊ ကျောင်း၊ မြို့နယ် တို့ကို ဖော်ပြ၍ အမည်စာရင်းပေးသွင်းနိုင်သည်။

ပြိုင်ပွဲဝင်ဖြေဆိုနိုင်ရေးအတွက် လေ့လာရန် နမူနာပြ၊ ရည်ညွှန်းစာပေများ အနေဖြင့် ရန်ကုန်မြို့တော်စည်ပင်သာယာရေးကော်မတီ မှ ကောက်နုတ်ရိုက်နှိပ် ထားသည့် ပြည်သူ့နီတိအသိပညာပေး အထောက်အကူပြု ကဗျာ၊ ပုံပြင်ဝတ္ထု (မူတန်း၊ အလယ်တန်း၊ အထက်တန်း) စာအုပ်များအပြင် အခြေခံပညာဦးစီးဌာနမှ ပြဋ္ဌာန်းထားသော ပြည်သူ့နီတိနှင့် စာရိတ္တပညာတွဲဖက် သင်ရိုးဝင်ဘာသာနှင့် ပြည်သူ့နီတိနှင့် ပတ်သက်သော ပြင်ပစာအုပ်များကို လေ့လာ၍ မိမိတို့၏ အတွေး အမြင် အသိပညာဖြင့် ပေါင်းစပ်ဖြေဆိုကြရန်ဖြစ်ပါသည်။ ပြိုင်ပွဲကျင်းပမည့်နေရာ များကို ဖြေဆိုသူအရေအတွက်ပေါ်မူတည်၍ သက်ဆိုင်ရာခရိုင်များတွင် စီစဉ် ဆောင်ရွက်ပေးသွားမည်ဖြစ်ပြီး ပြိုင်ပွဲနှင့်ပတ်သက်၍ အသေးစိတ်သိရှိလိုပါက ရန်ကုန်မြို့တော်စည်ပင် သာယာရေးကော်မတီ Website-www.ycdc.gov.mm နှင့် တယ်လီဖုန်းအမှတ် -ဝ၉၄၉၂၂၇၈၈၆၊ ဝ၉-၇၃ဝ၃ဝ၁၇၅၊ ဝ၉-၈၆၃၆၅၅၂၊ ဝ၉-၇၇၈ဝ၅၂၁၄၅ တို့သို့ ဆက်သွယ်စုံစမ်းမေးမြန်းနိုင်ပါသည်။

ပြိုင်ပွဲကျင်းပရေးဦးစီးကော်မတီ

ကြေးမုံသတင်းစာ (၅.၃.၂၀၁၇)

Powered by Bullraider.com