မာလ်တီမီဒီယာအတတ်ပညာဘွဲ့လွန်ဒီပလိုမာ (ပညာရေး)သင်တန်း လျှောက်ထားနိုင်

http://www.unescobkk.org/typo3temp/pics/e76ab94b9b.jpg

ရန်ကုန်ပညာရေးတက္ကသိုလ်နှင့် စစ်ကိုင်းပညာရေးတက္ကသိုလ်များတွင် မာလ်တီမီဒီယာအတတ်ပညာဘွဲ့လွန်ဒီပလိုမာ(ပညာရေး)သင်တန်းတက်ရောက်ရန် မတ်လ ၂၂ ရက်နောက်ဆုံးထား၍ မြို့နယ်ပညာရေးမှူးရုံးများ၌ လျှောက်လွှာတင်နိုင်ကြောင်း ပညာရေးဝန်ကြီးဌာနက ကြေညာထားသည်။

တက္ကသိုလ်တစ်ခုခုမှ ဘွဲ့တစ်ခုခုရရှိထားသူများအနေဖြင့် အဆိုပါသင်တန်းကို လျှောက်ထားနိုင်ပြီး ကွန်ပျူတာပညာရပ် နားလည်တတ်ကျွမ်းမှု၊ အခြေခံအင်္ဂလိပ်စာနှင့် အထွေထွေဗဟုသု တတို့ကို ရေးဖြေစာမေးပွဲစစ်ဆေးမည်ဖြစ်သည်။ 

သင်တန်းလျှောက်ထားသူများသည် ဒေသမရွေးတာဝန်ထမ်းဆောင်နိုင်ရမည်ဖြစ်ပြီး ပြင်ပမှ လျှောက်ထားသူဖြစ်ပါက အသက် (၂၅)နှစ်ထက် မကြီးသူ၊ ၀န်ထမ်းဖြစ်ပါက အသက် (၃၅) နှစ်ထက် မကြီးသူဖြစ်ရန် သတ်မှတ်ထားသည်။

ရေးဖြေစာမေးပွဲဖြေဆိုမည့်သူများသည် နိုင်ငံသားစိစစ်ရေးကတ်ပြားကို ယူဆောင်လာရမည်ဖြစ်ပြီး လူတွေ့နှုတ် ဖြေစစ်ဆေးခံရမည့်သူများသည် ဘွဲ့လက်မှတ်မူရင်းနှင့် တက္ကသိုလ်ဝင်စာမေးပွဲ အောင်လက်မှတ်မူရင်းကို ယူ ဆောင်လာရမည်ဖြစ်သည်။

မာလ်တီမီဒီယာအတတ်ပညာဘွဲ့လွန်ဒီပလိုမာ(ပညာရေး)သင်တန်းကာလမှာ ၂၀၁၇ ၊ဇွန်လ ၅ ရက်မှ ၂၀၁၈ ခုနှစ်၊ ဧပြီအထိဖြစ်ပြီး သင်တန်းတက်ရောက်အောင်မြင်သူများကို အခြေခံပညာကျောင်းများတွင် အလယ်တန်းပြအဖြစ် ခန့်အပ်တာဝန်ပေးအပ်မည်ဖြစ်ကြောင်း သိရသည်။

7 Day Journal

Issue No.

Powered by Bullraider.com