ပညာရေးဝန်ကြီးဌာနက တစ်နိုင်ငံလုံးရှိ မြို့နယ် ၂၇ မြို့နယ်မှ ကျောင်းသား၊ ကျောင်းသူများကို ပညာ သင်ထောက်ပံ့ကြေးပေးမည်

Category: မြန်မာ့ပညာရေးသတင်း
Published on Tuesday, 04 August 2015 01:39
Written by အေတီကေ

http://4.bp.blogspot.com/-i6goyhyTtUo/UYFpu_FLWlI/AAAAAAAAA1Q/Bq_y6joriDo/s1600/NA76.jpg

ယခုပညာသင်နှစ်တွင် တစ်နိုင်ငံလုံးရှိမြို့နယ် ၂၇ မြို့နယ်မှ ကျောင်းသား၊ ကျောင်းသူများကို ပညာ သင်ထောက်ပံ့ကြေးပေးမည်ဖြစ်ကြောင်း သိရသည်။

ပညာရေးဝန်ကြီးဌာနမှ ၂၀၁၄-၂၀၁၅ ပညာသင်နှစ်တွင် စီမံချက်မြို့နယ် ရှစ်မြို့နယ်ဖြစ်သည့် ရန်ကုန်၊ ဧရာဝတီ၊ မန္တလေး၊ ရှမ်းပြည်နယ်တောင်ပိုင်းမှ ကျောင်းသား၊ ကျောင်းသူ ၃၇၇၉၈ ဦးကိုရွေးချယ်ပြီး ပညာသင်ထောက်ပံ့ကြေးများ ပေးအပ်ခဲ့ပြီး ယခုနှစ်တွင် ၂၇ မြို့နယ်အထိ တိုးချဲ့ကာဆင်းရဲနွမ်းပါးပြီး ကျောင်းတက်ရန်အခက်အခဲရှိသော ကျောင်းသား၊ ကျောင်းသူများကို ထောက်ပံ့ပေးအပ်သွားမည်ဖြစ် ကြောင်း အခြေခံပညာဦးစီးဌာနမှ သိရသည်။

ပညာရေးဝန်ကြီးဌာနမှ ပညာသင်ထောက်ပံ့ကြေးများကို ၂၀၁၄-၂၀၁၅ မှ ၂၀၁၇-၂၀၁၈ ပညာသင်နှစ် အထိ လေးနှစ်အတွင်းစီမံချက်ဝင်မြို့နယ်များမှ ကျောင်းသား၊ ကျောင်းသူ စုစုပေါင်း ၁၈၈၁၉၈ ဦးအထိ ပညာသင်ထောက်ပံ့ကြေးပေးနိုင်ရန် ခန့်မှန်ထားကြောင်း သိရသည်။

“ပညာသင်ထောက်ပံ့ကြေးကတော့ နှစ်အလိုက်အကောင်အထည်ဖော်တဲ့ မြို့နယ်အလိုက်ရရှိမှာပါ” ဟု အခြေခံပညာဦးစီးဌာနမှ အရာရှိတစ်ဦးကပြောသည်။

ပညာသင်ထောက်ပံ့ကြေးလျှောက်ထားသည့် ကျောင်းသား၊ ကျောင်းသူများသည် မိဘမဲ့၊ ဖခင်မရှိဘဲ ဆင်းရဲနွမ်းပါးပြီး မိခင်နှင့်အတူနေထိုင်သူများ၊ မိဘနှစ်ပါးရှိပြီး ဆင်းရဲသူကျောင်းနေရန်ခက်ခဲသူ၊ ကျောင်းထွက်နိုင်ခြေရှိသူ၊ လူမှုရေးအဖွဲ့အစည်းများ၊ အသင်းအဖွဲ့များမှ ကာလရှည်၊ နှစ်စဉ်ထောက်ပံ့ ကြေးခံစားနေရသည့် ကလေးမျိုးများမဖြစ်စေရဟု သတ်မှတ်ထားကြောင်း သိရသည်။

“ကျောင်းအလိုက်ဖွဲ့စည်းထားတဲ့ ရွေးချယ်ရေးအဖွဲ့တွေက စိစစ်ပြီးတော့ ကျောင်းသားတွေကို ရွေးမှာ ပါ။ မှန်မှန်ကန်ကန်ရွေးချယ်ဖို့အတွက် သူတို့ကိုသင်တန်းတွေလဲ ပေးထားပါတယ်။ ထောက်ပံ့ကြေးရ မယ့်ကျောင်းသားတွေကို ဇွန်လကနေ သြဂုတ်လအထိ သုံးလစာကို သြဂုတ်လထဲမှပေးမှာဖြစ်ပါတယ်” ဟု ပဲခူးတိုင်းပညာရေးမှူးရုံးမှ တာဝန်ရှိသူတစ်ဦးက ပြောသည်။

ရွေးချယ်ခံရသော စတုတ္ထတန်းကျောင်းသား တစ်ဦးလျှင် တစ်လ ၅၀၀၀ ကျပ်နှုန်း၊ အလယ်တန်း ကျောင်းသားတစ်ဦးလျှင် ၈၀၀၀ ကျပ်နှုန်း၊ အထက်တန်းကျောင်းသား တစ်ဦးလျှင် ၁၀၀၀၀ ကျပ်နှုန်း တို့အား ၁၀ လစာထောက်ပံ့မည်ဖြစ်ကြောင်း သိရသည်။

Democracy Today Daily

ဇူလိုင်လ (၂၅) ရက်၊ ၂၀၁၅ ခုနှစ်

Powered by Bullraider.com