ယခုနှစ်တက္ကသိုလ်ဝင်တန်းတွင် ထူးချွန်စွာအောင်မြင်သော ကျောင်းသား ၂၀ ကို ဂျပန်လေ့လာရေး ခရီးစဉ်ပို့ဆောင်ပေးရန် ရွေးချယ်မှုပြီးစီး

Category: မြန်မာ့ပညာရေးသတင်း
Published on Sunday, 02 August 2015 02:10
Written by အေတီကေ

https://www.crossed-flag-pins.com/shop/media/image/thumbnail/Flag-Pins-Japan-War-Flag-Myanmar_720x600.jpg

ယခုနှစ်တွင် တက္ကသိုလ်ဝင်တန်းအောင်မြင်သော ထူးချွန်ကျောင်းသား ၂၀ ဦးကို ဂျပန်နိုင်ငံသို့ လေ့ လာရေးခရီးစဉ် ပို့ဆောင်ပေးရန် အပြီးသတ်ရွေးချယ်ပြီးစီးသွားပြီဖြစ်ကြောင်း သိရသည်။

ရွေးချယ်ခံထားရသော ကျောင်းသား၊ ကျောင်းသူ ၂၀ သည် လာမည့်စက်တင်ဘာ ၅ ရက်မှ ၁၃ ရက် အထိ ခုနှစ်ညအိပ်ရှစ်ရက်တာ ခရီးစဉ်အဖြစ် ဂျပန်နိုင်ငံသို့ လေ့လာရေးခရီးစဉ် သွားရောက်ရမည်ဖြစ် ကြောင်း၊ ယင်းအတွက် ဂျပန်နိုင်ငံဝင်ခွင့်ဗီဇာ လျှောက်ထားရေး၊ နိုင်ငံကူးလက်မှတ်များ ပြုလုပ်နိုင်ရေး တို့အတွက် ဂျပန်-မြန်မာအသင်းသို့ ဆက်သွယ်ရမည်ဖြစ်ကြောင်း ဂျပန်-မြန်မာအသင်းမှ သိရသည်။

“အရင်နှစ်ကတော့ ဂျပန်နိုင်ငံတောင်ပိုင်းကို လေ့လာရေးပို့ခဲ့တယ်။ ဒီနှစ်မှာတော့ တိုကျိုမှာသုံးရက်နေ မယ်။ ကျန်ရက်တွေမှာ ဂျပန်မြောက်ပိုင်းကိုသွားမယ်။ အသေးစိတ်ကတော့ ညှိနှိုင်းဆဲဖြစ်ပါတယ်” ဟု ဂျပန်-မြန်မာ အသင်းမှဥက္ကဋ္ဌ ဦးစောလှမင်းက ပြောသည်။

တိုင်းဒေသကြီးနှင့် ပြည်နယ်အလိုက် ရွေးချယ်ခဲ့သောကျောင်းသား၊ ကျောင်းသူများမှာ ရန်ကုန်တိုင်း ဒေသကြီးမှ လေးဦး၊ ဧရာဝတီတိုင်းမှနှစ်ဦး၊ မကွေးတိုင်းမှ နှစ်ဦး၊ မန္တလေး၊ စစ်ကိုင်း၊ ပဲခူး၊ ကချင်၊ ကယား၊ ကရင်၊ ချင်း၊ မွန်၊ ရခိုင်၊ ရှမ်း၊ နေပြည်တော်၊ တနင်္သာရီတိုင်းတို့မှ တစ်ဦးစီရွေးချယ်ခဲ့ကြောင်း သိရသည်။

မြန်မာ-ဂျပန် အသင်းသည် ယင်းခရီးစဉ်အတွက် အဆိုပြုလွှာတင်သွင်းခွင့်ရှိသော ကျောင်းသား၊ ကျောင်းသူ ၉၈ ဦး၏ အမည်စာရင်းကို ထုတ်ပြန်ကြေညာခဲ့ရာ အဆိုပျြုလွှာတင်သွင်းသူသည် ၉၂ ဦး သာရှိခဲ့ကြောင်း၊ ယင်းတို့ကို ပဏာမစိစစ်ပြီး ၆၆ ဦးကို ရန်ကုန်၊ နေပြည်တော်၊ မန္တလေးတို့တွင် လူ တွေ့စိစစ်မှုများ ပြုလုပ်ခဲ့ကြောင်း သိရသည်။

ယင်းအစီအစဉ်ကို ၂၀၁၄ ခုနှစ်မှ စတင်ခဲ့ခြင်းဖြစ်ပြီး ကမ္ဘောဇဘဏ်မှ အဓိကကူညီပေးခြင်းဖြစ်ပြီး ဂျပန်နိုင်ငံမှ ကုမ္ပဏီအချို့နှင့် မြန်မာနိုင်ငံမှ SKY NET ရုပ်သံတို့မှလည်း ပူးပေါင်းပါဝင်ကြောင်း သိရ သည်။

မြန်မာ-ဂျပန်အသင်း၏ ပညာရည်ထူးချွန်ဆု၊ ဂျပန်နိုင်ငံလေ့လာရေးအစီအစဉ်ကို ဆောင်ရွက်ရခြင်းမှာ နိုင်ငံပြည်သူအချင်းချင်း ကူးလူးဆက်ဆံမှုကို ကျောင်းသူ၊ ကျောင်းသာများ ချစ်ခင်ရင်းနှီးမှုမှတစ်ဆင့် တိုးမြင့်စေရန်၊ မြန်မာနိုင်ငံ၏အနာဂတ်တွင် လူ့စွမ်းအားအရင်းအမြစ် ဖွံ့ဖြိုးတိုးတက်ရေးအတွက် အထောက်အကူဖြစ်စေရန်၊ တက္ကသိုလ်ဝင်တန်း စာမေးပွဲတွင်ထူးချွန်စွာအောင်မြင်ခဲ့ကြသည့် ပြည် နယ်နှင့်တိုင်းဒေသကြီးတို့မှ ဘက်စုံထူးချွန်ကျောင်းသား၊ ကျောင်းသူများကိုရွေးချယ်ပြီး၊ နိုင်ငံတော် ကိုယ်စား၊ မိဘပြည်သူများ အစိတ်အပိုင်းတစ်ရပ်အနေဖြင့် ပါဝင်ဂုဏ်ပြုချီးမြှင့်ခြင်းဖြစ်ကြောင်း သိရ သည်။

Democracy Today Daily

ဇူလိုင်လ (၂၄) ရက်၊ ၂၀၁၅ ခုနှစ်

Powered by Bullraider.com